រាប់ចាប់តាំងពីថ្ងៃទី៣ ខែកញ្ញា ឆ្នាំ២០១៧ ដែលលោកត្រូវបានចាប់ខ្លួន រហូតមកដល់ថ្ងៃនេះ គេលែងបានឃើញ​«ទំព័រ​ហ្វេសប៊ុក»របស់លោក កឹម សុខា ប្រធានគណបក្សសង្គ្រោះជាតិ សរសេរបង្ហោះ ក្នុងនាមលោកទៀតហើយ។ កូនស្រីរបស់លោក គឺកញ្ញា កឹម មនោវិទ្យា ធ្លាប់អះអាងថា គឺរូបកញ្ញា និងប្អូនស្រីកញ្ញា ជាអ្នកកាន់កាប់ ទំព័រហ្វេសប៊ុកនេះ និងតែងបានបង្ហោះ ពីដំណឹង ព្រឹត្តិការណ៍ ឬពីសេចក្ដីថ្លែងការណ៍ ទាក់ទងនឹងគណបក្ស។

តែនៅមួយម៉ោងមុននេះ ទំព័រ​ហ្វេសប៊ុក របស់ប្រធានគណបក្សប្រឆាំង បានបង្ហោះសារខ្លី​ចំនួនពីរឃ្លា សរសេរក្នុងនាមលោក កឹម សុខា ដោយ​អះអាង​ក្នុងឃ្លា​ដំបូង​ថា៖

«ខ្ញុំ​ កឹម​ សុខា​ ជួបពិភាក្សាជាមួយមេធាវីរបស់ខ្ញុំ នៅគេហដ្ឋាននាព្រឹកថ្ងៃទី២ ខែធ្នូ​ ឆ្នាំ២០១៨នេះ»។

រីឯឃ្លាទីពីរ បានសរសេរថា៖

«ខ្ញុំមានសិទ្ធិ ឲ្យមេធាវីរបស់ខ្ញុំនាំពាក្យ និងបង្ហាញពីឆន្ទៈខ្ញុំ ដែលជាកូនក្តីជាផ្លូវការ ស្របតាមបញ្ញត្តិច្បាប់»។

សារខាងលើដែលបង្ហោះ អមនឹងរូបថតមួយសន្លឹកផង (រូបថតខាងលើអត្ថបទ) ធ្វើឡើងស្របពេល​នឹង​សន្និសីទ​កម្រិត​ពិភពលោក​មួយ ដែល​រៀបចំ​ធ្វើឡើង ដោយ​ក្រុម​អ្នកគាំទ្រ​គណបក្ស នៅក្រៅប្រទេស កំពុងប្រព្រឹត្តិធ្វើ តាំងពីម្សិលម៉ិញ មកទល់នឹងថ្ងៃនេះ នៅក្នុងក្រុងអាត្លង់តា (ភាគខាងកើតអាមេរិក)។

កាលពីសប្ដាហ៍មុន (ថ្ងៃទី២៦ ខែវិច្ឆិកា ឆ្នាំ២០១៨) ក្រុមមេធាវីរបស់លោក កឹម សុខា បានចេញមុខមកបញ្ជាក់ថា កូនក្ដីរបស់ផងខ្លួន មិនទទួលស្គាល់ក្រុមចលនាសង្គ្រោះជាតិ ឬគម្រោងធ្វើសន្និសីទ នៅពេលនេះទេ។

ប៉ុន្តែការលើកឡើងនោះ ត្រូវបានលោក អ៊ុង ឬទ្ធី ប្រធានគណបក្សសង្គ្រោះជាតិ ប្រចាំសហរដ្ឋអាមេរិក ចាត់ទុកថា ធ្វើឡើងក្រោមការគម្រាមកំហែង។ លោក អ៊ុង ឬទ្ធី បានថ្លែងកាលពីម្សិលម៉ិញ ក្នុងកិច្ចសម្ភាសមួយ ជាមួយវិទ្យុសម្លេងសហរដ្ឋអាមេរិកថា បើទោះជាលោក កឹម សុខា បានថ្លែងផ្ទាល់ខ្លួនក៏ដោយ ក៏ក្រុមលោកមានជំនឿ ត្រឹមតែ៥០%ប៉ុណ្ណោះ ដោយអះអាងជាថ្មីថា លោក កឹម សុខា កំពុងស្ថិតក្នុងកណ្ដាប់ដៃ របស់របបដឹកនាំក្រុងភ្នំពេញនៅឡើយ។

កន្លងមក ទស្សនាវដ្ដីមនោរម្យ.អាំងហ្វូ តែងសុំប្រតិកម្មពីកញ្ញា កឹម មនោវិទ្យា តាមប្រព័ន្ធផ្ញើរសារអេឡិចត្រូនិក ​នៅលើបណ្ដាញសង្គម ប៉ុន្តែមន្ត្រីជាន់ខ្ពស់ របស់គណបក្សប្រឆាំងរូបនេះ មិនបានអើពើ ក្នុងការឆ្លើយតបនឹងសំនួរ របស់អ្នកសារព័ត៌មានទេ៕



លំអិតបន្ថែមទៀត

កម្ពុជា

ហ៊ុន សែន ឌឺដង​ឲ្យ សម រង្ស៊ី «កុំ​រត់ចោល​ទីលាន​ប្រកួត»

បើទោះជាអះអាងមិនឆ្លើយឆ្លង ជាមួយលោក សម រង្ស៊ី ក៏ដោយ តែលោកនាយករដ្ឋមន្ត្រី ហ៊ុន សែន នៅតែបន្តផ្ញើរសារ​បែបបញ្ឆិតបញ្ឆៀង ឬដោយមិនចំឈ្មោះ ទៅកាន់មេដឹកនាំប្រឆាំងជាដរាប។ ហើយក្នុងវគ្គថ្មី នៅថ្ងៃនេះ ...
កម្ពុជា

សម រង្ស៊ី ប្ដេជ្ញាមិនចុះញ៉ម និងអំពាវនាវ​ឲ្យពលរដ្ឋបន្តប្រឆាំង​ជនផ្ដាច់ការ

ពីរដ្ឋធានីប៉ារីស (បារាំង) មេដឹកនាំប្រឆាំងរបស់ប្រទេសកម្ពុជា លោក សម រង្ស៊ី បាន​ប្រកាស​ជំហរ​«ប្ដេជ្ញាមិនចុះញ៉ម» របស់លោក និងរបស់ថ្នាក់ដឹកនាំ​គណបក្សសង្គ្រោះជាតិ ហើយបានអំពាវនាវ​ ទៅកាន់​ពលរដ្ឋខ្មែរ​​ទាំងអស់ ឲ្យបន្តសកម្មភាព ដើម្បីប្រឆាំង​ជនផ្ដាច់ការ។ ...
កម្ពុជា

ស្ថានទូតអាមេរិក បន្តប្រាប់​​ក្រុងភ្នំពេញ​ឲ្យដោះស្រាយ​ករណី កឹម សុខា

ស្ថានទូតអាមេរិក ប្រចាំក្នុងរាជធានីភ្នំពេញ បានបន្តគម្រាមរបបក្រុងភ្នំពេញ ឲ្យដោះស្រាយករណីលោក កឹម សុខា ប្រធានគណបក្សសង្គ្រោះជាតិ ដោយភាពត្រឹមត្រូវ និងការគោរព បើសិនជារបបគ្រប់គ្រងមួយនេះ ចង់មានទំនាក់ទំនងល្អ ជាសហរដ្ឋ​អាមេរិក។ អ្នកស្រី​ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.