កម្ពុជាដំណឹង

ក្រុងភ្នំពេញ​ព្រមាន​ចាត់វិធានការ​ប្រឆាំង​«ការញុះញង់​ពីនាយសមុទ្រ»

របបដឹកនាំក្រុងភ្នំពេញ បានប្រកាសចាត់វិធានការ ប្រឆាំងនឹងបណ្ដាជននៅក្រៅប្រទេសទាំងឡាយណា ដែលរបបនេះរកឃើញថា បានបង្កើត«ការញុះញង់​ពីនាយសមុទ្រ» ដោយអំពាវនាវដល់កងកម្លាំងប្រដាប់អាវុធ និងពលរដ្ឋ «ក្នុងបំណងបង្កើតកម្លាំងចលនាមហាជន ប្រឆាំងនឹងច្បាប់ ប្រឆាំងនឹងរាជរដ្ឋាភិបាល»។

សេចក្ដីថ្លែងការណ៍មួយ របស់ការិយាល័យអ្នកនាំពាក្យ នៃរបបដឹកនាំក្រុងភ្នំពេញ ដែលចេញផ្សាយកាលពីមុននេះ បានចាត់ទុកទង្វើនោះ ថាជា«ការប្រព្រឹត្តិបទឧក្រិដ្ឋ ឬជាសកម្មភាពឧក្រិដ្ឋកម្ម» ដែលមានចែងក្នុងច្បាប់កម្ពុជា។ ការិយាល័យអ្នកនាំពាក្យ បានសរសេរបន្តថា៖

«ការញុះញង់ខាងលើ ជាអំពើភេវរកម្មនយោបាយ ប្រឆាំងនឹងផលប្រយោជន៍កម្ពុជា ក៏ដូចជាប្រជាពលរដ្ឋរបស់ខ្លួន ទោះសកម្មភាពញុះញង់នោះ ស្ថិតនៅឯនាយសមុទ្រ នឹងអាចជះឥទ្ធិពល ក៏ដូចជាកើតមាននៅក្នុងប្រទេសកម្ពុជា ជាយថាហេតុបែបណាក៏ដោយ។»

«ការញុះញង់​ពីនាយសមុទ្រ»

យ៉ាងណា អ្នកនាំពាក្យមិនបានបញ្ជាក់ឲ្យច្បាស់ និងលំអិត ថាតើនរណា ឬក្រុមណាមួយ ដែលរបបលោក ហ៊ុន សែន ចង់សំដៅរកនោះទេ។

ប៉ុន្តែការបញ្ជាក់ជំហរនេះ ធ្វើឡើង ក្រោយការបង្ហោះឯកសារមួយ កាលពីព្រឹកម៉ិញ ដែលសរសេរក្រោមស្លាកសញ្ញា របស់គណបក្សប្រជាជនកម្ពុជា អះអាងថា មានក្រុមផ្ទៃក្នុងគណបក្សកាន់អំណាច កំពុងខឹងសម្បារចំពោះលោក ហ៊ុន សែន ហើយក្រុមនោះកំពុងត្រៀមគាំទ្រ ដំណើរវិលចូលស្រុក របស់លោក សម រង្ស៊ី។ ឯកសារនោះ ត្រូវបានគណបក្សប្រជាជនកម្ពុជាខ្លួនឯង ទាត់ចោល ដោយចាត់ទុកថា ជា«ឯកសារក្លែងក្លាយ»។

សេចក្ដីថ្លែងការណ៍បានបញ្ជាក់ថា រដ្ឋាភិបាលកម្ពុជា នឹងចាត់វិធានការម៉ឺងម៉ាត់ តាមផ្លូវច្បាប់ និងរួមទាំងកិច្ចសហការអន្តរជាតិ ក្នុងការទប់ស្កាត់សកម្មភាពទាំងឡាយខាងលើ។ លិខិតដដែលបានបន្តថា៖

«រាជរដ្ឋាភិបាលកំពុងតាមដាន យ៉ាងយកចិត្តទុកដាក់ និងស្និតបំផុត ចំពោះរាល់សកម្មភាព និងចលនាវិទ្ធង្សនារបស់បុគ្គល និងក្រុមពាក់ព័ន្ធទៅនឹងសកម្មភាពភេវរកម្មនយោបាយទាំងនេះ (…) [ហើយ] បាននិងកំពុងត្រៀមជាស្រេច ក្នុងការឆ្លើយតប ជាមួយនឹងការប្រមូលភស្ដុតាងជាក់ស្ដែង និងកំណត់អត្តសញ្ញាណ លើបុគ្គលពាក់ព័ន្ធ ដើម្បីអនុវត្តច្បាប់ (…)»៕



លំអិតបន្ថែមទៀត

កម្ពុជា

ហ៊ុន សែន បង្ហើប​ពី​បញ្ហា​សុខភាព​លោក ដែល​ពេទ្យ​ហាម​ឈរអង្គុយ«យូរ»

លោក ហ៊ុន សែន នាយករដ្ឋមន្ត្រីវ័យ៦៦ឆ្នាំនៅកម្ពុជា បានថ្លែងបង្ហើបថា លោកមានបញ្ហាសុខភាព ដែលតម្រូវ​មិនឲ្យ​លោក ឈរ និងអង្គុយ«យូរ»​ឡើយ។ ជាពិសេស គ្រូពេទ្យរបស់លោក បានបញ្ជាមិនឲ្យលោក លេងកីឡាវាយ​កូនគោល ...
កម្ពុជា

«ហ៊ុន សែន បានទាក់ទង សម រង្ស៊ី នៅមុន​ការវិលចូល​ស្រុក​ឆ្នាំ២០១៣»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានបង្ហើបឲ្យដឹងថា ក្នុងខែកក្កដា ឆ្នាំ២០១៣ ពោលគឺក្រោយពេលលោក ប្រកាសវិលចូលស្រុកវិញ នៅថ្ងៃទី៨ ខែកក្កដា ឆ្នាំ២០១៣ លោក ...
ដំណឹង

រដ្ឋាភិបាលហុងគ្រីថា ​ប្រមុខការទូត​ខ្លួន​«អវិជ្ជមានកូវីដ»​មុនមកដល់​កម្ពុជា

រដ្ឋាភិបាលហុងគ្រី បានអះអាងថា លោក ភីតធ័រ ស្ស៊ីយ៉ាតូ (Peter Szijjarto) ​​រដ្ឋមន្ត្រី​ការបរទេស និង​ពាណិជ្ជកម្ម​ របស់ខ្លួន មានលទ្ធផលតេស្ដិ៍​«អវិជ្ជមានកូវីដ» នៅមុនលោក​ធ្វើដំណើរ មកបំពេញទស្សនកិច្ចផ្លូវរដ្ឋ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...