កម្ពុជាដំណឹង

ហ៊ុន សែន ស្វាគមន៍ រៀល ខេមរិន្ទ្រ ដោយ​អានសារ​វិលចូល​ស្រុក​របស់​លោក

នៅព្រឹកថ្ងៃចន្ទនេះ លោក រៀល ខេមរិន្ទ្រ ទទួលបានការស្វាគមន៍ ពីលោកនាយករដ្ឋមន្ត្រី ហ៊ុន សែន ដោយត្រូវលោកនាយករដ្ឋមន្ត្រី លើកទឹកចិត្តឲ្យធ្វើសកម្មភាពនយោបាយ ឲ្យបានពេញលេញ បន្ទាប់ពីអតីតតំណាងរាស្ត្រមណ្ឌលស្វាយរៀងរូបនេះ បានវិលត្រឡប់មកដល់រាជធានីភ្នំពេញវិញ កាលពីម្សិលម៉ិញ។

លោក រៀល ខេមរិន្ទ្រ ដែលទើបទទួលបានសិទ្ធិ ធ្វើសកម្មភាពនយោបាយវិញ បានប្រកាសប្រាប់អ្នកផង អំពីដំណើរវិលចូលប្រទេសវិញនេះ តាមរយៈបណ្ដាញសង្គម ដោយការបង្ហោះរូបថត និងវីដេអូមួយចំនួន ដោយមានអមនឹងការសរសេរ ប៉ុន្មានឃ្លានោះផង។

ក្នុងពិធីប្រគល់សញ្ញាបត្រ ដល់និស្សិតសាកលវិទ្យាល័យភ្នំពេញអន្តរជាតិ (PPIU) នៅវិទ្យាស្ថានជាតិអប់រំ រាជធានីភ្នំពេញ លោក ហ៊ុន សែន បានស្រង់យកសំណេររបស់ អតីតតំណាងរាស្ត្រ​មកពីគណបក្សសង្គ្រោះជាតិ មកថ្លែងឡើងទាំងស្រុងថា៖

«មកដល់ស្រុកខ្មែរហើយ មិនលក់ក្បាយលក់កន្ទុយអីទេ។ តេជោ សែន ក៏លោកបានបញ្ជាក់ហើយដែរ មិនត្រូវការទិញក្បាលខ្ញុំ យកទៅធ្វើអីនោះទេព្រោះធនធានមនុស្ស CPP មានគ្រប់គ្រាន់ហើយ ឯក្បាលខ្ញុំក៏មិនសម្រាប់ដាក់លក់ដែរ។»

«មកដល់ពោធិចិនតុងគ្មានអ្នកណាមកទទួលអីទេ ព្រោះមិនបានប្រាប់នរណា ជិះរ៉ឺម៉កម៉ូតូកង់៣ ក្តៅណាស់តែចិត្តត្រជាក់ៗ សប្បាយៗ ព្រោះបែកមាតុភូមិជាទីស្នេហាយូរហើយ។»

«អរគុណបងប្អូន កូនក្មួយទាំងអស់ ទាំងអ្នកស្អប់ ទាំងអ្នកនៅតែស្រឡាញ់ ដែលបានជេរ និងទាំងមិនបានជេរ ជីវិតគឺចឹងហើយ មានតែព្រះទេលោកដឹង។»

បន្ទាប់មក លោក ហ៊ុន សែន បានធ្វើអត្ថាធិប្បាយបន្តថា៖

«បានសេចក្ដីថា គាត់មានសិទ្ធិពេញលេញហើយ។ គាត់ចង់ទៅជួបអ្នកគាំទ្រគាត់ នៅកន្លែងណា គឺជាភារកិច្ចរបស់គាត់។ នេះជាដំណើរការលទ្ធិប្រជាធិបតេយ្យ របស់ប្រទេសយើង។ ឯអ្នកសុំសិទ្ធិនយោបាយដទៃទៀត ដូចជាឯកឧត្ដម គង់ គាំង – គង់ បូរា គាត់មានសិទ្ធិហើយ។ ថ្ងៃនេះ តាមដឹងដូចជាមួយក្រុម ដែលទទួលសិទ្ធិធ្វើនយោបាយ គេនឹងធ្វើសន្និសីទសារព័ត៌មាន៕»

មកដល់ស្រុកខ្មែរហើយ មិនលក់ក្បាយលក់កន្ទុយអីទេ តេជោរសែន…

Posted by Real Camerin on Saturday, March 23, 2019


លំអិតបន្ថែមទៀត

លោក ហ៊ុន សែន (រូបអង្គុយ) កំពុងជល់កែវជាមួយកូន និងកូនប្រសារ ទាំងប្រុស-ស្រីរបស់លោក នៅក្នុងគេហដ្ឋានរបស់លោក។ (រូបថតហ្វេសប៊ុក)
កម្ពុជា

RSF ៖ កម្ពុជា​បន្តធ្លាក់​ចំណាត់ថ្នាក់ ក្នុង​សេរីភាព​សារព័ត៌មាន ឆ្នាំ​២០២០

ប្រទេសកម្ពុជាបន្តមានចំណាត់ធ្លាក់ទាប ក្នុង​សេរីភាព​សារព័ត៌មាន សម្រាប់ឆ្នាំ២០២០។ នេះ​បើតាមបញ្ជីសន្ទស្សន៍ របស់អង្គការអ្នកយកព័ត៌មានគ្មានព្រំដែន ដែលទើបនឹងចេញផ្សាយ ក្នុងថ្ងៃពុធ ទី២២ ខែមេសា ឆ្នាំ២០២០។ បញ្ជីសន្ទស្សន៍ បានគណនាពិន្ទុ ឆ្នាំ២០២០ ...
កម្ពុជា

ហ៊ុន សែន អបអរ​ថ្ងៃចូល​«រ៉ាម៉ាឌន» តែ​ទុក​ខ្មែរឥស្លាម​ច្រើននាក់​នៅ​ក្រៅ​ស្រុក

នាយករដ្ឋមន្ត្រីកម្ពុជា លោក ហ៊ុន សែន បានថ្លែងអបអរសាទរ និងជូនពរថ្ងៃចូល នៃខែបួស​របស់សាសនិកឥស្លាម ដែលហៅតាមពាក្យអារ៉ាប់​«រ៉ាម៉ាឌន (Ramadan)»។ លោកបាននិយាយ​ពាក្យពេជន៍​មួយចំនួនទៀត ដើម្បីអ្វីមួយ ដែលលោកហៅថា «សូមអធ្យាស្រ័យ​សុំការយោគយល់»​ពី«បងប្អូនសាសនិកខ្មែរឥស្លាម» ...
លោក រ៉ុង ឈុន (ខាងឆ្វេងបំផុត) លោក សម រង្ស៊ី និងលោក កឹម សុខា នៅក្នុងតុលាការរាជធានីភ្នំពេញ កាលពីថ្ងៃទី១៤ ខែមករា ឆ្នាំ២០១៤។ (រូបថតហ្វេសប៊ុកលោក សម រង្ស៊ី)
កម្ពុជា

សម រង្ស៊ី ថ្លែងឲ្យប្រើការចាប់ខ្លួន រ៉ុង ឈុន ដើម្បី​ងើបឈរ​ឡើង ផ្លាស់ប្ដូរ​របប

មេដឹកនាំប្រឆាំង លោក សម រង្ស៊ី បានធ្វើសេចក្ដីថ្លែងការណ៍​ផ្ទាល់មាត់មួយ ពីប្រទេស​បារាំង អំពាវនាវ​ឲ្យ​ពលរដ្ឋ​រួបរួមគ្នា ក្នុងការប្រើឱកាស នៃការចាប់ខ្លួនលោក រ៉ុង ឈុន ដើម្បី​ងើបឈរឡើង ឈាន​ទៅផ្លាស់ប្ដូររបបដឹកនាំ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...