កម្ពុជាដំណឹង

សម រង្ស៊ី ពន្យល់​ថា ហ៊ុន សែន ទទួលស្គាល់​«បានសម្លាប់ ហុក ឡងឌី»

សម្រាប់មេដឹកនាំប្រឆាំង លោក សម រង្ស៊ី បានបង្ហាញជំនឿថា ភាពស្ងៀមស្ងាត់របស់លោកនាយករដ្ឋមន្ត្រី ហ៊ុន សែន ដែលមិនបានប្តឹងរូបលោក ទៅកាន់តុលាការឯករាជ្យណាមួយនោះ គឺជាការសារភាពរបស់បុរសខ្លាំងកម្ពុជា ក្នុងការទទួលស្គាល់ការពិត ថា«បានសម្លាប់លោក ហុក ឡងឌី» អតីតអគ្គស្នងការនគរបាលជាតិ។

មកដល់ម៉ោងនេះ មានតែបណ្ដឹងរបស់លោក ស ខេង រដ្ឋមន្ត្រីមហាផ្ទៃ តែមួយករណីគត់ ដែលដាក់ឡើងទៅកាន់តុលាការ ក្នុងប្រទេសកម្ពុជា ប្ដឹងលោក សម រង្ស៊ី ពីបទ​«ញុះញង់ ឱ្យប្រព្រឹត្តបទឧក្រិដ្ឋជាអាទិ៍» ជុំវិញការលើកឡើង របស់មេដឹកនាំប្រឆាំង នៅលើបណ្ដាញសង្គមដែលថា លោក ស ខេង គាំទ្រលោក ឌី វិជ្ជា ក្នុងគម្រោងសងសឹងឲ្យឪពុកខ្លួន។

តែលោក សម រង្ស៊ី បានពន្យល់លើបណ្ដាញសង្គម ក្នុងយប់ថ្ងៃព្រហស្បត្តិ៍នេះ ថាករណីខាងលើនេះ ដែលលោកធ្លាប់លើកឡើង តាំងពីដើមខែមិថុនានោះ គ្រាន់ជារឿងបន្ទាប់​បន្សំ​មួយ​ប៉ុណ្ណោះទេ។

ប្រធានស្ដីទីគណបក្សប្រឆាំង បានសរសេររៀបរាប់ថា៖

«ជាបន្ទាប់បន្សំ ខ្ញុំក៏បានលើកឡើងថា ឌី វិជ្ជា អាចមានគម្រោងសងសឹកបិតាគាត់ តែ ឌី វិជ្ជា ក៏មិនបានប្តឹងខ្ញុំដែរ ដោយរក្សាភាពស្ងៀមស្ងាត់។ ខ្ញុំបានសន្និដ្ឋានថា បើ ឌី វិជ្ជា រៀបចំគម្រោង​សងសឹក​បិតាគាត់​នោះមែន ស ខេង ច្បាស់ជាគាំទ្រ ឌី វិជ្ជា ហើយ ពីព្រោះ ស ខេង រកតែឱកាសកម្ចាត់ ហ៊ុន សែន ទេ។»

សម រង្ស៊ី ចោទ ហ៊ុន សែន ថា«បានសម្លាប់ ហុក ឡងឌី»

រីឯករណីដែលមេដឹកនាំប្រឆាំង ចាត់ទុកថា ជារឿងចម្បងនោះ គឺការចោទប្រកាន់លោក ហ៊ុន សែន ថាជាអ្នកសម្លាប់លោក ហុក ឡងឌី។ លោកសរសេរថា៖

«ខ្ញុំបានចោទប្រកាន់ ហ៊ុន សែន ចំៗថា​គាត់ជាអ្នករៀបចំ “គ្រោះថ្នាក់ក្លែងក្លាយ” ដែលបណ្តាលឲ្យ ហុក ឡងឌី ស្លាប់ក្នុងឆ្នាំ២០០៨។ នេះជាការចោទប្រកាន់ចម្បងរបស់ខ្ញុំ។ (…) តែទាំង ហ៊ុន សែន ទាំង ឌី វិជ្ជា អត់ហ៊ានប្តឹងខ្ញុំទេ ដោយរក្សាភាពស្ងៀមស្ងាត់ទាំងពីរនាក់ ពីព្រោះពួកគេដឹងថា ខ្ញុំបានលាតត្រដាងការពិត។»

«មានតែ ស ខេង ម្នាក់ឯងគត់​​ដែលស្ថិតនៅ​ចុងកន្ទុយ​រឿងនេះ ដែលចេញមុខប្តឹងខ្ញុំ។ ស ខេង ចេញមុខប្តឹងខ្ញុំនេះ ដោយសារតែគាត់ធ្វើតាមបញ្ជា ហ៊ុន សែន ដែលបានប្រាប់គាត់ថា “បើ ស ខេង ឯង​មិនប្តឹង សម រង្ស៊ី ទេ មានន័យថា ស ខេង ឯង ចាំតែរកឱកាស​កម្ចាត់ខ្ញុំមែន ដូចអ្វីដែល សម រង្ស៊ី បានលើកឡើងនោះ”។»

«ដូច្នេះ បណ្តឹងរបស់ ស ខេង នេះ គ្រាន់តែជាការបង្គ្រប់កិច្ច ដើម្បីបំពេញចិត្ត ហ៊ុន សែន ហើយវាឆ្លុះបញ្ចាំងពីភាពតានតឹង ក្នុងជួរគណបក្សប្រជាជនកម្ពុជា តែប៉ុណ្ណោះ។»

លោក សម រង្ស៊ី បានបង្ហាញជំនឿថា៖

«ភាពស្ងៀមស្ងាត់របស់ ហ៊ុន សែន ដែលមិនហ៊ានប្តឹងខ្ញុំនេះ គឺជាការសារភាពរបស់គាត់ថា គាត់ទទួលស្គាល់ការពិត គឺគាត់បានសម្លាប់ ហុក ឡងឌី មែន៕»



You may also like

កម្ពុជា

COVID-19 ៖ ករណីឆ្លង​នៅ​កម្ពុជា កើនឡើង​ដល់ ៩៦នាក់

មកដល់យប់នេះ ករណីឆ្លងជំងឺ «Covid-19» នៅក្នុងប្រទេសកម្ពុជា បានកើនឡើងដល់ចំនួន ៩៦នាក់ បន្ទាប់ពីបានរកឃើញថា មានជនជាតិបារាំងពីរនាក់ និងជនជាតិខ្មែរបីនាក់ បានឆ្លងមេរោគនេះ បន្ថែមពីលើតួលេខពីម្សិលម៉ិញ ដែលមាន៩១នាក់។ សេចក្ដីប្រកាសព័ត៌មាន ...
កម្ពុជា

ហ៊ុន សែន៖ «ស្ថានភាពរំជើបរំជួល និង​ធ្ងន់ធ្ងរ តែសូមកុំស្លន់ស្លោរ»

លោកនាយករដ្ឋមន្ត្រី ហ៊ុន សែន បានបញ្ចេញសារបន្ទាន់មួយ ក្នុងយប់ថ្ងៃទី៩ ខែវិច្ឆិកា​នេះ ដើម្បីបញ្ជាក់​ពី«ស្ថានភាពរំជើបរំជួល និងធ្ងន់ធ្ងរ» នៅក្នុងរាជធានី-ខេត្តមួយចំនួន បន្ទាប់ពី​ក្រសួងសុខាភិបាល បានអះអាង ពីការរកឃើញអ្នកជំងឺ«Covid-19» ចំនួនបីនាក់ ...
កម្ពុជា

សម រង្ស៊ី ថានឹងវិល​មកកម្ពុជា​ដើម្បីចាប់ ហ៊ុន សែន យកទៅ​កាត់ទោស

មេដឹកនាំប្រឆាំងបានបង្ហាញជំនឿមុតមាំថា ដំណើរវិលត្រឡប់ចូលប្រទេសកម្ពុជា មិនមែនដើម្បីដើរចូល ទៅឲ្យអាជ្ញាធរបញ្ជាដោយលោកនាយករដ្ឋមន្ត្រី ហ៊ុន សែន ចាប់ខ្លួនលោកនោះទេ។ លោក សម រង្ស៊ី បានថ្លែងពីក្រុងសៀតថល សហរដ្ឋអាមេរិកមកថា លោកត្រឡប់ចូលស្រុកវិញ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...