កម្ពុជាដំណឹង

CNRP ហៅ​ការចេញដីកា​ចាប់ខ្លួន​មេដឹកនាំ​ខ្លួន​ទាំង៨ ថាជា​«ការផ្គើន»

ការចេញដីកា ឲ្យចាប់ខ្លួនថ្នាក់ដឹកនាំទាំង៨នាក់ របស់គណបក្សសង្គ្រោះជាតិ កាលពីប៉ុន្មានថ្ងៃមុននេះ បង្ហាញថា របបក្រុងភ្នំពេញសព្វថ្ងៃ កំពុងយកតុលាការ ធ្វើជាឧបករណ៍នយោបាយ ដើម្បីជា«ការផ្គើន» នឹងវិធានការនានារបស់សហគមន៍អន្តរជាតិ និងបំផ្លាញប្រយោជន៍ជាតិកម្ពុជាទាំងមូល។ 

ខាងលើនេះ ជាការអះអាង របស់គណបក្សសង្គ្រោះជាតិ (CNRP) ដើម្បីប្រតិកម្មតបនឹងដីកា ដែលចុះហត្ថលេខា និងចេញផ្សាយក្នុងពេលតែមួយ ដោយចៅក្រមស៊ើបអង្កេត​សាលា​ដំបូង​រាជធានី​ភ្នំពេញ បញ្ជាទៅកងកម្លាំងអាជ្ញាធរ ឲ្យតាមចាប់ខ្លួនថ្នាក់ដឹកនាំប្រឆាំង ទាំង​៨នាក់ ពីបទក្បត់ជាតិ និងផ្សំគំនិតក្បត់។

សេចក្ដីថ្លែងការណ៍ របស់គណបក្សប្រឆាំង ដែលធ្លាក់មកដល់ដៃអ្នកសារព័ត៌មាន កាលពីប៉ុន្មាននាទីមុន បានឲ្យដឹងថា ទង្វើរបស់របបលោក ហ៊ុន សែន បង្ហាញឲ្យឃើញអំពីការដឹកនាំ ដែលងាកចេញពីការផ្សះផ្សារបង្រួបបង្រួមជាតិ និងពុំឲ្យតម្លៃប្រជាធិបតេយ្យ ដោយគាបសង្កត់ស្ថាប័នកំពូលៗរបស់រដ្ឋ ដើម្បីបំពេញមហិច្ឆតាផែនការអំណាចបុគ្គល។

ការផ្គើន…

សេចក្ដីថ្លែងការណ៍ បានសរសេរថា៖

«ចំណាត់ការ ដែលមានចរិតនយោបាយបន្តបំបែក និងបំបាត់សំឡេងប្រឆាំងនៅកម្ពុជានេះ ជាការផ្គើននឹងវិធានការនានា របស់សហគមន៍អន្តរជាតិ ហើយបំផ្លាញប្រយោជន៍ជាតិកម្ពុជាទាំងមូល។»

ជនទាំង៨នាក់ ដែលជាប់ក្នុងដីកា របស់សាលាដំបូងរាជធានីភ្នំពេញ មានលោក សម រង្ស៊ី, លោក អេង ឆៃអ៊ាង , លោក ហូរ វ៉ាន់ , លោក អ៊ូ ច័ន្ទឫទ្ធិ , លោក ម៉ែន សុថាវរិន្រ្ទ , លោក ឡុង រី , លោក តុប វ៉ាន់ចាន់ និងអ្នកស្រី មូរ សុខហួរ។

សម្រាប់លោក សម រង្ស៊ី មេដឹកនាំប្រឆាំង ដែលជាជនទីមួយ ជាប់ឈ្មោះនៅក្នុងដីកានោះ បានធ្វើប្រតិកម្មខ្លី នៅតាមបណ្ដាញសង្គមទ្វីសធើរថា៖

«ដីកាចាប់ខ្លួនខ្ញុំ ដែលបានចេញនៅរាជធានីភ្នំពេញ កាលពីថ្ងៃទី១២ ខែមីនានេះ គូសបង្ហាញថា រដ្ឋាភិបាលលោក ហ៊ុន សែន បានប្ដេជ្ញាចិត្តច្បាស់លាស់ណាស់ ក្នុងការកម្ទេចសំឡេងជំទាស់នៅកម្ពុជា ទោះតាមមធ្យោបាយណាក៏ដោយ។»

គណបក្សប្រឆាំងបានអំពាវនាវជាថ្មីទៀត ទៅដល់សហគមន៍អន្តរជាតិ ជាពិសេសសហភាពអ៊ឺរ៉ុប សហរដ្ឋអាមេរិក និងបណ្ដាប្រទេសប្រជាធិបតេយ្យ ដែលជាម្ចាស់ជំនួយ និងកម្ចីដ៏សំខាន់ ឲ្យចាត់វិធានការសមស្រប និងជាក់ស្ដែង ព្រមទាំងដាក់«សម្ពាធបន្ថែមកាន់តែខ្លាំង» ទៅលើរបបក្រុងភ្នំពេញ ដើម្បីជំរុញឲ្យរបបនេះ វិលទៅរកគន្លងប្រជាធិបតេយ្យវិញ។

តាមរយៈសេចក្ដីថ្លែងការណ៍ដដែល គណបក្សសង្គ្រោះជាតិបានបន្តបញ្ជាក់ជំហរថា ថ្នាក់ដឹកនាំរបស់ខ្លួន នៅតែ«រឹងមាំ» និងកំពុង​«បន្តដឹកនាំនយោបាយ» តាមគោលការណ៍ប្រជាធិបតេយ្យ និងការផ្សះផ្សាបង្រួបបង្រួមជាតិ «ដោយមិនយកខ្មែរណាជាសត្រូវ»។

អ្នកស្រី មូ សុខហួរ អនុប្រធានគណបក្ស ដែលជាជនមួយរូបទៀត ជាប់ឈ្មោះក្នុងដីការ បានបរិហារដីការនោះ ថាជាទង្វើដ៏យង់ឃ្នង។ អ្នកស្រីបានថ្លែងឡើងថា៖

«ការដែលគេចេញដីកា ឲ្យមានការចាប់ខ្លួនយើងខ្ញុំ ជាទង្វើដ៏យង់ឃ្នងណាស់។ តើពួកយើងខ្ញុំហ្នឹងឯងឬ ជាអ្នកក្បត់ជាតិ? ខ្ញុំជឿជាក់ថា ប្រជាពលរដ្ឋ ទោះបីមន្ត្រីនៅក្នុងតុលាការក៏ដឹងដែរថា យើងមិនមែនជាអ្នកក្បត់ជាតិទេ។ ផ្ទុយទៅវិញ យើងរកដំណោះស្រាយ ជូនប្រទេសជាតិយើង ជូនប្រជាពលរដ្ឋយើង៕»



លំអិតបន្ថែមទៀត

និមិត្តសញ្ញារបស់ស្ថានទូតអាមេរិក និងលោក កឹម សុខា មេដឹកនាំគណបក្សសង្គ្រោះជាតិ។ (រូបថតកាត់ត)
កម្ពុជា

ក្នុង​ទិវា​សិទ្ធិ​មនុស្ស អាមេរិក​ស្នើ​ឲ្យ​ដោះលែង​អ្នក​ទោស​នយោបាយ

ស្ថានទូតសហរដ្ឋអាមេរិក ប្រចាំនៅកម្ពុជា បានឆ្លៀតឱកាស នៃទិវាសិទ្ធិមនុស្សអន្តរជាតិ ថ្ងៃទី១០ ខែធ្នូ ឆ្នាំ២០១៨នេះ ដើម្បីអំពាវនាវជាថ្មី ទៅកាន់របបក្រុងភ្នំពេញ ឲ្យទម្លាក់ចោលបទចោទប្រកាន់ ទៅលើបណ្ដា​អ្នកទោស​នយោបាយ​ទាំងអស់។ ជាមួយនឹងរូបថតលោក កឹម ...
កម្ពុជា

សុខ ឥសាន ថាក្រុមប្រឆាំង«ជិតងាប់»​ព្រោះ សម រង្ស៊ី មិនហ៊ាន​ចូលស្រុក

សម្រាប់លោក សុខ ឥសាន អ្នកនាំពាក្យគណបក្សប្រជាជនកម្ពុជា (CPP) បានលើកឡើងនៅថ្ងៃទី៣ ខែមីនា ឆ្នាំ២០១៩នេះថា ក្រុមប្រឆាំងកំពុងបែកបាក់ និងជ្រួលច្របល់ ដោយសារមេបក្សពួកគេ គឺលោក សម ...
គណៈកម្មាធិការចម្រុះកិច្ចការព្រំដែន របស់រដ្ឋាភិបាលកម្ពុជា ដឹកនាំដោយលោក វ៉ា គឹមហុង និងអ្នកស្រី កុយ ពិសី បានទទួលយក​ឯកសារផែនទី​ខ្នាត ១/២៥០០០ នៅក្នុងពិធីមួយ កាលពីថ្ងៃទី១ សីហា ឆ្នាំ២០២០ នៅ​ច្រក​អន្តរជាតិម៉ុកបៃ (Moc Bai) ខេត្តតៃនិញ (ខេត្តរោងដំរី នៃទឹកដីកម្ពុជាក្រោម) ជាមួយនឹងសមភាគីវៀតណាម។
កម្ពុជា

គណៈកម្មាធិការ«ព្រំដែន»ថា CNRP ប្រឌិត​រឿងព្រំដែន និង​ផ្សព្វផ្សាយ​មិនពិត

គណៈកម្មាធិការចម្រុះកិច្ចការ«ព្រំដែន» បានច្រានចោលការចោទប្រកាន់ ដែលថា ផែនទី​ខ្នាត ១/២៥ ០០០ ជាផែនទីដែលគូសវាង ដោយប្រទេសវៀតណាម។ គណៈកម្មាធិការ​មួយ​នេះ ដែលមានលោក វ៉ា គឹមហុង ជាប្រធាន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...