អ្នកជំនាញសិទ្ធិមនុស្ស របស់អង្គការសហប្រជាជាតិ (អ.ស.ប) ចំនួន ៦រូប បានផ្ញើលិខិតរួម ដ៏វែងអន្លាយមួយ ជូនរដ្ឋមន្រ្តីក្រសួងការបរទេសកម្ពុជា ទាក់ទងនឹងការចាប់ខ្លួន ការឃុំខ្លួន ការបំភិតបំភ័យ ការឈ្លបមើល ការគំរាមកំហែង និងការប្រើប្រាស់កម្លាំងហួសហេតុ ប្រឆាំងនឹងអ្នកការពារសិទ្ធិមនុស្សកម្ពុជា ទាក់ទងនឹងបាតុកម្មអហិង្សា ប្រឆាំងនឹងការឃុំខ្លួនសកម្មជន និងអ្នកការពារសិទ្ធិមនុស្សដូចគ្នា និងបញ្ហាបរិស្ថាន និងសិទ្ធិការងារ។

លិខិតរួមជាភាសាអង់គ្លេស ដែលត្រូវបានទស្សនាវដ្ដី​មនោរម្យ.អាំងហ្វូ ទទួលបាននៅថ្ងៃនេះ បានសរសេរ​ទៅកាន់លោក ប្រាក់ សុខន រដ្ឋមន្ត្រីការបរទេសកម្ពុជា តាំងពីថ្ងៃទី១០ ខែវិច្ឆិកា ឆ្នាំ២០២០ តែមិនបានទទួលការឆ្លើយតប ពីរដ្ឋាភិបាលកម្ពុជាទេ គិតត្រឹមថ្ងៃទី៨ ខែមករា ឆ្នាំ២០២១។

នៅក្នុងលិខិតកម្រាស១៧ទំព័រ អ្នកជំនាញ អ.ស.ប សម្តែងការព្រួយបារម្ភ ចំពោះការឃុំខ្លួន និងការចោទប្រកាន់ លើអ្នកការពារ​សិទ្ធិមនុស្ស​កម្ពុជា រួមទាំងស្រ្តីជាអ្នកការពារសិទ្ធិមនុស្ស និងអង្គការសិទ្ធិស្រ្តីមួយចំនួន ក្នុងការឆ្លើយតប ទៅនឹងការការពារសិទ្ធិមនុស្ស និងការអនុវត្ត​សិទ្ធិសេរីភាពរបស់ពួកគេ ក្នុងការជួបប្រជុំដោយសន្តិវិធី សិទ្ធិសមាគម និងសេរីភាព ក្នុងការបញ្ចេញមតិ។

អ្នកជំនាញ អ.ស.ប សម្តែងការព្រួយបារម្ភផងដែរ ចំពោះការដាក់​ជាបទល្មើសព្រហ្មទណ្ឌ នូវមធ្យោបាយ​ដែលអ្នកការពារ​សិទ្ធិមនុស្ស​ប្រើប្រាស់ ដើម្បីអនុវត្តការងាររបស់ខ្លួន ដែលរារាំងដល់​សមត្ថភាពរបស់ពួកគេ ក្នុងការរាយការណ៍ និងការតស៊ូមតិ ប្រឆាំងនឹង​ការរំលោភ​សិទ្ធិមនុស្ស នៅកម្ពុជា។ លើសពីនេះទៀត អ្នកជំនាញ អ.ស.ប សម្តែងការព្រួយបារម្ភ ចំពោះរបាយការណ៍ដែលអះអាង ពីការប៉ុនប៉ង​រារាំង​អ្នកការពារសិទ្ធិមនុស្ស ក្នុងការតាមឃ្លាំមើល​បាតុកម្មអហិង្សា ស្របតាមសិទ្ធិសេរីភាព ក្នុងការជួបប្រជុំ។

ទស្សនាវដ្ដីមនោរម្យ.អាំងហ្វូ សូមដាក់លិខិតរួមរបស់ក្រុមអ្នកជំនាញ ជូនប្រិយមិត្តតាមរយៈខ្សែភ្ជាប់ ដូចខាងក្រោម (Only in web version)៖



លំអិតបន្ថែមទៀត

ទស្សនៈប្រិយមិត្ត

លិខិត​ប្រិយមិត្ត៖ «គណបក្ស​ប្រឆាំង​ពីរត្រួត»

«គណបក្ស​ប្រឆាំង​ពីរត្រួត»៖ ក្រោយការបោះឆ្នោត​ក្រុមប្រឹក្សា​ឃុំសង្កាត់ថ្មីៗនេះ ប្រធាន​បក្ស​ប្រឆាំង​​ធំបំផុត​បាននិយាយថា “ការបោះឆ្នោត​ឲ្យគណបក្សតូចៗ ជាការបង្ហិន​សន្លឹក​ឆ្នោត”។ គាត់សុំឲ្យពលរដ្ឋ រួមគ្នាបោះឆ្នោតឲ្យសង្គ្រោះជាតិ ក្រោមហេតុផលថា “មានតែ​សង្គ្រោះជាតិទេ ទើបជាបក្សធំ ដែលបានវ៉ាដាច់បក្សតូចៗ”។ លើសពីនេះគាត់​ក៏បាន​បញ្ជាក់ថា “មានតែបក្សសង្គ្រោះជាតិ ...
លោក ហ៊ុន សែន នាយករដ្ឋមន្ត្រីកម្ពុជា
កម្ពុជា

ហ៊ុន សែន បបួល​ក្រុមប្រឆាំង​«ឲ្យមកស្បថ»រឿងថាកម្ពុជានៅតែក្រ

ប្រមុខរដ្ឋាភិបាលកម្ពុជា លោក ហ៊ុន សែន បានហៅក្រុមអ្នកនយោបាយប្រឆាំង នៅព្រឹកថ្ងៃសុក្រនេះ «ឲ្យមកស្បថ»ជាមួយលោក ជុំវិញការលើកឡើងថា លោកដឹកនាំយូរទៅ ធ្វើឲ្យប្រទេសកម្ពុជា​កាន់តែក្រទៅៗ។ បុរសខ្លាំងកម្ពុជា បានថ្លែងដូច្នេះ នៅក្នុងពិធីបើកការដ្ឋានសាងសង់មន្ទីរពេទ្យ ...
កម្ពុជា

ហ៊ុន សែន ថាមុខ​មន្ត្រី​ប្រឆាំង «មិនមែនមុខដូចម៉ែអញ»

លោកនាយករដ្ឋមន្ត្រី ហ៊ុន សែន​ បានប្រើពាក្យ«មុខហ្អែង មិនមែនមុខដូចម៉ែអញ» ដើម្បីព្រមានបិទទ្វានៃការផ្ដល់សិទ្ធិធ្វើនយោបាយ សម្រាប់ក្រុមមន្ត្រីគណបក្សប្រឆាំងវិញ ដោយលោកទុកពេលឲ្យ រហូតដល់ពេលក្រោយចូលឆ្នាំខ្មែរខាងមុខ។ បុរសខ្លាំងកម្ពុជាដែលអង្គុយនៅក្នុងតំណែង តាំងពីជាង៣៤ឆ្នាំមកនោះ បានបើពាក្យថា បើក្រុមមន្ត្រីប្រឆាំងដែលនៅសេសសល់ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.