កម្ពុជាដំណឹង

ហ៊ុន សែន បន្តបញ្ជា​ឲ្យ​«ចាប់ខ្លួន សម រង្ស៊ី» ព្រោះថា​មិនមែន​ជារឿង​បុគ្គល

ប្រធានគណបក្សកាន់អំណាចនៅកម្ពុជា លោក ហ៊ុន សែន បានបន្តរំឭក ឲ្យ«ចាប់ខ្លួន»លោក សម រង្ស៊ី ប្រសិនជាមេដឹកនាំប្រឆាំងរូបនេះ មានវត្តមាននៅកម្ពុជា។ ខុសពីការថ្លែងលើកមុនៗ ដែលថា ករណីលោក សម រង្ស៊ី ជាបញ្ហាបុគ្គលនោះ នាយករដ្ឋមន្ត្រីបីទសវត្សរ៍ជាង បានអះអាងនៅពេលនេះថា ការវិលត្រឡប់របស់លោក សម រង្ស៊ី មិនមែនជារឿងបុគ្គល»ទៀតទេ។

លោក ហ៊ុន សែន បានថ្លែងដូច្នេះ នៅក្នុងកិច្ចប្រជុំគណៈកម្មាធិការកណ្តាល គណបក្សប្រជាជនកម្ពុជា នៅថ្ងៃទី២២ ខែសីហា ឆ្នាំ២០១៩នេះ និងត្រូវបានស្រង់សំដី មកបញ្ជាក់ ដោយលោក ឈឹម ផលវរុណ អ្នកនាំពាក្យគណបក្សប្រជាជនកម្ពុជា នៅក្រោយអង្គប្រជុំ។

ជាមួយនឹងបទបញ្ជានោះ លោក ហ៊ុន សែន បានពន្យល់ និងហៅការចាប់ខ្លួនលោក សម រង្ស៊ី ដែលអះអាងវិលចូលកម្ពុជាវិញ នៅថ្ងៃទី៩ខែវិច្ឆិកាខាងមុខ ថាជាការ«ពង្រឹងស្ថិរភាពនយោបាយ និងសេចក្ដីសុខប្រជាពលរដ្ឋ» ជាពិសេសបង្ការ «មិនឲ្យបដិវត្តពណ៌កើតឡើង»។ នេះ បើតាមការលើកឡើង របស់លោក ឈឹម ផលវរុណ។

កាលពីសប្ដាហ៍មុន គណបក្សសង្គ្រោះជាតិ បានប្រកាសថា លោក សម រង្ស៊ី រួមនឹងមេដឹកនាំគណបក្សផ្សេងទៀត នឹងធ្វើមាតុភូមិនិវត្តន៍ នៅថ្ងៃទី៩ ខែវិច្ឆិកាខាងមុខ។

លោក សម រង្ស៊ី ខ្លួនលោក ក៏បានប្រកាសដោយផ្ទាល់មាត់ដែរ ជុំវិញដំណើរត្រឡប់ចូលប្រទេសកម្ពុជាវិញនេះ បើទោះជាអាជ្ញាធររបបក្រុងភ្នំពេញ បានគម្រាម និងអះអាងជាថ្មីថា លោក សម រង្ស៊ី នឹងត្រូវចាប់ខ្លួន បើសិនជាមេដឹកនាំប្រឆាំងរូបនេះ មានវត្តមាន​នៅកម្ពុជាក៏ដោយ។

អ្នកនាំពាក្យគណបក្សកាន់អំណាច បានបន្តស្រង់សំដីលោក ហ៊ុន សែន មកថ្លែងទៀតថា៖

«រឿង សម រង្ស៉ី មិនមែនជារឿង សម រង្ស៉ី ជាបុគ្គលទេគឺពាក់ព័ន្ធនឹងការយកលេសនៃការរំលាយគណបក្សសង្រ្គោះជាតិ ការយកលេសដោយប្រើពាក្យប្រជាធិបតេយ្យ សេរីភាព ប៉ុន្តែលេសទាំងនេះ គឺជាលេសដើម្បីទាញកម្ពុជា ឱ្យធ្លាក់ទៅក្នុងការប្រទាញប្រទង់គ្នារវាងមហាអំណាច និងមហាអំណាចតែប៉ុណ្ណោះ។»

នាយករដ្ឋមន្ត្រីបីទសវត្សរ៍ជាង របស់ប្រទេសកម្ពុជា ធ្លាប់ប្រកាសជាច្រើនដង ឈប់ឆ្លើយឈប់ឆ្លងជាមួយលោក សម រង្ស៊ី និងជាពិសេសលោក តែងនិយាយថា ការលើកឡើងរបស់លោក សម រង្ស៊ី រួមនឹងមេដឹកនាំគណបក្សប្រឆាំងផ្សេងទៀត គ្រាន់តែជារឿងបុគ្គលប៉ុន្មាននាក់នោះប៉ុណ្ណោះ។ លោក ហ៊ុន សែន បានទាំងព្រមានតាមជម្រះបញ្ជី ជាលក្ខណៈបុគ្គល និងជាលក្ខណៈគ្រួសារនិយម ជាមួយនឹងគូបដិបក្ខនយោបាយ របស់លោកថែមទៀត។

សម្រាប់អ្នកវិភាគនយោបាយ លោកបណ្ឌិត ឡៅ ម៉ុងហៃ បានពន្យល់ថា ដំណើរវិលត្រឡប់របស់លោក សម រង្ស៊ី នៅពេលខាងមុខ ទំនងជាមិនអាចលប់ចោលវិញបានទេ ដោយហេតុថា វាជា«កេរ្តិ៍ឈ្មោះ»នយោបាយ របស់រូបលោក ហើយការវិលចូលនោះ ក៏ទទួលហនិភ័យ ដោយអាចត្រូវរបបក្រុងភ្នំពេញ «ចាប់ខ្លួន»យកទៅឃុំដាច់ឆ្ងាយ ដូចករណីលោក ណែលសុន ម៉ឹនដែឡា (Nelson Mandela) ដែលត្រូវបានអាជ្ញាធរ​នៃប្រទេសអាហ្វ្រិកខាងត្បូង ចាប់ឃុំខ្លួនរវាងពីឆ្នាំ១៩៦២ រហូតមកទល់នឹងឆ្នាំ១៩៩២។

លោក ឡៅ ម៉ុងហៃ បានសរសេរនៅលើទំព័រហ្វេសប៊ុករបស់លោកថា៖

«សម រង្ស៊ី ចាំបាច់ត្រូវតែត្រឡប់ចូលមកមាតុភូមិ ដូចគាត់បានប្រកាស ពុំនោះទេជាជីពនយោបាយ កេរ្ត៍ឈ្មោះនិងភាពជារដ្ឋបុរសគាត់នឹងបានដល់កំពូលត្រឹមហ្នឹង ហើយគាត់ក៏ត្រូវទុកឲ្យអ្នកឯទៀតបន្តវេណគាត់ហើយ ។»

«រដ្ឋាភិបាលដាច់ខាត មិនឲ្យមានបដិសណ្ឋារកិច្ចទទួលគាត់​ ដូចនៅថ្ងៃទី១៩ កក្កដា ២០១៣ឡើយ ។ នគរបាលនឹងចាប់គាត់យកទៅឃុំ ក្នងគុកដូចបន្ទាយមួយ ស្ងាត់អត់ឲ្យមានការរទាក់ទង របៀបដូចរបបសាសន៍ ស នៅប្រទេសអាហ្វ្រិកខាងត្បូង ដាក់គុក ណែលសិន ម៉ឹនដែឡា អស់ ២៦ឆ្នាំ ដែរ៕»

សម រង្ស៊ី ចាំបាច់ ត្រូវ តែ ត្រឡប់ ចូល មក មាតុភូមិ ដូច គាត់ បាន ប្រកាស ពុំ នោះ ទេ អាជីព​ នយោបាយ …

Posted by Mong Hay Lao on Thursday, August 22, 2019


លំអិតបន្ថែមទៀត

កម្ពុជា

ហ៊ុន សែន ជូនពរ​«ចូលឆ្នាំចិន»​៤ថ្ងៃមុន ដោយធៀប​ទៅ​របបខ្មែរក្រហម

«ខ្ញុំនិងភរិយា សូមជូនពរបងប្អូនជនរួមជាតិបានសប្បាយរីករាយ នៅក្នុងឱកាសបុណ្យ”ចូលឆ្នាំចិន”ខាងមុខ និងមានលាភសំណាងគ្រប់ៗគ្នា។» ខាងលើនេះ ជាការថ្លែងពាក្យជូនពរ សម្រាប់ពិធីចូលឆ្នាំចិន-វៀតណាម ពីសំណាក់នាយករដ្ឋមន្ត្រីកម្ពុជា ខណៈពិធីជាប្រពៃណីនេះ នឹងចូលមកដល់ ក្នុង៤ថ្ងៃខាងមុខ។ យ៉ាងណា បុរសខ្លាំងកម្ពុជា ...
លោក ហ៊ុន សែន (រូបអង្គុយ) កំពុងជល់កែវជាមួយកូន និងកូនប្រសារ ទាំងប្រុស-ស្រីរបស់លោក នៅក្នុងគេហដ្ឋានរបស់លោក។ (រូបថតហ្វេសប៊ុក)
វិភាគ អត្ថាធិប្បាយ

សារព័ត៌មាន​បារាំង​៖ ត្រកូល​ហ៊ុន​មាន​ទ្រព្យ​មិន​តិច​ជាង ១ពាន់លាន​ដុល្លារ​

សារព័ត៌មានមួយរបស់ប្រទេសបារាំង បានលើកឡើងពីទំហំទ្រព្យសម្បត្តិ របស់ត្រកូល «ហ៊ុន» នៃនាយករដ្ឋមន្ត្រីកម្ពុជា ថាមានប្រមាណ​មិនតិចជាង ១ពាន់លាន​ដុល្លារ​ នោះ​ឡើយ។ ហើយនេះ គេនៅមិនទាន់រាប់ក្រុមគ្រួសារផៅសន្ដាន នៃអ្នកមាន​អំណាច​ផ្សេង​ទៀត ដែលត្រកូល ហ៊ុន ...
កម្ពុជា

អ្នកជំនាញ អ.ស.ប ថា​រដ្ឋាភិបាលកម្ពុជា​​បិទ​សំឡេង​ដៃគូ​ប្រជែង​នយោបាយ

ក្រុម«អ្នកជំនាញ» ផ្នែកសិទ្ធិមនុស្ស អង្គការសហប្រជាជាតិ ( អ.ស.ប ) បានសម្តែងកង្វល់របស់ផងខ្លួន ចំពោះនិន្នាការកើនឡើង នៃការគាបសង្កត់ដោយរដ្ឋាភិបាលកម្ពុជា ​ទៅលើ​មតិយោបល់ផ្ទុយពីខ្លួន ដែលហាក់ដូចជាមានបំណងបំភិតបំភ័យ ឬបំបិទសំឡេងអ្នកប្រឆាំង ផ្នែកនយោបាយ។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...