កម្ពុជាដំណឹង

CNRP៖ បាតុករ​៣០មិនា ពលី​ដើម្បី​លទ្ធិ​ប្រជាធិបតេយ្យ សេរីភាព និងយុត្តិធម៌

គណបក្សសង្គ្រោះជាតិ បានអះអាងថា បណ្ដាបាតុករទាំងអស់ ដែលបានស្លាប់ក្នុងព្រឹត្តិការណ៍ គប់គ្រាប់បែក​នៅខាងមុខ​អតីត​រដ្ឋសភា​ជាតិ កាលពីថ្ងៃទី៣០ ខែមិនា ឆ្នាំ១៩៩៧ ថាជាបុព្វហេតុ ដើម្បី«លទ្ធិប្រជាធិបតេយ្យ សិទ្ធិសេរីភាព និងយុត្តិធម៌» នៅក្នុងប្រទេសកម្ពុជា។

ក្នុងសេចក្ដីថ្លែងការណ៍មួយ ដែលគណបក្សប្រឆាំងមួយនេះ បានចេញផ្សាយ កាលពីប៉ុន្មាននាទីមុន បានសរសេរថា គណបក្សសូមសំដែងការគោរព ចំពោះវិញ្ញាណក្ខន្ធនៃក្រុម«វីរបាតុករ»ទាំងនោះ និងនៅតែបន្តការប្ដេជ្ញាចិត្ត ក្នុងការស្វែងរកយុត្តិធម៌ ជូនជនរងគ្រោះឲ្យខាងតែបាន។

ដើម្បី«លទ្ធិប្រជាធិបតេយ្យ សិទ្ធិសេរីភាព និងយុត្តិធម៌»…

គណបក្សបានបញ្ជាក់ថា មកដល់ពេលនេះ របបដឹកនាំក្រុងភ្នំពេញ មិនបានស្វែងរកជនដៃដល់ និងអ្នកបញ្ជា ចំពោះការវាយប្រហារខាងលើនោះទេ។ សេចក្ដីថ្លែងការណ៍គណបក្ស បានសរសេរថា៖

«តែបើតាមរបាយការណ៍ស៊ើបអង្កេត របស់ទីភ្នាក់ងារស៊ើបអង្កេត សហរដ្ឋអាមេរិក (FBI) បានបង្ហាញថា លោក ហ៊ីង ប៊ុនហៀង និងលោក ហ៊ុយ ពិសិដ្ឋ ដែលជាប្រធាន និងអនុប្រធាន កងអង្គរក្សផ្ទាល់លោក ហ៊ុន សែន ជាអ្នករៀបចំ និងបញ្ជាផ្ទាល់លើការវាយប្រហារ ដ៏សាហាវយ៉ង់ឃ្នង និងអមនុស្សធម៌នេះ។»

រដ្ឋាភិបាលកម្ពុជា តែងប្រកាសជាច្រើនដងថា ខ្លួនមិនបានទុក សំនុំរឿងមួយនេះចោលទេ ហើយរបាយការណ៍ «FBI» ដែលពាក់ព័ន្ធក្នុងករណីនេះ មិនដែលត្រូវបានបង្ហាញជាសាធារណៈដែរ។

ផ្ទុយទៅវិញ ការសម្រេចដាក់ទណ្ឌកម្ម ប្រឆាំងលោក ហ៊ីង ប៊ុនហៀង ដោយក្រសួងរតនាគារជាតិអាមេរិក ដែលចេញផ្សាយ កាលពីថ្ងៃទី១២ ខែមិថុនា ឆ្នាំ២០១៨ បានអះអាងថា មេបញ្ជាការផ្កាយ៤រូបនេះ រួមនឹងកងអង្គរក្ស​របស់លោក ហ៊ុន សែន បានជាប់ពាក់ព័ន្ធដោយផ្ទាល់ នៅក្នុងហេតុការណ៍នោះ។

សេចក្ដីប្រកាសព័ត៌មាន របស់ក្រសួងរតនាគារជាតិអាមេរិក ថែមទាំងស្រង់សំដីរបស់អ្នកស្រី «Sigal Mandelker» អនុរដ្ឋលេខាធិការ នៃក្រសួងរតនាគារជាតិអាមេរិក មកបញ្ជាក់ ពីការជាប់ពាក់ព័ន្ធ របស់លោក ហ៊ីង ប៊ុនហៀង ក្នុងការ​បង្រ្កាប​ លើ​​ក្រុម​​អ្នក​តវ៉ា និង​សកម្មជន​​បក្ស​ប្រឆាំង ដូចជា​ការ​​បោក​គ្រាប់​​បែក​​ លើ​អ្នក​តវ៉ា​អហិង្សា កាល​ពី​ឆ្នាំ​១៩៩៧ ដែល​​ធ្វើ​​ឲ្យ​​ស្លាប់​ និង​របួស​​មនុស្ស​ជា​ច្រើន​នាក់ រួមទាំង​​របួស​​ពលរដ្ឋ​​អាមេរិក​​​មួយ​រូប​​៕

អត្ថបទដែលទាក់ទង៖



លំអិតបន្ថែមទៀត

កម្ពុជា

សម រង្ស៊ី និយាយពី​«នយោបាយ ចាញ់-ចាញ់ របស់ ហ៊ុន សែន»

មេដឹកនាំប្រឆាំង បានចំអកឲ្យនាយករដ្ឋមន្ត្រីចាស់វស្សា នៅកម្ពុជា អំពីនយោបាយ «ចាញ់-ចាញ់» ក្នុងគម្រោងដាក់បណ្ដឹង ឡើងទៅតុលាការបារាំង ជុំវិញករណីការធ្លាក់ឧទ្ធម្ភាគចក្រ ដែលបណ្ដាលឲ្យលោក ហុក ឡងឌី ស្លាប់កាលពីឆ្នាំ២០០៨។ លោក ...
កម្ពុជា

«ប្រទេសរំដួល និយាយ​ប្រឆាំង​ក៏ជាប់គុក និយាយតាម​ក៏ជាប់គុក»

ធ្វើម៉េចទៅអញ្ចឹង? នៅប្រទេស«រំដួល» និយាយ​ប្រឆាំង​ក៏ជាប់គុក ហើយបើងាក មក​និយាយ​តាម ក៏ជាប់គុក? នេះជាប្រតិកម្មមួយ ពីក្នុងចំណោម ប្រតិកម្មជាច្រើន ជុំវិញ​ការចាប់ខ្លួន អ្នកសារព័ត៌មានមួយរូប កាលពីថ្ងៃទី៧ ខែមេសាកន្លងទៅ ...
កម្ពុជា

ហ៊ុន សែន ត្រឡប់​ពីទស្សនកិច្ច​នៅចិន​ដោយ​អះអាង​ថា បាន​«ទទួលជោគជ័យ»

នាយករដ្ឋមន្ត្រីកម្ពុជា លោក ហ៊ុន សែន បានវិលត្រឡប់ មកដល់រាជធានីភ្នំពេញវិញហើយ នៅព្រឹកថ្ងៃពុធ ទី២៣ ខែមករា ឆ្នាំ២០១៩នេះ បន្ទាប់ពីលោកបានធ្វើទស្សនកិច្ច រយៈពេល៣ថ្ងៃ នៅក្នុងសាធារណរដ្ឋប្រជាមានិត ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.