ដំណឹងនៃការដាក់បណ្ដឹង ទៅកាន់តុលាការបារាំង ដោយក្រុមមេធាវីរបស់លោកនាយករដ្ឋមន្ត្រី ហ៊ុន សែន ទទួលបានប្រតិកម្មមកវិញភ្លាមៗ ពីលោក សម រង្ស៊ី មេដឹកនាំប្រឆាំងក្នុងយប់ថ្ងៃនេះ។ តែប្រធានស្ដីទីគណបក្សប្រឆាំង ដែលជាភាគីចុងបណ្ដឹង បានចាត់ទុកបណ្ដឹងនោះ ថាជា«ល្បិច»បង្វែរស្ថានការណ៍ របស់លោក ហ៊ុន សែន ហើយបានថ្លែងអំពាវនាវ កុំឱ្យធ្វើការចាប់អារម្មណ៍។ ប្រព័ន្ធឃោសនារបស់របបក្រុងភ្នំពេញ បានអះអាងថា ពាក្យបណ្ដឹងចំនួនពីរផ្សេងពីគ្នា របស់លោក ហ៊ុន សែន នាយករដ្ឋមន្ត្រី​ និងលោក ឌី វិជ្ជា ស្នងការរងនគរបាលជាតិ ត្រូវបានក្រុមមេធាវីបារាំង ដាក់ឡើងទៅចៅក្រមស៊ើបអង្កេត នៃតុលាការរដ្ឋធានីប៉ារីស ដើម្បីប្ដឹងលោក សម ...

សម្រាប់មេដឹកនាំប្រឆាំង លោក សម រង្ស៊ី បានបង្ហាញជំនឿថា ភាពស្ងៀមស្ងាត់របស់លោកនាយករដ្ឋមន្ត្រី ហ៊ុន សែន ដែលមិនបានប្តឹងរូបលោក ទៅកាន់តុលាការឯករាជ្យណាមួយនោះ គឺជាការសារភាពរបស់បុរសខ្លាំងកម្ពុជា ក្នុងការទទួលស្គាល់ការពិត ថា«បានសម្លាប់លោក ហុក ឡងឌី» អតីតអគ្គស្នងការនគរបាលជាតិ។ មកដល់ម៉ោងនេះ មានតែបណ្ដឹងរបស់លោក ស ខេង រដ្ឋមន្ត្រីមហាផ្ទៃ តែមួយករណីគត់ ដែលដាក់ឡើងទៅកាន់តុលាការ ក្នុងប្រទេសកម្ពុជា ប្ដឹងលោក សម រង្ស៊ី ពីបទ​«ញុះញង់ ឱ្យប្រព្រឹត្តបទឧក្រិដ្ឋជាអាទិ៍» ជុំវិញការលើកឡើង របស់មេដឹកនាំប្រឆាំង នៅលើបណ្ដាញសង្គមដែលថា លោក ស ខេង ...

មេដឹកនាំប្រឆាំង លោក សម រង្ស៊ី បានពន្យល់ថា បណ្ដឹងរបស់រដ្ឋមន្ត្រីមហាផ្ទៃ លោក ស ខេង ដែលបានដាក់ឡើង​ទៅតុលាការរាជធានី ប្ដឹងរូបលោក ជុំវិញករណីមរណភាពរបស់លោក ហុក ឡងឌី អតីតអគ្គស្នងការនគរបាលជាតិនោះ គឺគ្រាន់តែជាការធ្វើតាម«បញ្ជា» របស់លោក ហ៊ុន សែន ដើម្បីបង្ហាញថា លោក ស ខេង មិនបែកពីលោក ហ៊ុន សែន ប៉ុណ្ណោះ។ ប្រធានស្ដីទីគណបក្សប្រឆាំង បានហៅទង្វើរបស់លោក ស ខេង ថាខ្វះភាពថ្លៃថ្នូ និងភាពក្លាហាន ដែលហ៊ានដាក់បណ្ដឹង ទៅកាន់តែតុលាការក្នុងស្រុក ...

មិនខុសពីការអះអាង របស់មន្ត្រីអ្នកនាំពាក្យ លោក ផៃ ស៊ីផាន ដែលថា បុរសខ្លាំងទី១ និងទី២ នៃរបបក្រុងភ្នំពេញ នឹងប្ដឹងលោក សម រង្ស៊ី ឡើងទៅតុលាការនោះឡើយ។ តែបណ្ដឹងដែលទើបមានរូបរាង ក្នុងពេលនេះ ត្រូវបានប្ដឹងទៅកាន់… តុលាការកម្ពុជា មិនមែនប្ដឹង [ឬមិនទាន់ប្ដឹង] ទៅកាន់តុលាការ ក្នុងប្រទេសបារាំង ដូចការអះអាងរបស់លោក ផៃ ស៊ីផាន ទេ។ លោក ស ខេង បុរសខ្លាំងទីពីរនៅកម្ពុជា បានដាក់ពាក្យបណ្ដឹងមួយ កាលពីថ្ងៃទី២ ខែកក្កដា ឆ្នាំ២០១៩ ឡើងទៅតុលាការរាជធានីភ្នំពេញ ដើម្បីប្ដឹងលោក ...

អ្នកវិភាគនយោបាយ និងសង្គម លោក គីម សុខ បានលើកយកទឡ្ហីករណ៍មួយចំនួន ដែលបញ្ជាក់ថា ឧទ្ធម្ភាគចក្រដែលដឹកអតីតស្នងការនគរបាលជាតិ លោក ហុក ឡងឌី ទំនងជាមិនត្រូវបាន«ផ្ទុះ​បែក​ខ្ទេច» ក្លាយជាបំណែកតូចៗដូច្នេះ ដោយសាររន្ទះនោះឡើយ។ មានវត្តមានក្នុងរដ្ឋធានី ប៉ារីស ប្រទេសបារាំង អ្នកវិភាគរូបនេះបានលើកយក មកពិនិត្យឡើងវិញ នូវការឆ្លើយឆ្លង រវាងលោកនាយករដ្ឋមន្ត្រី ហ៊ុន សែន និងលោក សម រង្ស៊ី ជុំវិញករណីឧទ្ធម្ភាគចក្រ ដឹកលោក ហុង ឡងឌី ដែលត្រូវបានធ្លាក់ ក្លាយជាបំណែកតូចៗ កាលពីល្ងាចថ្ងៃទី៩ ខែវិច្ឆិកា ឆ្នាំ២០០៨។ ...

មេដឹកនាំប្រឆាំង បានចំអកឲ្យនាយករដ្ឋមន្ត្រីចាស់វស្សា នៅកម្ពុជា អំពីនយោបាយ «ចាញ់-ចាញ់» ក្នុងគម្រោងដាក់បណ្ដឹង ឡើងទៅតុលាការបារាំង ជុំវិញករណីការធ្លាក់ឧទ្ធម្ភាគចក្រ ដែលបណ្ដាលឲ្យលោក ហុក ឡងឌី ស្លាប់កាលពីឆ្នាំ២០០៨។ លោក សម រង្ស៊ី បានលើកឡើងថា បន្ទាប់ពីលោកបានលើកឡើង អំពីការវាយប្រហារ ដោយគប់គ្រាប់បែកដៃ នៅឆ្នាំ១៩៩៧ ការធ្វើឃាតតារាសំដែង ពិសិដ្ឋ ពីលិកា នៅឆ្នាំ១៩៩៩ និងការធ្វើឃាតអ្នកធ្វើអត្ថាធិប្បាយនយោបាយ កែម ឡី នៅឆ្នាំ២០១៦ កាលពីយប់ម្សិលម៉ិញនោះរួច លោក ហ៊ុន សែន បានប្រែចិត្តគំនិត ពីការដាក់ពាក្យបណ្ដឹង ទៅតុលាការបារាំងនោះវិញ។ ...