កម្ពុជាដំណឹង

សម រង្ស៊ី៖ មូលហេតុ២​ដែល ហ៊ុន សែន ដាក់​កម្ពុជា​ជា«អាណានិគម​របស់​ចិន»

មេដឹកនាំប្រឆាំងនៅកម្ពុជា លោក សម រង្ស៊ី បានលើកពីមូលហេតុចំនួនពីរ ដើម្បីអ្វីមួយ ដែលលោកអះអាងថា បាននាំឲ្យលោកនាយករដ្ឋមន្ត្រី ហ៊ុន សែន ដាក់កម្ពុជា ឲ្យក្លាយជា«អាណានិគម​របស់​ចិន»។

ការអះអាងរបស់ប្រធានស្ដីទីគណបក្សប្រឆាំង ធ្វើឡើងនៅលើបណ្ដាញសង្គម កាលពីមុននេះ បន្ទាប់ពីការចេញផ្សាយ របស់សារព័ត៌មានដ៏ល្បីរបស់អាមេរិក ជុំវិញ​«កិច្ចព្រមព្រៀងសម្ងាត់»​មួយ រវាងក្រុងភ្នំពេញ និងក្រុងប៉េកាំង ក្នុងការអនុញ្ញាតឲ្យចិន ប្រើមូលដ្ឋានយោធាជើងទឹកកម្ពុជា នៅខេត្តព្រះសីហនុ ក្នុងរយៈពេល៣០ឆ្នាំ។

ប៉ុន្តែការចេញផ្សាយនោះ ត្រូវបានលោកនាយករដ្ឋមន្ត្រីខ្លួនឯង ចេញមុខបដិសេធ ដោយហៅព័ត៌មាននោះ ថាជាការប្រឌិតដ៏អាក្រក់បំផុត ប្រឆាំងកម្ពុជា។

សម្រាប់លោក សម រង្ស៊ី បានលើកឡើងផ្ទុយទៅវិញថា តាមពិតទៅ លោក ហ៊ុន សែន កំពុង«សប្បាយចិត្ត» ក្នុងការដាក់កម្ពុជា ឲ្យក្លាយជា«អាណានិគម​របស់​ចិន»។ លោកចោទសួរថា «ហេតុអ្វី?» មុននឹងឆ្លើយដោយខ្លួនលោក នូវមូលហេតុចំនួនពីរ ដូចការដកស្រង់ទាំងស្រុង ខាងក្រោមនេះ៖

«១- ហ៊ុន សែន ខ្ចីលុយពីចិនច្រើនពេក (រាប់ពាន់លានដុល្លារ) យកមកប្រព្រឹត្តអំពើពុករលួយ ហើយគាត់គ្មានអ្វី សងទៅចិនវិញ ក្រៅពីប្រគល់ទឹកដីកម្ពុជា ឲ្យទៅម្ចាស់បំណុល។»

«២- ហ៊ុន សែន ដឹងខ្លួនថា ប្រជារាស្ត្រខ្មែរ មានទាំងកងកម្លាំងប្រដាប់អាវុធផងដែរ ត្រៀមងើបឈរ ប្រឆាំងរបបផ្តាច់ការសព្វថ្ងៃ ហើយ ហ៊ុន សែន ត្រូវការឲ្យមានវត្តមានកម្លាំងចិនកាន់តែច្រើន ដើម្បីការពារអំណាចគាត់ ដោយត្រៀមបង្ក្រាបកម្លាំងខ្មែរស្នេហាជាតិ ដែលទាមទារលទ្ធិប្រជាធិបតេយ្យ សេរីភាព និងយុត្តិធម៌ ដោយផ្តួលរំលំរបប ហ៊ុន សែន សព្វថ្ងៃ។»

គូបដិបក្ខនយោបាយ របស់លោក ហ៊ុន សែន បានបន្តធ្វើសេចក្ដីសន្និដ្ឋានថា បុរសខ្លាំងកម្ពុជា បាន«ជ្រុលក្បាលក្រពើទៅហើយ» និង«មិនអាចដកខ្លួន ចេញពីកណ្តាប់ដៃចិនបានទេ» ហើយចិន «ក៏ជ្រុលក្បាលក្រពើ» ដូចគ្នាដែរ។ លោក សម រង្ស៊ី បន្តថា ចិននឹងមិនព្រមដកខ្លួន ចេញពីកម្ពុជាបានទេ ដរាបណាលោក ហ៊ុន សែន នៅតែកាន់អំណាច។

មេដឹកនាំប្រឆាំង បានសរសេរថា៖

«អ្វីដែលចិនចង់បានជាងគេ ពីកម្ពុជា គឺមូលដ្ឋានយោធា (សម្រាប់កងទ័ពជើងទឹក និងជើងអាកាសរបស់ចិន) នៅខេត្តព្រះសីហនុ និងខេត្តកោះកុង ដើម្បីគំរាមកំហែង ឬឈ្លានពានប្រទេសជិតខាង តទៅទៀត។»

«ដើម្បីឲ្យចិន ដកមូលដ្ឋានយោធារបស់ខ្លួន ចេញពីប្រទេសកម្ពុជា ឬក៏បញ្ឈប់ការសាងសង់មូលដ្ឋានទាំងនោះ ហើយដើម្បីឲ្យកម្ពុជា ប្រកាន់ខ្ជាប់ នូវអព្យាក្រិតភាពរបស់ខ្លួន តាមកិច្ចព្រមព្រៀង ទីក្រុងប៉ារីស ឆ្នាំ ១៩៩១ ប្រជារាស្ត្រខ្មែរនិងសហគមន៍អន្តរជាតិ ត្រូវតែដក ហ៊ុន សែន ចេញពីតំណែង ជាបន្ទាន់៕»



លំអិតបន្ថែមទៀត

កម្ពុជា

«ហ៊ុន សែន បានទាក់ទង សម រង្ស៊ី នៅមុន​ការវិលចូល​ស្រុក​ឆ្នាំ២០១៣»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានបង្ហើបឲ្យដឹងថា ក្នុងខែកក្កដា ឆ្នាំ២០១៣ ពោលគឺក្រោយពេលលោក ប្រកាសវិលចូលស្រុកវិញ នៅថ្ងៃទី៨ ខែកក្កដា ឆ្នាំ២០១៣ លោក ...
លោក ហ៊ុន សែន (រូបអង្គុយ) កំពុងជល់កែវជាមួយកូន និងកូនប្រសារ ទាំងប្រុស-ស្រីរបស់លោក នៅក្នុងគេហដ្ឋានរបស់លោក។ (រូបថតហ្វេសប៊ុក)
វិភាគ អត្ថាធិប្បាយ

សារព័ត៌មាន​បារាំង​៖ ត្រកូល​ហ៊ុន​មាន​ទ្រព្យ​មិន​តិច​ជាង ១ពាន់លាន​ដុល្លារ​

សារព័ត៌មានមួយរបស់ប្រទេសបារាំង បានលើកឡើងពីទំហំទ្រព្យសម្បត្តិ របស់ត្រកូល «ហ៊ុន» នៃនាយករដ្ឋមន្ត្រីកម្ពុជា ថាមានប្រមាណ​មិនតិចជាង ១ពាន់លាន​ដុល្លារ​ នោះ​ឡើយ។ ហើយនេះ គេនៅមិនទាន់រាប់ក្រុមគ្រួសារផៅសន្ដាន នៃអ្នកមាន​អំណាច​ផ្សេង​ទៀត ដែលត្រកូល ហ៊ុន ...
កំសាន្ដ

បញ្ចាំង​វីដេអូ​​ផិតក្បត់​របស់​ភរិយា ក្នុង​ថ្ងៃ​​អាពាហ៍ពិពាហ៍ នៅចំពោះ​មុខភ្ញៀវ

រង់ចាំដល់ថ្ងៃមង្គលការ ដើម្បីសងសឹក នៅចំពោះ​មុខភ្ញៀវ ដែលមកចូលរួមឬ? ជារឿងរ៉ាវ ដែលបានកើតឡើង កាលពីចុងខែធ្នូ ឆ្នាំ២០១៩ ក្នុងខេត្ត «Fujian» ភាគអាគ្នេយ៍​នៃ​ប្រទេសចិន។ ខណៈពិធី​មង្គល់​ការ បានប្រព្រឹត្តិទៅ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...