កម្ពុជាដំណឹង

សម រង្ស៊ី ចោទ​កាសែត​ភ្នំពេញប៉ុស្ដិ៍ ថា«លំអៀងខ្លាំង»

មេដឹកនាំប្រឆាំង បានចោទសារព័ត៌មានក្នុងស្រុកដ៏ធំមួយ ដែលចេញផ្សាយជាភាសា​អង់គ្លេស និងខេមរភាសា ថាមានលក្ខណៈ«លំអៀងខ្លាំង»។ លោក សម រង្ស៊ី បានហៅកាសែត «ភ្នំពេញប៉ុស្ដិ៍ – Phnom Penh Post» ដូច្នេះ និងបានព្រមានថា លោកនឹងមិនផ្ដល់ ការឆ្លើយតបអ្វីឡើយ។

លោក សម រង្ស៊ី គូបដិបក្ខនយោបាយ ដ៏ស្រួចស្រាវរបស់នាយករដ្ឋមន្ត្រីកម្ពុជា បានលើកឡើងតាមបណ្ដាញសង្គមទ្វីសធើរថា៖

«សារព័ត៌មាន ភ្នំពេញប៉ុស្ដិ៍ ក្នុងពេលបច្ចុប្បន្ននេះ សរសេរមានភាព”លំអៀងខ្លាំង”។ ដូច្នេះវាមិនស័ក្ដិសម នឹងទទួលបានការឆ្លើយតបវិញទេ។ សូមអានសារព័ត៌មានអន្តរជាតិ ដើម្បីទទួលបានព័ត៌មាន ចំទិសដៅច្រើនទៀត ជុំវិញប្រទេសកម្ពុជា។»

ការលើកឡើងរបស់លោក សម រង្ស៊ី ទទួលបានប្រតិកម្មវិញ ពីសារព័ត៌មានភ្នំពេញប៉ុស្ដិ៍ ដែលត្រូវបានទិញយក ក្នុងខែមេសា ឆ្នាំ២០១៨ ដោយលោក «Sivakumar S.​ Ganapathy» អតីតអ្នកសារព័ត៌មាន​ជាតិម៉ាឡេស៊ីម្នាក់ ដែលធ្លាប់ធ្វើការឲ្យលោកនាយករដ្ឋមន្ត្រី ហ៊ុន សែន។ ស្ថាប័នភ្នំពេញប៉ុស្ដិ៍ បានឆ្លើយតប តាមរយៈទំព័រទ្វីសធើររបស់ខ្លួន ទៅមេដឹកនាំប្រឆាំងថា៖

«សូមអរគុណ ដែលបានអានសារព័ត៌មានភ្នំពេញប៉ុស្ដិ៍។ សូមមេត្តាជួយបញ្ជាក់ ដោយបំណងល្អ និងប្រកបដោយគោលដៅជាក់លាក់ អំពីអ្វីដែលជាការអះអាងខាងលើរបស់លោក។ យើងតែងតែផ្ដល់ឱកាស ទៅគ្រប់ភាគី ជាមួយនឹងវិជ្ជាជីវៈដ៏ខ្ពស់បំផុត ហើយសង្ឃឹមថា នឹងទទួលបានសុភវិនិច្ឆ័យ ត្រឡប់មកវិញដែរ។»

លោក សុខ សុគន ដែលគេស្គាល់តាមបណ្ដាញសង្គម ហ្វេសប៊ុក ថាជាវាគ្មិនដែលតាមវាយប្រហារលោក សម រង្ស៊ី មិនសំចៃមាត់ បានលូកមាត់ចូល និងសំដែងការវិនិច្ឆ័យថា៖

«នៅពេលសារព័ត៌មាន ភ្នំពេញប៉ុស្ដិ៍ ឈប់លិតគូថលោក លោកចាត់ទុកគ្នាថា លំអៀង។ គួរឲ្យអស់សំណើចណាស់! នេះហើយជា សម រង្ស៊ី ពិត។»

សម្រាប់លោក សម រង្ស៊ី ទំនងជាគាំទ្រនូវការលើកឡើងថា ការផ្សាយរបស់សារព័ត៌មានមួយនេះ ក្នុងពេលបច្ចុប្បន្ន មានលក្ខណៈជា «Fake News»។ មេដឹកនាំប្រឆាំង បានយកឃ្លានេះ «Ppp = Fake News» មកបង្ហោះជាបន្ត នៅលើទំព័រទ្វីសធើររបស់លោក។ គឺឃ្លាដែលមានន័យថា «Phnom Penh Post = Fake News (ផ្សាយព័ត៌មានក្លែងក្លាយ)»។

គួររំលឹកថា លោក «Sivakumar S.​ Ganapathy» បានទិញសារព័ត៌មាន ភ្នំពេញប៉ុស្ដិ៍ ពីក្រុមហ៊ុន «Post Media Co., Ltd» ក្នុងចុងខែមេសា ឆ្នាំ២០១៨ បន្ទាប់ពីសារព័ត៌មានចំណាស់ជាង២៦ឆ្នាំមួយនេះ រងការត្រួតពិនិត្យផ្ទួនៗ ពីសំណាក់រដ្ឋាភិបាលកម្ពុជា ទាក់ទងនឹងការបង់ពន្ធ។ បន្ទាប់ពីចូលមកកាន់តំណែង ជាអភិបាលសារព័ត៌មាននេះ នៅដើមខែឧសភា អត្ថបទដ៏រសើបមួយចំនួន ត្រូវបានដកចេញពីការផ្សាយ ហើយ​និពន្ធនាយករបស់សារព័ត៌មាននេះ ​ដែលបាន​កាន់តួនាទី​ជា​យូរមកហើយ ត្រូវបាន​បណ្ដេញ​ចេញ​ពីការងារ​ ដែលបណ្ដាលឲ្យបុគ្គលិកជាច្រើននាក់ទៀត ក៏បានសម្រេចចិត្តលាឈប់ពីការងារដែរ។

តាំងពីពេលនោះមក គេក៏លែង​បានឃើញ​សារព័ត៌មានមួយនេះ ចុះផ្សាយក្នុងផ្នែក «Letter to the editor» របស់ខ្លួន នូវលិខិត​សរសេរដោយលោក សម រង្ស៊ី ដែលខុសប្លែក​ពីពេលកន្លងមក ដែលឧស្សាហ៍ឃើញ​លិខិតរបៀបនេះ តែងមានវត្តមាននៅលើទំព័រកាសែត។

យ៉ាងណា លោក សម រង្ស៊ី អះអាងថា លោកមិន​បានចោទ​​ទៅលើបណ្ដា​អ្នកសារព័ត៌មាន ដែលធ្វើការ​នៅក្នុងស្ថាប័ន​មួយនេះទេ។ តបទៅនឹងប្រិយមិត្តម្នាក់ ដែលលើក​ឡើងថា មេដឹកនាំប្រឆាំង​គប្បីមានសមានចិត្ត​យ៉ាងហោចណាស់ ចំពោះបុគ្គលិកចាស់ៗជាច្រើន ដែលកំពុង​បន្តការងារ ជាមួយម្ចាស់ស្ថាប័នភ្នំពេញប៉ុស្ដិ៍ថ្មីនោះ លោក សម រង្ស៊ី បានបញ្ជាក់ថា៖

«ខ្សែបន្ទាត់នៃការផ្សាយ ដែលលំអៀងខ្លាំង = Fake News។ ខ្ញុំនៅតែសំដែងការគោរពដ៏ខ្ពង់ខ្ពស់បំផុត ទៅដល់បុគ្គលិកជាច្រើន ដែលធ្វើការនៅទីនោះ។»៕



លំអិតបន្ថែមទៀត

លោក សម រង្ស៊ី (ខាងឆ្វេង) និងលោក រ៉ុង ឈុន ថតរូបជាមួយគ្នា ក្នុងក្រុង សាន់ហ្វ្រាន់ស៊ីស្កូ សហរដ្ឋអាមេរិក កាលពីដើមខែកុម្ភៈ ឆ្នាំ២០១៩។ (រូបថតហ្វេសប៊ុក Sam Rainsy)
កម្ពុជា

សម រង្ស៊ី ហៅ​ការចាប់ខ្លួន រ៉ុង ឈុន ជា​«ការបំពាន»​និងតាម​«ទំនើងចិត្ត»

មេដឹកនាំប្រឆាំង ដែលកំពុងរស់នៅនិរទេសខ្លួន ក្នុងប្រទេសបារាំង បានប្រតិកម្មខ្លី និង​ភ្លាមៗ តបនឹង​ការចាប់ខ្លួន​លោក រ៉ុង ឈុន ដោយអាជ្ញាធរ​របបក្រុងភ្នំពេញ ដោយហៅ​ការចាប់ខ្លួន​​នោះ ថាជា​«ការបំពាន» ដែលធ្វើឡើង​តាម«ទំនើងចិត្ត»។ លោក​សាស្ត្រាចារ្យ ...
កម្ពុជា

សម រង្ស៊ី និទានពី​រឿង​នាឡិកា​ជ័រ​របស់លោក​ដែលថ្លៃ​«តែ១៨ដុល្លារ»

នាឡិកាជ័រពណ៌ខ្មៅ នៅនឹងកដៃរបស់លោក សម រង្ស៊ី ត្រូវបានលោកអះអាងថា មានតម្លៃ តែ១៨ដុល្លារ ប៉ុណ្ណោះ។ បើទោះជាលោក រង្ស៊ី មិនព្រលយចេញក៏ដោយ តែអ្នកគាំទ្ររបស់លោកច្រើននាក់ បានធ្វើការប្រៀបធៀប ...
កម្ពុជា

សម រង្ស៊ី បន្តអំពាវនាវ​ឲ្យអ្នកគាំទ្រ និងពលរដ្ឋ ពង្រឹងជំហរ

លោក សម រង្ស៊ី មេដឹកនាំប្រឆាំង បានបន្តធ្វើសេចក្ដីអំពាវនាវ ឲ្យអ្នកគាំទ្រនិងពលរដ្ឋ ពង្រឹងជំហរ  និងស្មារតីតស៊ូ ទល់នឹងរបបដឹកនាំរបស់លោកនាយករដ្ឋមន្ត្រី ហ៊ុន សែន សព្វថ្ងៃ ដែលលោកហៅថា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...
កម្ពុជា

ហ៊ុន សែន ឲ្យប្រគល់​«សត្វតោ»​ទៅម្ចាស់វិញ ខណៈ​មន្ត្រីថា​អនុវត្តច្បាប់

ប្រសិនជាមន្ត្រីក្រសួងកសិកម្ម និងបរិស្ថាន ខិតខំពន្យល់ថា ទង្វើរឹបអូស«សត្វតោ» ជាការអនុវត្តច្បាប់នោះ ទីបំផុតទៅ លោក ហ៊ុន សែន បានចេញបញ្ជាឲ្យប្រគល់សត្វតោនេះ ត្រឡប់ទៅឲ្យម្ចាស់ដើម ដែលជាជនជាតិចិនវិញ។ បុរសខ្លាំងនៅកម្ពុជា ...