កំសាន្ដនាទី«ជ័យនាងគ្រត»

ព័ត៌មាន​នាងគ្រត៖ កឹម សុខា មាន​ជំនិត​ជា​«ថីបក»

ព័ត៌មាន​នាងគ្រត៖ ខ្ញុំមិនសូវចេះភាសា«អង់គ្លេស»ច្រើនទេ តែគ្រាន់តែកេះៗ គ្រាន់នឹងបានឆ្អែកក្រពះ ជាមួយ​បងប្អូន អ្នកស្រុកស្រែចំការយើងដែរ ណាទាន។ ហើយឮសូរព័ត៌មានមួយ ដែលបកប្រែចេញ ដោយលោកថី​ម្នាក់ ដែលស្និត​ប្រធានគណបក្សប្រឆាំង លោក កឹម សុខា និងដែល​មាន​ឈ្មោះ មុត ចន្ថា បង្ហោះនៅលើ​ហ្វេសប៊ុក សរសេរថា៖ 

«ប្រជាប្រិយភាពរបស់លោក សម រង្ស៊ី ធ្លាក់ចុះធ្ងន់ធ្ងរ ប៉ុន្តែ គាត់ឆក់ឱកាស វិលត្រឡប់​មកដឹកនាំ​គណបក្ស​សង្រ្គោះជាតិ ជាប្រធានស្តីទីគណបក្ស ដែលមានការគាំទ្រតែម្ខាង បន្ទាប់ពីសហភាពអឺរ៉ុបដាក់សម្ពាធ ឈានទៅរក ការដកប្រព័ន្ធអនុគ្រោះពាណិជ្ជកម្ម EBA»។

នាងគ្រតខ្ញុំ ខំប្រឹងដើររកមើលប្រភព ថាតើលោកថីម្នាក់នេះ បានអំណះអំណាងដូច្នេះ ពីណាមក? អូ… គាត់យកប្រភព ចេញពីសារព័ត៌មាន «Southeast Asia Globe» ដែលផ្សាយនូវអត្ថបទវិភាគមួយ របស់លោក «Markus Karbaum» អ្នកជំនាញខាងភូមិសាស្ត្រនយោបាយ នៅអាស៊ីអាគ្នេយ៍។

បញ្ហានៅត្រង់ថា នាងគ្រតខ្ញុំរកឃ្លាណា ដែលសរសេរជាភាសាអង់គ្លេស ដូចលោកថីសរសេរខាងលើនេះ មិនឃើញសោះ។ អាចថា ចំណេះផ្នែកភាសាអង់គ្លេស របស់នាងខ្ញុំ នៅមានកម្រិត តែមិនប្រាកដថា នៅក្នុងពិភពលោកយើងនេះ រកមិនបាននរណាម្នាក់ ដែលចេះភាសាអង់គ្លេស បានល្អល្អះនោះឡើយ។ ឃ្លាដែលដែលថី មុត ចន្ថា លើកមកបញ្ជាក់នោះ ទំនងជាចេញពីឃ្លាដើមមួយនេះ៖

«Based on his enduring popularity in Cambodia he is convinced that he is the CNRP, irrespective of his main residence in the 16th Arrondissement of Paris which is in every sense far removed from Cambodia. With the EU’s effective pressure, Rainsy apparently decided that it was necessary to become acting president of his dissolved party.»

ឃ្លានេះ មានន័យជាខេមរភាសាថា៖

«ដោយឈរលើមូលដ្ឋាន នៃប្រជាប្រិយភាពដ៏យូរលង់របស់លោក នៅក្នុងប្រទេសកម្ពុជា លោក [សម រង្ស៊ី] មានជំនឿថា លោកគឺជាគណបក្សសង្គ្រោះជាតិ បើទោះជាលោកស្នាក់នៅ ក្នុងសង្កាត់ទី១៦ នៃរដ្ឋធានីប៉ារីស ឆ្ងាយពីប្រទេសកម្ពុជាយ៉ាងណាក៏ដោយ។ ជាមួយនឹងសម្ពាធ ដ៏មានប្រសិទ្ធិភាព ប្រកាសឡើង ដោយ​សហភាព​អ៊ឺរ៉ុប លោក រង្ស៊ី ទំនងជាបានសម្រេចចិត្ត ថាវាជាការចាំបាច់ ក្នុងការឡើងកាន់តំណែង ជាប្រធានស្ដីទី របស់គណបក្សលោក ដែលត្រូវបានរំលាយនោះ។»

តើនៅត្រង់ណា ឃ្លាដែលនិយាយថា «ប្រជាប្រិយភាពរបស់លោក សម រង្ស៊ី ធ្លាក់ចុះធ្ងន់ធ្ងរ»? 

មកដល់ត្រឹមនេះ នាងគ្រតខ្ញុំឆ្ងល់ទៀតហើយ ថាតើនរណា ជាអ្នកលាបពណ៌នរណា? អូ… មិនមែនលាបពណ៌ទេ គ្រាន់តែលោក មុត ចន្ថា កំពុងតាំងខ្លួន ជា«ថីបក»ម្នាក់ប៉ុណ្ណោះទេតើ៕



លំអិតបន្ថែមទៀត

កម្ពុជា

អត្ថបទ​ច្បាប់​«HR 526»​​ដាក់​​​ទណ្ឌកម្ម​​មន្ត្រី​​កម្ពុជា ឡើង​ដល់​ព្រឹទ្ធសភា​អាមេរិក

សេចក្ដីព្រាងច្បាប់ «HR 526» ដែលត្រូវបានសភាតំណាងរាស្ត្រ នៃសហរដ្ឋអាមេរិកអនុម័តដោយគ្មានសំឡេងជំទាស់ កាលពីរសៀលថ្ងៃទី១៥ ខែកក្កដា (ត្រូវនឹងព្រឹក ថ្ងៃអង្គារ ថ្ងៃទី១៦ ខែកក្កដា ម៉ោងនៅកម្ពុជា) នោះ ...
កម្ពុជា

សម រង្ស៊ី បរិហារ ហ៊ុន សែន ថារៃអង្គាសប្រាក់​«ដើម្បីចិញ្ចឹម​អំពើពុករលួយ»

សម្រាប់លោក សម រង្ស៊ី បានជឿជាក់ថា ការរៃអង្គាសប្រាក់ដោយលោក ហ៊ុន សែន គឺជាការប្រមូលប្រាក់ «ដើម្បីចិញ្ចឹម​អំពើពុករលួយ» ព្រោះការរៃអង្គាស ដែលថា​ដើម្បី​ទិញថ្នាំវ៉ាក់សាំង បង្កាជំងឺកូវីដ-១៩ (Covid-19) ...
ទស្សនៈប្រិយមិត្ត

ទស្សនៈអ្នក​អាន៖ «ចំណេះ​ជិះ​ក​ឯង»

«ចំណេះ​ជិះ​ក​ឯង»៖ ក្នុងយុទ្ធនាការឃោសនាបោះឆ្នោត ការប្រើការសន្យាខ្លីៗថា នឹងផ្ដល់នេះនោះជូនពលរដ្ឋ ដែលបោះឆ្នោត​ឲ្យ​គណបក្សខ្លួន ក្នុងន័យទាក់ទាញសន្លឹក​ឆ្នោត​ផង បន្លំពលរដ្ឋផង ជាលទ្ធផលមុខជា​មានអ្នក​អង្គុយ​ចាំទារ​ការ​អនុវត្ដសន្យា​ទាំងនោះ​មិនខាន។ ជាក់ស្ដែងដូចគណបក្សសង្គ្រោះជាតិ ដែលពេលនេះ ​កំពុង​តែវ័ណ្ឌក​​ដោះ​សារ គេច​ពីការផ្ដល់កញ្ចប់ថវិកា កន្លះលានដុល្លារមួយឆ្នាំ ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...
កំសាន្ដ

ឥណ្ឌា៖ ទារិកាមួយរូប​កើតចេញពីផ្ទៃ មានជើង៤ និងដៃ៤

អ្នកម្ដាយជាតិឥណ្ឌាម្នាក់ បានផ្ដល់កំណើត​ដល់ទារិកាមួយរូប ដែល«មានជើង៤ និងដៃ៤»។ ក្រុមអ្នកមានជំនឿស៊ប់ខាងសាសនា បានជឿជាក់ថា អព្ភូតហេតុខាងលើ គឺព្រះរស់ចាប់កំណើត (!)។ ស្រីជាម្ដាយ មានឈ្មោះ«Kareena» និងរស់នៅក្នុងក្រុង«Hardoi» រដ្ឋ«Uttar ...