លោកនាយករដ្ឋមន្ត្រី ហ៊ុន សែន បានប្រកាស អំពីការចាប់ផ្ដើម«ផលិតប្រេងដំបូង» របស់កម្ពុជា នៅថ្ងៃអង្គារ ទី២៩ ខែធ្នូ ឆ្នាំ២០២០ ដែលលោកថា ជាថ្ងៃ«គាប់ជួន»ជាមួយថ្ងៃខួបទី២២ នៃនយោបាយឈ្នះៗរបស់លោក (២៩ ធ្នូ ១៩៩៨ – ២៩ ធ្នូ ២០២០)។ នេះ បើតាមសំណេរ​ របស់បុរសខ្លាំងនៅកម្ពុជា បង្ហោះនៅលើបណ្ដាញសង្គម កាលពីមុននេះបន្តិច។

ការចាប់ផ្តើម«ផលិតប្រេងដំបូង» ធ្វើឡើងចេញពីអណ្ដូងប្រេងទី១ ដែលមានឈ្មោះ «A-0ID» នៃតំបន់ប្លុក A ក្នុងឈូងសមុទ្រកម្ពុជា បន្ទាប់ពីរដ្ឋាភិបាលកម្ពុជា និងក្រុមហ៊ុន«Kris Energy» បានសម្រេចធ្វើកិច្ចព្រមព្រៀង និងគម្រោងផែនការអភិវឌ្ឍ និងអាជីវកម្មអណ្តូងប្រេង កាលពីថ្ងៃទី២៣ ខែសីហា ឆ្នាំ២០១៧កន្លងមក។

គ្មានប្រភពឯករាជ្យណាផ្សេង អាចផ្ទៀងផ្ទាត់ព័ត៌មាន អំពីការផលិតប្រេង របស់កម្ពុជា បន្ថែមពីលើព័ត៌មាន ដែលផ្ដល់ដោយ​រដ្ឋាភិបាលលោក ហ៊ុន សែន ខាងលើនេះទេ។

ក្រៅពីភ្ជាប់នយោបាយឈ្នះៗ របស់លោក ទៅនឹងថ្ងៃដំបូង នៃផលិតកម្មប្រេង លោក ហ៊ុន សែន នៅបានអួតអាងទៀតថា ព្រឹត្តិការណ៍ថ្ងៃនេះ ជា«ពរជ័យ»សម្រាប់កម្ពុជា។ លោកបានសរសេរថា៖

«ការរកឃើញ និងអាជីវកម្មធនធានរ៉ែប្រេងនៅកម្ពុជា ក្រោមការដឹកនាំ​​របស់រាជរដ្ឋាភិបាល គឺជាពរជ័យសម្រាប់ប្រជាជន និងប្រទេស​ជាតិ មិនមែនជាបណ្តាសារ ដូចការលើកឡើង របស់ជនអគតិមួយចំនួននោះទេ។»

«កូវីដ-១៩ បានរំខានដល់យើង តែក៏មិនអាច​បំផ្លាញ​ចោល នូវការខិតខំរបស់យើង ដើម្បីផលិតប្រេងនោះបានដែរ។ ចូលឆ្នាំសកលថ្មី​២០២១ខាងមុខ ទោះយើង​មិនបានសប្បាយរីករាយ ដូចឆ្នាំមុនៗ ដោយសារតែកូវីដ-១៩ តែយើងទទួលបានកាដូដ៍ធំ សម្រាប់ជាតិយើង នោះគឺប្រេងដែល​ផលិតចេញ​លើកដំបូង ក្នុងទឹកដីយើង៕»



លំអិតបន្ថែមទៀត

កម្ពុជា

លក់ម៉ូតូ​ដូរអង្ករ៖ រដ្ឋមន្ត្រី​ព័ត៌មាន​ថា «មានម៉ូតូ» មិនមែនអ្នកក្រ

«មានម៉ូតូ មិនអាចរាប់បញ្ចូល ក្នុងស្ថានភាពក្រីក្របានទេ» នេះ ជាការពន្យល់ឡើង របស់លោក ខៀវ កាញារីទ្ធ រដ្ឋមន្ត្រីក្រសួង«ឃ្លាំមើល»ព័ត៌មាន ដែលទើបនឹងចេញមុខ មកការពារសំដី របស់លោកនាយករដ្ឋមន្ត្រី ហ៊ុន ...
កម្ពុជា

ហ៊ុន សែន ព្រមាន​គណៈរដ្ឋមន្ត្រី​របស់​លោក ថាកុំចង់​ឲ្យលោក​ស្លាប់

បន្ទាប់ពីតំណាល ចូលដល់រឿងដែលលោកថា មិនជឿគេដាក់ថ្នាំបំពុលសម្លាប់លោកនោះ នាយករដ្ឋមន្ត្រីកម្ពុជា លោក ហ៊ុន សែន បានងាកមកព្រមានគណៈរដ្ឋមន្ត្រីរបស់លោក ថាកុំចង់ឲ្យលោកស្លាប់ ព្រោះបើលោកស្លាប់ គឺមានន័យជាការរំលាយតំណែង តួនាទីរបស់ខ្លួនឯង គ្រវាត់ចោលដូច្នេះដែរ។ ...
របាយការណ៍

«ក្លាយ​ជាទាសករ ព្រោះ​ប្រាក់​បំណុល»

បើលោកនាយករដ្ឋមន្ត្រី ហ៊ុន សែន តែងថ្លែងមិនដាច់ពីមាត់ ពីភាពប្រសើរឡើង នៃជីវភាពប្រជាជន នៅក្នុងប្រទេសកម្ពុជានោះ តែបណ្ដាជនខ្មែរជាច្រើន កំពុងស្ថិតក្នុងសភាពជំពាក់បំណុលវ័ណ្ឌក រហូតត្រូវបង្ខំចិត្ត បោះបង់ចោលស្រូវស្រែចំការ ហើយមកធ្វើការជាកម្មករ ដើម្បីដោះបំណុល ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.