កម្ពុជាដំណឹង

សម រង្ស៊ី និងមន្ត្រី CNRP បង្កើត​គណៈកម្មការ​ធ្វើ​មាតុភូមិនិវត្តន៍​ក្នុងឆ្នាំនេះ

គណៈកម្មការពិសេសមួយ ដែលមានអនុគណៈកម្មការចំនួន៦ ត្រូវបានគណបក្សសង្គ្រោះជាតិ (CNRP) នៅក្រៅប្រទេសបង្កើតឡើង នៅចុងសប្ដាហ៍កន្លងមកនេះ ដើម្បីរៀបចំដំណើរធ្វើមាតុភូមិនិវត្តន៍ របស់លោក សម រង្ស៊ី និងមន្ត្រី CNRP ដទៃទៀត ក្នុងឆ្នាំ២០១៩នេះ។

អនុប្រធានគណបក្សប្រឆាំង អ្នកស្រី មូ សុខហួរ បានថ្លែងឲ្យដឹង នៅក្នុងអង្គប្រជុំនៃក្រុមមន្ត្រីគណបក្ស ជាមួយនឹងក្រុមអ្នកគាំទ្រ ក្នុងក្រុងឡូវែល សហរដ្ឋអាមេរិក កាលពីថ្ងៃអាទិត្យម្សិលម៉ិញថា គណៈកម្មការពិសេសនោះ នឹងមានសមាសភាពចូលរួម ដោយមន្ត្រីគណបក្សមកពីជុំវិញពិភពលោក។ អ្នកស្រីថា៖

«ក្នុងគណៈកម្មការរៀបចំមាតុភូមិនិវត្តន៍ នៃលោកប្រធានស្ដីទី សម រង្ស៊ី មានខ្ញុំជាអនុប្រធាន មានលោក អេង ឆៃអ៊ាង លោក អ៊ូ ច័ន្ទឫទ្ធិ ព្រមទាំងលោក អ៊ូ ឬទ្ធី ជាអនុប្រធាន។ យើងមានអនុគណៈកម្មការ៦​ រៀបចំឲ្យបានលំអិតបំផុត កំណត់ថ្ងៃខែពិតប្រាកដ។ យើងខ្ញុំចាប់ផ្ដើមធ្វើការងារ ចាប់ពីពេលនេះទៅហើយ ចាប់ពីយប់ម៉ិញមក។»

អ្នកស្រី មូ សុខហួរ បានបន្តថា កិច្ចការជាយុទ្ធសាស្ត្រ ដែលគណៈកម្មការពិសេសខាងលើនេះ បានធ្វើមុនគេ គឺចេញសេចក្ដីថ្លែងការណ៍ ឲ្យមានការបង្រួបបង្រួមជាតិ។ ខ្លឹមសារនៃសេចក្ដីថ្លែងការណ៍នោះ ដែលទស្សនាវដ្ដីមនោរម្យ.អាំងហ្វូ ទទួលបានមួយច្បាប់ដែរ បានរៀបរាប់ថា៖

«បច្ចុប្បន្ន ប្រទេសកម្ពុជា បានក្លាយទៅជាកម្មសិទ្ធិឯកជន របស់បុគ្គលម្នាក់ និងក្រុមគ្រួសារមួយ ហើយបុគ្គលនិងក្រុមគ្រួសារនោះ បាននិងកំពុងពុះច្រៀកប្រទេសកម្ពុជា យកទៅលក់ជាដុំៗ ឲ្យទៅបរទេស។ ដូច្នេះ យើងត្រូវតែការពារ ទ្រព្យសម្បត្តិ ផលប្រយោជន៍ ភាពថ្លៃថ្នូ និងភាពម្ចាស់ការ របស់ប្រជារាស្ត្រ។»

«យើងទាំងអស់គ្នា ត្រូវតែរួមគ្នា ដើម្បីដណ្ដើមយកប្រទេសកម្ពុជា មកប្រគល់សងប្រជារាស្ត្រខ្មែរវិញ។ ដើម្បីសម្រេចគោលបំណងនេះ ជនជាតិខ្មែរគ្រប់មជ្ឈដ្ឋាន គ្រប់និន្នាការ និងគ្រប់គណបក្សនយោបាយ ត្រូវតែរួមកម្លាំងគ្នា ដើម្បីរំដោះប្រទេសជាតិយើង ពីក្រញ៉ាំបុគ្គល និងក្រុមគ្រួសារនោះ ដែលកំពុងតែប្លន់ និងបំផ្លាញជាតិ ហើយនាំមកនូវគ្រោះថ្នាក់ដ៏ធ្ងន់ធ្ងរ ដល់ប្រទេសកម្ពុជា។»

សកម្មភាពរបស់មន្ត្រីគណបក្សប្រឆាំង ធ្វើឡើងស្របពេលនឹងដីកា របស់សាលាដំបូងរាជធានីភ្នំពេញ ដែលចេញផ្សាយ កាលពីថ្ងៃអាទិត្យដដែល ប្រកាសឲ្យអាជ្ញាធរចាប់ខ្លួនលោក សម រង្ស៊ី និងមន្ត្រី CNRP ៧រូបទៀត ដែលរួមមាន៖ លោក អេង ឆៃអ៊ាង , លោក ហូរ វ៉ាន់ , លោក អ៊ូ ច័ន្ទឫទ្ធិ , លោក ម៉ែន សុថាវរិន្រ្ទ , លោក ឡុង រី , លោក តុប វ៉ាន់ចាន់ និងអ្នកស្រី មូរ សុខហួរ។

ប៉ុន្តែនៅចំពោះដីការបស់តុលាការ នៃរបបដឹកនាំក្រុងភ្នំពេញ ក្រុមមន្ត្រីគណបក្សប្រឆាំងទាំងអស់ បានបង្ហាញជំហរមិនចាប់អារម្មណ៍អ្វីឡើយ។ អ្នកស្រី មូ សុខហួរ បានបន្តអំពាវនាវថា៖

«យើងរួមកម្លាំងគ្នា ដើម្បីវិលត្រឡប់ទៅប្រទេសជាតិយើង ក្នុងពេលឆាប់ៗនេះ។ ការវិលត្រឡប់នៃលោកប្រធាន សម រង្ស៊ី ជាការពិតៗ មិនមែនជាការលេងសើចទេ ហើយខ្ញុំហ្នឹងឯង ជាប្រធាននៃគណៈកម្មការរៀបចំការវិលត្រឡប់ទៅវិញ នៃលោកប្រធានស្ដីទី សម រង្ស៊ី ដើម្បីទៅដោះលែងលោកប្រធាន កឹម សុខា ដើម្បីទៅដោះស្រាយបញ្ហាជូនប្រទេសជាតិយើង។»

«ការដែលគេចេញដីកា ឲ្យមានការចាប់ខ្លួនយើងខ្ញុំ ជាទង្វើដ៏យង់ឃ្នងណាស់។ តើពួកយើងខ្ញុំហ្នឹងឯងឬ ជាអ្នកក្បត់ជាតិ? ខ្ញុំជឿជាក់ថា ប្រជាពលរដ្ឋ ទោះបីមន្ត្រីនៅក្នុងតុលាការក៏ដឹងដែរថា យើងមិនមែនជាអ្នកក្បត់ជាតិទេ។ ផ្ទុយទៅវិញ យើងរកដំណោះស្រាយ ជូនប្រទេសជាតិយើង ជូនប្រជាពលរដ្ឋយើង៕»



លំអិតបន្ថែមទៀត

កម្ពុជា

ហ៊ុន សែន ថា​«គ្មាន​នរណា​ផ្សេង»​ចេះគ្រប់គ្រង​ប្រទេស​ដូចលោក

នាយករដ្ឋមន្ត្រីបីទសវត្សន៍ជាង របស់កម្ពុជា បានបង្ហាញជំនឿថា គ្មាន​នរណា​ផ្សេង ចេះគ្រប់គ្រង​ដឹកនាំប្រទេសកម្ពុជា ដូចរូបលោកឡើយ និងបានថ្លែងចំអក ឲ្យទៅមេដឹកនាំប្រឆាំងថា គ្រាន់តែចេះស្រែក ចង់ចាប់អ្នកនេះ ឬអ្នកនោះប៉ុណ្ណោះ។ ជាការអះអាងដោយខ្លួនលោក នៅប៉ុន្មានថ្ងៃក្រោយលោកឧបនាយករដ្ឋមន្ត្រី ...
កម្ពុជា

អត្ថបទ​ច្បាប់​«HR 526»​​ដាក់​​​ទណ្ឌកម្ម​​មន្ត្រី​​កម្ពុជា ឡើង​ដល់​ព្រឹទ្ធសភា​អាមេរិក

សេចក្ដីព្រាងច្បាប់ «HR 526» ដែលត្រូវបានសភាតំណាងរាស្ត្រ នៃសហរដ្ឋអាមេរិកអនុម័តដោយគ្មានសំឡេងជំទាស់ កាលពីរសៀលថ្ងៃទី១៥ ខែកក្កដា (ត្រូវនឹងព្រឹក ថ្ងៃអង្គារ ថ្ងៃទី១៦ ខែកក្កដា ម៉ោងនៅកម្ពុជា) នោះ ...
លោក រ៉ុង ឈុន (ខាងឆ្វេងបំផុត) លោក សម រង្ស៊ី និងលោក កឹម សុខា នៅក្នុងតុលាការរាជធានីភ្នំពេញ កាលពីថ្ងៃទី១៤ ខែមករា ឆ្នាំ២០១៤។ (រូបថតហ្វេសប៊ុកលោក សម រង្ស៊ី)
កម្ពុជា

សម រង្ស៊ី ថ្លែងឲ្យប្រើការចាប់ខ្លួន រ៉ុង ឈុន ដើម្បី​ងើបឈរ​ឡើង ផ្លាស់ប្ដូរ​របប

មេដឹកនាំប្រឆាំង លោក សម រង្ស៊ី បានធ្វើសេចក្ដីថ្លែងការណ៍​ផ្ទាល់មាត់មួយ ពីប្រទេស​បារាំង អំពាវនាវ​ឲ្យ​ពលរដ្ឋ​រួបរួមគ្នា ក្នុងការប្រើឱកាស នៃការចាប់ខ្លួនលោក រ៉ុង ឈុន ដើម្បី​ងើបឈរឡើង ឈាន​ទៅផ្លាស់ប្ដូររបបដឹកនាំ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...