កម្ពុជាដំណឹង

បន្ទាប់ពី​កូរ៉េខាងត្បូង តើ សម រង្ស៊ី គ្រោងទៅ​ប្រទេស​ណាទៀត​នៅអាស៊ី?

មន្ត្រីស្និតលោក សម រង្ស៊ី មេដឹកនាំប្រឆាំង បានអះអាងថា ការជួបជាមួយពលករខ្មែរ ក្នុងប្រទេសថៃ អាចជាជំហានក្រោយ បន្ទាប់ពី​កូរ៉េខាងត្បូង ដែលជាជំនួបជាមួយពលកររាប់ពាន់នាក់ កាលពីសប្ដាហ៍មុនរួច។ ប៉ុន្តែសម្រាប់អ្នកវិភាគ បានគិតថា ជំនួបនៅក្នុងប្រទេសថៃ លោក សម រង្ស៊ី និងមន្ត្រីគណបក្សសង្គ្រោះជាតិ អាចរងហានិភ័យច្រើន។

លោក ម៉ែន សុថាវរិន្ទ្រ អតីតតំណាងរាស្ត្រ មកពីគណបក្សប្រឆាំង បានប្រកាសនៅក្នុងពិធីរាត្រីសមោលសរ នៃចលនាយុវជនគណបក្ស ប្រចាំក្នុងប្រទេសបារាំង កាលពីយប់ថ្ងៃសៅរិ៍ ទី២៧ ខែមេសានេះថា បន្ទាប់ពីប្រទេសកូរ៉េខាងត្បូង លោក សម រង្ស៊ី នឹងធ្វើដំណើរទៅកាន់ប្រទេសថៃ ដើម្បីជួបជាមួយពលករនៅទីនោះ។ លោក ថាវរិន្ទ្រ បានអះអាងថា៖

«ឥឡូវយើងទៅដល់កូរ៉េហើយ បន្តិចទៀត លោកប្រធាន [សម រង្ស៊ី] នឹងទៅដល់ប្រទេសថៃ។ បើដល់ប្រទេសថៃ អញ្ចឹងដល់ណា? គឺដល់ស្រុកខ្មែរហើយ។ អញ្ចឹង ២០១៩នេះ លោកប្រធាន សម រង្ស៊ី និងយើងទាំងអស់គ្នា មួយចំនួនធំនេះ នឹងទៅ។ ហើយសំខាន់ កម្លាំងនៅប្រទេសថៃ ដែលជាកម្លាំងធំមែនទែន គាត់នឹងត្រៀមលក្ខណៈ ពលករទាំងអស់នឹងត្រៀមលក្ខណៈ ទៅជាមួយលោកប្រធាន។»

«បន្ទាប់ពី​កូរ៉េខាងត្បូង …»

រីឯពេលវេលា ដែលត្រូវធ្វើដំណើរទៅកាន់ទីនោះ ត្រូវបានលោក សុថាវរិន្ទ្រ បង្ហើបថា នឹងរង់ចាំការសម្រេច របស់គណៈកម្មាធិការអចិន្ត្រៃយ៍ គណបក្ស ដែលនឹងជួបប្រជុំគ្នា នៅខែមិថុនាខាងមុខ។ មន្ត្រីគណបក្សប្រឆាំងរូបនេះ ថ្លែងថា៖ 

«លោកប្រធានគាត់ទៅហើយ គាត់រៀបចំហើយ បានន័យថា ទ្រព្យសម្បត្តិផ្ទះសម្បែង គាត់បានចែកឲ្យកូនចៅគាត់ហើយ មានន័យថាត្រៀមលក្ខណៈ (…) ដើម្បីទៅ។ អញ្ចឹងគណៈអចិន្ត្រៃយ៍នឹងប្រជុំម្ដងទៀត ជាលើកទី៣​ នៅសហរដ្ឋអាមេរិក ប្រហែលជាខែ៦ (…) តែខែ៥នេះ​គឺកៀកពេក ធ្វើអត់កើត (…) បើទៅខែ៦ រៀងរហ័សពេក បើទៅខែ១១ យូរពេក ទៅខែប៉ុន្មានបងប្អូនចាំមើលទៅ។»

កាលពីពេលកន្លងមក លោក ហ៊ុន សែន ធ្លាប់បានថ្លែងគម្រាមលោក សម រង្ស៊ី កុំឲ្យធ្វើដំណើរ មកក្នុងទ្វីបអាស៊ី ក្បែរៗនឹងប្រទេសកម្ពុជាពេក។ បុរសខ្លាំងកម្ពុជា បានប្រាប់មូលហេតុថា លោកអាចនឹងបញ្ជូនគិញសម្ងាត់ ឲ្យទៅចាប់ខ្លួនលោក សម រង្ស៊ី នៅលើប្រទេស ដែលមេដឹកនាំប្រឆាំងបង្ហាញវត្តមាន។

ប៉ុន្តែការគម្រាមនោះ ត្រូវបានលោក សម រង្ស៊ី ប្រតិកម្មតបវិញ ដោយចាត់ទុកការលើកឡើង របស់លោក ហ៊ុន សែន ថាជាទង្វើបែប«ហ្វាស៊ីស»។

សម្រាប់អ្នកឃ្លាំមើលបញ្ហានយោបាយកម្ពុជា លោក ព្រហ្ម គីត បានគិតថា រូបភាពចាប់ដៃចាប់ជើង រវាងលោកនាយករដ្ឋមន្ត្រី ហ៊ុន សែន និងលោកនាយករដ្ឋមន្ត្រីថៃ ប្រយុទ្ធ ច័ន្ទអស្ចារ្យ កាលពីប៉ុន្មានថ្ងៃមុន អាចជាឧបសគ្គសម្រាប់ការជួបជុំណាមួយ របស់លោក សម រង្ស៊ី ជាមួយនឹងក្រុមអ្នកគាំទ្រ។

ទោះយ៉ាងនេះក្ដី ក៏លោក ព្រហ្ម គិត បន្តលើកឡើងថា ក្រុមលោក សម រង្ស៊ី នៅមានគន្លឹះសំខាន់មួយចំនួន ដើម្បីឲ្យការជួបប្រជុំ នៅក្នុងប្រទេសថៃ អាចប្រព្រឹត្តទៅបាន (សូមរង់ចាំអានការអះអាងរបស់អ្នកវិភាគ នៅក្នុងអត្ថបទ ដែលចេញផ្សាយក្រោយអត្ថបទនេះ)៕



លំអិតបន្ថែមទៀត

ដំណឹង

តារាចម្រៀង​ថៃម្នាក់​ឡើង​សំដែង​​ពាក់អាវ​សញ្ញា​«ហ៊ីត្លែ»​ ​ផ្ទុះរឿង​អាស្រូវ

រឿងអាស្រូវ​បានផ្ទុះឡើង បន្ទាប់ពីស្ថានទូតអ៊ីស្ត្រាអែល ប្រចាំក្នុងប្រទេសថៃ កាលពីថ្ងៃសៅរ៍ បានសម្ដែង«ភាពតក់ស្លុត» និង«ការខ្វល់ខ្វាយ»របស់ខ្លួន នៅពេលបានឃើញតារាចម្រៀងម្នាក់ ដ៏មានប្រជាប្រិយ​របស់ប្រទេសថៃ បានឡើងហាត់សម​នៅលើឆាក ដោយពាក់អាវយឺតមួយ ដែលមានសញ្ញាទង់ជាតិ របស់ក្រុមណាស៊ី«ហ៊ីត្លែ»។ អ្នកចម្រៀង ...
កម្ពុជា

ព្រឹទ្ធសមាជិក​បារាំង៖ ហ៊ុន សែន ជា​អ្នកបំផ្លាញ EBA ខណៈ EU មិនដកថយ

លោក អង់ឌ្រេ ហ្គាតូឡាំង (André Gattolin) សមាជិកព្រឹទ្ធសភា​​មកពី​គណបក្ស​​កាន់អំណាច របស់ប្រទេសបារាំង បានថ្លែងខ្លាំងៗ​ទម្លាក់​ការទទួល​ខុសត្រូវ នៃការបាត់បង់ ប្រព័ន្ធ​​អនុគ្រោះ​ពន្ធ «EBA» ទៅលើការដឹកនាំ របស់លោកនាយករដ្ឋមន្ត្រី ...
កម្ពុជា

ហ៊ុន សែន ថាសំណង់​ព្រលាន​យន្ដហោះ​ថ្មី សម្រេច​បាន​៣០%​ហើយ

ការប្រកាស​របស់លោកនាយករដ្ឋមន្ត្រី ហ៊ុន សែន បានផ្ដល់ក្ដីសង្ឃឹមថា ក្នុងរយៈពេល​៣ឆ្នាំខាងមុខ កម្ពុជានឹងមានព្រលានយន្ដហោះអន្តរជាតិ ដ៏ធំមួយ ប្រភេទ «4F» ដែល​ពេលនេះ បានសាងសង់ចេញជារូបរាង សម្រេច​បាន​៣០%​ហើយ ។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...