កម្ពុជាដំណឹង

សម រង្ស៊ី ថា​«ស្ដេចកោះកុង»​លក់​គ្រឿង​ញៀន រួចផ្ទេរ​លុយ​កខ្វក់​ទៅ​អូស្ត្រាលី

មេដឹកនាំប្រឆាំង បានចង្អុលដោយចំឈ្មោះ ថាលោក លី យ៉ុងផាត់ មនុស្សជំនិត​របស់​លោក​នាយករដ្ឋមន្ត្រី ហ៊ុន សែន ដែលមានរហស្សនាម «ស្ដេចកោះកុង» គឺជាឈ្មួញ​ជួញដូរ​គ្រឿងញៀន​ដ៏ធំម្នាក់ ដែលបានផ្ទេរលុយកខ្វក់ ដែលបានមកពីការជួញដូរនេះ ទៅកាន់​ប្រទេស​អូស្ត្រាលី ក្រោមការជួយលាងសម្អាត ពីសំណាក់លោក គាត ឈុន អតីត​រដ្ឋមន្ត្រី​ហិរញ្ញវត្ថុ​កម្ពុជា។

ក្រុមហ៊ុន-សហគ្រាស របស់លោក លី យ៉ុងផាត់ ដែលគេស្គាល់កន្លងមក បានរកស៊ីទៅលើ​វិស័យ ថ្នាំជក់ អគ្គិសនី កាស៊ីណូ សណ្ឋាគារ ស្កអំពៅ និងប្រព័ន្ធផ្សព្វផ្សាយ។ តែលោក សម រង្ស៊ី ទើបនឹងបង្ហើបឲ្យដឹង ពីមុខរបរមួយទៀត ដែលទំនងជាត្រូវបានលោក លី យ៉ុងផាត់ ប្រកបរកទទួលទាន តែលោក លី យ៉ុងផាត់ ខ្លួនលោក រួមនឹងក្រុមរបស់លោក មិនចង់​ឲ្យនរណា​ដឹងឡើយ។

ប្រធានស្ដីទី​គណបក្សសង្គ្រោះជាតិ ធ្លាប់បានបង្ហើបម្ដងហើយ នៅក្នុងកិច្ចសម្ភាសមួយ ជាមួយវិទ្យុអាស៊ីសេរី កាលពីប៉ុន្មានថ្ងៃមុន តែនៅពេលនោះ លោកមិនបានបញ្ចេញឈ្មោះ ឲ្យដឹងជាចំហរទេ។ លុះនៅក្នុងកម្មវិធី សម្លេងសង្គ្រោះជាតិ ស្ដីពី«ផលប៉ះពាល់ នៃការលាង​លុយកខ្វក់» ដែលបានផ្សាយ នៅលើទំព័រហ្វេសប៊ុក​របស់លោក កាលពី​ល្ងាចថ្ងៃសៅរ៍ ទី២៣ ខែឧសភាម្សិលម៉ិញ ទើបមេដឹកនាំប្រឆាំងរូបនេះ បានបញ្ចេញឈ្មោះ «ស្ដេចកោះកុង» មកជា​សាធារណៈ។

លោក សម រង្ស៊ី ថ្លែងថា៖

«ខ្ញុំសូមជូនឧទាហរណ៍ (…) លោក លី យ៉ុងផាត់ ឧកញ៉ា លី យ៉ុងផាត់ នៅខេត្តកោះកុង គេហៅ​”ស្ដេចកោះកុង”ផង គាត់ជួញដូរគ្រឿងញៀន។ នៅប្រទេសថៃ គេស្គាល់គាត់ច្បាស់ ហើយនៅស្រុកខ្មែរ គឺសកម្មភាពធំរបស់គាត់ ជួញដូរគ្រឿងញៀន។ គាត់មានដីមានអី ដាំអំពៅ ឈ្មោះគាត់ពាក់ព័ន្ធរឿងច្រើនណាស់ តែរឿងធំ គឺជួញដូរគ្រឿងញៀន។»

បន្ទាប់មក មេដឹកនាំប្រឆាំង ដែលកំពុងរស់នៅនិរទេសខ្លួន ក្នុងប្រទេសបារាំង បាន​ចាប់​ផ្ដើម​លើកឡើង ទាក់ទងនឹងការលាងលុយកខ្វក់ ដែលលោកអះអាងថា មាន​ការជួយ​ទំនុបបម្រុង ពីរដ្ឋាភិបាលលោក ហ៊ុន សែន តាមរយៈលោក គាត ឈុត អតីត​រដ្ឋមន្ត្រីហិរញ្ញវត្ថុ។ លោកថា៖

«ហើយលុយគាត់ពីស្រុកខ្មែរ ដែលបើខ្ញុំចាំ កាលពី១០ឆ្នាំ ១៥ឆ្នាំមុនហ្នឹង គាត់ចង់ផ្ទេរ​ទៅ​អូស្ត្រាលី (…) គាត់ចង់ទៅវិនិយោគ ទិញផ្ទះ ទិញអចលនទ្រព្យអីរបស់គាត់ នៅប្រទេស​អូស្ត្រាលី។ ប៉ុន្តែរដ្ឋាភិបាលអូស្ត្រាលី គេសង្ស័យ យីផ្ទេរលុយអីច្រើនម្លេះ? កាលនោះ ដូចជា​៤០លានដុល្លារ។»

«[រដ្ឋាភិបាលអូស្ត្រាលី]​គេសួរ លី យ៉ុងផាត់។ លី យ៉ុងផាត់ ឆ្លើយអត់រួច ព្រោះលុយគាត់ លុយ​ជួញដូរគ្រឿងញៀន ទៅសារភាពថា លុយជួញដូរគ្រឿងញៀន គឺគេរឹបអូសភ្លាម ហើយ​ចាប់​ដាក់គុក​ទៀត។»

លោក សម រង្ស៊ី អះអាងទៀតថា៖

«អញ្ចឹងគាត់ពឹងលោក គាត ឈុន។ គាត ឈុន ធ្វើរដ្ឋមន្ត្រីក្រសួងហិរញ្ញវត្ថុ បន្តពីខ្ញុំហ្នឹង។ លោក គាត ឈុន គាត់ធ្វើលិខិតបញ្ជាក់ ថាលុយហ្នឹងត្រឹមត្រូវស្អាតស្អំទេ កុំសួរនាំអី​ច្រើន​ពេក។ អញ្ចឹងគេថា អូ! រដ្ឋាភិបាលកម្ពុជា បានបញ្ជាក់អញ្ចឹងហើយ ក៏គេបិទភ្នែកបណ្ដោយ​ទៅ។»

មិនអាចទាក់ទងលោក លី យ៉ុងផាត់ ឬមន្ត្រីរដ្ឋាភិបាលផ្សេងទៀត ដើម្បីធ្វើប្រតិកម្ម ឬធ្វើ​អត្ថាធិប្បាយ ចំពោះការលើកឡើងរបស់លោក សម រង្ស៊ី ក្នុងពេលភ្លាមៗនេះបានទេ។

ក្រៅពីមានក្រុមហ៊ុនរកទទួលទាន ជាច្រើននៅកម្ពុជា លោក លី យ៉ុងផាត់ ក៏មានឋានៈ ជា​សមាជិកព្រឹទ្ធសភា សមាជិកគណៈកម្មការកណ្ដាល នៃគណបក្សប្រជាជនកម្ពុជា និង​ជា​ទីប្រឹក្សា​របស់​លោកនាយករដ្ឋមន្ត្រី ហ៊ុន សែន នោះផងដែរ។

កាលពីថ្ងៃទី៧ ខែឧសភា គណៈកម្មការអ៊ឺរ៉ុប (ឬហៅម្យ៉ាងទៀត ថាជារដ្ឋាភិបាល​សហភាព​អ៊ឺរ៉ុប) បានធ្វើបច្ចុប្បន្នភាព «បញ្ជីខ្មៅ» របស់ខ្លួន ទាក់ទងនឹង​ការលាងលុយ​កខ្វក់ និង​ហិរញ្ញប្បទាន សម្រាប់បណ្ដាញភេរវកម្ម ពីចំនួន១៦ប្រទេស ក្នុងបញ្ជីខ្មៅចាស់ ឲ្យឡើងដល់​២២ប្រទេស។ កម្ពុជា និងប្រទេសភូមា បានជាប់ឈ្មោះ នៅក្នុងបញ្ជីខ្មៅថ្មី  ខណៈប្រទេស​ឡាវ ត្រូវបាន​ដកចេញ ពីបញ្ជីចាស់ ជាស្ថាពរ៕



You may also like

កម្ពុជា

អ្នកវិនិយោគចិន រងការព្រមានដោយចំហរនិងធ្ងន់ៗពី សម រង្ស៊ី

មេដឹកនាំប្រឆាំង លោក សម រង្ស៊ី បានចេញសារខ្លាំងៗមួយ នៅព្រឹកថ្ងៃចន្ទទី១១ ខែកុម្ភៈ ឆ្នាំ២០១៩នេះ ព្រមានក្រុម«អ្នកវិនិយោគចិន និងជនជាតិចិន» ថាព្រឹត្តិការណ៍នយោបាយថ្មី អាចនឹងផ្ទុះឡើងប្រឆាំងពួកគេ ពីសំណាក់ប្រជាជនកម្ពុជា ...
កម្ពុជា

ការវិលត្រឡប់​នៃ សម រង្ស៊ី មក​ដឹកនាំ​បក្ស​​ «ធ្វើ​ឲ្យ​យុទ្ធសាស្ត្រ ហ៊ុន សែន បរាជ័យ»

«យុទ្ធសាស្ត្រ របស់លោក ហ៊ុន សែន បរាជ័យទាំងស្រុង ក្នុងការប៉ុនប៉ងកម្ទេចគណបក្សសង្គ្រោះជាតិ ពីខាងក្នុង» ដោយសារការវិលត្រឡប់ របស់លោក សម រង្ស៊ី មកដឹកនាំគណបក្សសង្គ្រោះជាតិវិញ ក្នុងឋានៈជាប្រធានស្តីទី។ ...
កម្ពុជា

មូលនិធិ​«Covid-19»​របស់ ហ៊ុន សែន ទទួលបាន​ប្រាក់​ជិត១៤លាន​ដុល្លារ

មូលនិធិរបស់គណៈកម្មការធិការជាតិ ប្រយុទ្ធនឹងជំងឺ «Covid-19» ដឹកនាំដោយលោកនាយករដ្ឋមន្ត្រី ហ៊ុន សែន ទទួលបានប្រាក់ប្រមាណជា ជិត១៤លានដុល្លារហើយ រាប់មកដល់ថ្ងៃនេះ។ ចំនួនទឹកប្រាក់ដែលទទួលបាន ពីសប្បុរសជន និងការបរិច្ចាគបៀវត្ស របស់មន្ត្រីគ្រាក់ៗ ...

Comments are closed.

កម្ពុជា

សម រង្ស៊ី ថាមិនខ្វល់​ពីសំដី«កូនក្នុងខោ-កូនក្រៅខោ»​របស់ កឹម សុខា

កម្ពុជា

បន្ទាប់ពី​ទទួលវ៉ាក់សាំងចិន ហ៊ុន សែន សុំជំនួយ​វ៉ាក់សាំង​ ពីប្រទេសឥណ្ឌា

មេដឹកនាំកម្ពុជា លោក ហ៊ុន សែន បាន​ស្នើ​សុំជំនួយ​វ៉ាក់សាំង​បង្ការជំងឺកូវីដ១៩ (Covid-19) ពីប្រទេសឥណ្ឌា បន្ទាប់ពីប្រទេសនេះ បានប្រកាសដាក់​ឲ្យប្រើប្រាស់យ៉ាងបន្ទាន់ នូវថ្នាំវ៉ាក់សាំងរបស់ខ្លួន ឈ្មោះ«Covaxin» និង«Covishield» សម្រាប់ពលរដ្ឋឥណ្ឌា ...
កម្ពុជា

Covid-19៖ កម្ពុជាប្រកាស​រកឃើញ​ករណីឆ្លង កើនឡើង​ដល់៤៣៩នាក់

មកទល់នឹងព្រឹកថ្ងៃអាទិត្យ​ទី១៧ ខែមករា ឆ្នាំ២០២១នេះ កម្ពុជាប្រកាសបានរកឃើញ ករណីឆ្លងជំងឺកូវីដ (Covid-19) កើនឡើង​ដល់៤៣៩នាក់ បន្ទាប់ពីបានរកឃើញករណីឆ្លង លើពលករខ្មែរ​៣នាក់បន្ថែមទៀត ដែលទើបធ្វើដំណើរ​មកពីប្រទេសថៃ។ នេះ បើតាមសេចក្ដីប្រកាសព័ត៌មាន របស់ក្រសួងសុខាភិបាលកម្ពុជា ...