មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី វិជ្ជា អគ្គស្នងការរង​នគរបាលជាតិ​​ និងជាកូនប្រសារលោក​​​ ហ៊ុន សែន។

លោក រង្ស៊ី ដែលកំពុងរស់នៅនិរទ្ទេសខ្លួន ក្នុងប្រទេសបារាំង បានរងបណ្ដឹងចំនួនពីរ នៅក្នុងតុលាការនៃរដ្ឋធានី ប៉ារីស ដែលចោទពី«បទបរិហារកេរ្ដិ៍» ប្ដឹងដោយក្រុមមេធាវីជាតិបារាំង តំណាងឲ្យលោក ហ៊ុន សែន និងលោក ឌី វិជ្ជា ទាក់ទងនឹងសំណេរ របស់ប្រធានស្ដីទីគណបក្សសង្គ្រោះជាតិ នៅលើបណ្ដាញសង្គមហ្វេសប៊ុក កាលពីខែមិថុនា ឆ្នាំ២០១៩។

ប៉ុន្តែនៅក្នុងសវនាការ ដែលបានបើកធ្វើ នៅដើមខែកញ្ញា តុលាការបារាំងបានលើកយកបណ្ដឹងទាំងពីរ មកធ្វើការដេញដោល នៅក្នុងអង្គជំនុំជម្រះតែមួយ។

នៅក្នុងបណ្ដឹងទាំងពីរនោះ ក្រុមមេធាវីរបស់មេដឹកនាំនៅកម្ពុជា បានទាមទារឲ្យមានការផ្ដន្ទាទោស ប្រឆាំងលោក សម រង្ស៊ី ដោយទារសំណងជំងឺចិត្ត ជានិមិត្តរូបចំនួន១អ៊ឺរ៉ូ។ ខណៈសាលក្រម ដែលចេញផ្សាយថ្ងៃចន្ទ ទី១០ ខែតុលា ឆ្នាំ២០២២ ដែលទស្សនាវដ្ដីមនោរម្យ.អាំងហ្វូបានចូលទៅពិគ្រោះ បានបដិសេធការទាមទារ នៅក្នុងបណ្ដឹងទាំងពីរនោះ។

ក្រុមមេធាវីតំណាងឲ្យមេដឹកនាំប្រឆាំង បានហៅសាលក្រម ​របស់តុលាការព្រហ្មទណ្ឌ​ជាន់ទាបបារាំង ថាជាជោគជ័យ ប្រកបដោយ«ក្ដីរំភើបក្រៃលែង»។ សេចក្ដីថ្លែងការណ៍របស់ក្រុមមេធាវី ការពារក្ដីឲ្យលោក សម រង្ស៊ី បានសរសេរឲ្យដឹងថា៖

«សម្រាប់អតិថិជន (កូនក្ដី) របស់យើង សេចក្តីសម្រេចថ្ងៃនេះ​របស់តុលាការ មិនមែនគ្រាន់តែជាជ័យជំនះ​ផ្ទាល់ខ្លួនមួយទេ តែជាការនាំមកផងដែរ នូវសេចក្តីសង្ឃឹម ដល់អ្នកការពារសេរីភាព និងយុត្តិធម៌ នៅប្រទេសកម្ពុជា និងប្រទេសដទៃទៀត។»

ផ្ទុយទៅវិញ សម្រាប់ក្រុមមេធាវីការពារក្ដីឲ្យលោក ហ៊ុន សែន និងលោក ឌី វិជ្ជា បានលើកយកវាក្យខ័ណ្ឌ ចំនួនប្រាំមួយ នៅក្នុងសាលក្រមនោះ ដែលបង្ហាញពី «ការទទួលដឹងឮ» របស់តុលាការ មកបកស្រាយថា តុលាការបារាំងបានលាងសម្អាតលោក ហ៊ុន សែន នាយករដ្ឋមន្រ្តីកម្ពុជា ថាពិតជាមិនស្ថិតនៅ ពីក្រោយការស្លាប់របស់ លោក ហុក ឡង់ឌី ដូចការចោទប្រកាន់របស់លោក សម រង្ស៊ី នោះទេ៕



លំអិតបន្ថែមទៀត

កម្ពុជា

CNRP ទាមទារ​ឲ្យដោះលែង កឹម សុខា និង​ស្នើអន្តរជាតិ«ចាត់​វិធាន​ការ»

គណ​បក្ស​សង្គ្រោះ​ជាតិ​បាន​​ទាមទារជាថ្មី ឲ្យ​ដោះលែងប្រធានគណបក្ស លោក កឹម សុខា ជា​បន្ទាន់និងដោយ​ឥត​លក្ខខណ្ឌ ​ព្រម​ទាំង​អំពាវ​នាវ​ដល់​សហគមន៍​អន្តរជាតិ​ «ចាត់​វិធាន​ការ»ខ្លាំង​ក្លាបន្ថែម​ទៀត​ ដើម្បី​ឲ្យ​រដ្ឋាភិបាល​របស់​លោក​នាយក​រដ្ឋមន្រ្តី ​ហ៊ុន​ សែន​ ស្តា​លទ្ធិ​ប្រជា​ធិប​តេយ្យ​ និងការគោរពសិទ្ធិមនុស្សឡើង​វិញ។ ...
កម្ពុជា

មាស នី ប្រតិកម្មតប ហ៊ុន សែន ដែលចោទ​លោក ជា«អាយ៉ងបរទេស»

អ្នកវិភាគឯករាជ និងជាអ្នកស្រាវជ្រាវផ្នែកសង្គម លោកបណ្ឌិត មាស នី បានបញ្ចេញសារខ្លីមួយ ដើម្បីប្រតិកម្មតបនឹងការចោទប្រកាន់ ពីសំណាក់លោកនាយករដ្ឋមន្ត្រី ហ៊ុន សែន ដែលចាត់ទុករូបលោក ថាជា«អាយ៉ងបរទេស» បន្ទាប់ពីលោកបានវិភាគ ...
ដំណឹង

ហ្សាក់ ឈៀរ៉ាក់ អតីតប្រធានាធិបតីបារាំងបានទទួលមរណភាព

ប្រធានាធិបតីជំនាន់ទី២២ នៃសាធារណរដ្ឋបារាំង លោក ហ្សាក់ ឈៀរ៉ាក់ (Jacques Chirac) បានទទួលមរណភាពហើយ ក្នុងជន្មាយុ៨៦ឆ្នាំ។ លោកបានលាចាកលោក ក្នុងព្រឹកថ្ងៃព្រហស្បត្តិ៍ ទី២៦ ខែកញ្ញា ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.