កំសាន្ដនាទី«ជ័យនាងគ្រត»

ព័ត៌មានអាជ័យ៖ ព្រះរាជាខ្មែរ ចុះព្រះហត្ថលេខារហ័ស

ពុកម៉ែបងប្អូន ជាទីមេត្រី! ប្រធានបទថ្ងៃនេះ គឺការផ្ដល់សិទ្ធិនយោបាយ ដោយ​«ព្រះរាជាខ្មែរ» ឲ្យអតីត​មន្ត្រីគណបក្ស​ប្រឆាំង​មួយរូប កាលពីថ្ងៃទី១២ ខែវិច្ឆិកា ដែលធ្វើឡើង​បន្ទាប់ពីលោក ហ៊ុន សែន បើកភ្លើង​ខៀវមួយថ្ងៃ ឬពីរមុន។

ត្មាត (អាត្មា) បានជួបសម្ភាសន៍ ឯកឧត្តម​សមមិត្ត បណ្ឌិត អុឺត យ៉ាវ ទីប្រឹក្សាទទួល​បន្ទុក ខាងចារកម្មផ្ទៃក្នុង ដើម្បីឲ្យឯកឧត្ដមសមមិត្តបណ្ឌិត បានពន្យល់ពីគន្លឹះ នៅខាងក្រោយ​ឆាក នៃការផ្ដល់សិទ្ធិនយោបាយនោះ។

ត្មាត៖  ជម្រាបសួរ ឯកឧត្ដមសមមិត្តបណ្ឌិត! យើងឃើញហើយថា លិខិតស្នើសុំរបស់អ្នកស្រី លី ស្រីវីណា ចូលទៅលោក ហ៊ុន សែន និងលោក ស ខេង នៅថ្ងៃទី៩ ហើយលោក ហ៊ុន សែន ចារយល់ព្រម នៅថ្ងៃទី១០ មុននឹងត្រូវព្រះមហាក្សត្រ ចេញព្រះរាជក្រឹត្យ នៅថ្ងៃទី១២ ឬបើ​និយាយឲ្យខ្លី រំលងគ្នាតែ២ទៅ៣ថ្ងៃប៉ុណ្ណោះ។ ដូច្នេះ អ្វីៗខាងលើនេះ ជាយន្ដការ​យ៉ាងរលូន រវាងស្ថាប័នព្រះមហាក្សត្រ និងស្ថាប័នរដ្ឋាភិបាលឬ?

អុឺត យ៉ាវ៖ សម្ដេចតេជោ ធ្លាប់បញ្ជាក់ហើយថា សម្ដេចនិងព្រះមហាក្សត្រ មានទំនាក់ទំនង​ស្អិតរមួត ហើយមានច្បាប់ជាអ្នកកំណត់ ចំពោះព្រះរាជកិច្ច​របស់ព្រះមហាក្សត្រ។ សម្ដេចតេជោស្គាល់លេខទូរស័ព្ទ របស់ព្រះបរមរាជវាំងច្បាស់ណាស់។ បើសម្ដេចហៅទាំងយប់ គឺព្រះបរមរាជវាំង ត្រូវទទួលទាំងយប់ ព្រោះមានចែងក្នុងច្បាប់។

ត្មាត៖ តែព្រះមហាក្សត្រកំពុងផ្ទុំ…

អុឺត យ៉ាវ៖ ខ្ញុំនិយាយដដែលៗ… អ្វីៗមានចែងក្នុងច្បាប់។ បើព្រះមហាក្សត្រជាប់រវល់ផ្ទុំ មិនតើនមកចុះ​ព្រះហត្ថលេខាទេ នោះសម្ដេចតេជោ នឹងធ្វើច្បាប់មួយទៀត ឲ្យកងរក្សា​ព្រះអង្គ មានអំណាចទៅតើនទ្រង់ ឲ្យមកចុះព្រះហត្ថលេខា។ តែ​យ៉ាងណា បើសិនជា​សម្ដេចតេជោ ថាជារឿងបន្ទាន់នោះ ព្រះមហាក្សត្រនឹងមិនផ្ទុំទេ ព្រោះគ្រាន់តែ​ចុះព្រះហត្ថលេខា ដែលប្រើពេល​តែ៥វិនាទីប៉ុណ្ណោះ។

ត្មាត៖ ចុះព្រះហត្ថលេខាទាំងយប់ បានសេចក្ដីថា រដ្ឋបាលនៅស្ថាប័នព្រះមហាក្សត្រ ធ្វើការទាំងយប់ដែរ?

អុឺត យ៉ាវ៖ អ្វីទៅ ជារដ្ឋបាលនៅស្ថាប័នព្រះមហាក្សត្រ? អូ! គ្រាន់តែជាមនុស្សប៉ុន្មាននាក់ ដែលពាក់អាវជាមន្ត្រីវាំង តែស៊ីប្រាក់ខែសម្ដេចតេជោនោះឬ? កាលក្នុងសម័យសង្គ្រាម សម្ដេចតេជោរៀនអាន ក កា តែនៅពេលយប់ ជាមួយនឹងពន្លឺចង្កៀង… ឥឡូវមាន​អគ្គិសនី ភ្លើងវាំង​មិនដែលឲ្យដាច់ផង… ម៉េចចង់ស៊ីប្រាក់ខែទទេរ ហើយអត់ធ្វើការឬ?

ត្មាត៖ ធ្វើដូច្នេះ មិនដូចជាបង្ខំព្រះមហាក្សត្រ និងស្ថាប័នព្រះមហាក្សត្រ ឲ្យគ្មានជម្រើស ដែលត្រូវតែធ្វើតាមលោក ហ៊ុន សែន ទេឬ?

អុឺត យ៉ាវ៖ STOP! ឈប់សួរ! បើបន្តសួរទៀត អន្ទិតឯងអាចជាប់ចោទ ពីបទប្រមាថ​ព្រះមហាក្សត្រ ដែលមានចែងក្នុងច្បាប់៕



លំអិតបន្ថែមទៀត

វិភាគ អត្ថាធិប្បាយ

ជុន ច័ន្ទបុត្រ សរសេរ​លិខិត​«ចំហ»​ទី​ពីរ ​ជូន កែម ឡី

ខួបមួយឆ្នាំ នៃការបាញ់សម្លាប់លោក កែម ឡី នឹងមកដល់ក្នុងប៉ុន្មានសប្ដាហ៍ខាងមុខ។ ក្នុងឱកាសនេះ លោក ហួត វុទ្ធី ដាក់​ហស្សនាម​ហៅ ជុន ច័ន្ទបុត្រ នាយករង​និងជា​អ្នក​សារព័ត៌មាន ...
កម្ពុជា

ហ៊ុន សែន ឲ្យ​កម្ទេច​កងកម្លាំង​ណា ដែលកាង​គ្រឿងញៀន​​នៅ​«រ៉ុក»

នាយករដ្ឋមន្រ្តីកម្ពុជា លោក ហ៊ុន សែន បានបញ្ជាឲ្យជីករកឫសគល់ នៃបណ្ដាញគ្រឿងញៀន នៅមណ្ឌលកម្សាន្ដ«រ៉ុក» ឲ្យខាងតែបាន បើទោះជាឫសនោះ មានជម្រៅដល់ណា ឬមានកងកម្លាំងណា ដែលកាងចំពោះករណីនេះក៏ដោយ។ លោក ហ៊ុន ...
កម្ពុជា

សម រង្ស៊ី ប្រាប់​រដ្ឋាភិបាល​បរទេស​ថា ​តុលាការ​នៅ​ភ្នំពេញ​ជា​«អាយ៉ង»

មេដឹកនាំប្រឆាំងរបស់កម្ពុជា លោក សម រង្ស៊ី បានសរសេរលិខិតមួយ នៅថ្ងៃនេះ ទៅកាន់រដ្ឋាភិបាល នៃបណ្ដាប្រទេសនានា ដើម្បីប្រាប់ឲ្យប្រទេសទាំងនោះ កុំយកចិត្តដាក់ចំពោះដីកាឲ្យចាប់ខ្លួន ដែលចេញកាលពីដើមខែមិនា ដោយតុលាការរាជធានី ប្រឆាំងមេដឹកនាំប្រឆាំង ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...
កំសាន្ដ

ឥណ្ឌា៖ ទារិកាមួយរូប​កើតចេញពីផ្ទៃ មានជើង៤ និងដៃ៤

អ្នកម្ដាយជាតិឥណ្ឌាម្នាក់ បានផ្ដល់កំណើត​ដល់ទារិកាមួយរូប ដែល«មានជើង៤ និងដៃ៤»។ ក្រុមអ្នកមានជំនឿស៊ប់ខាងសាសនា បានជឿជាក់ថា អព្ភូតហេតុខាងលើ គឺព្រះរស់ចាប់កំណើត (!)។ ស្រីជាម្ដាយ មានឈ្មោះ«Kareena» និងរស់នៅក្នុងក្រុង«Hardoi» រដ្ឋ«Uttar ...