កម្ពុជាដំណឹង

ផៃ ស៊ីផាន ថារដ្ឋាភិបាល​មិនធ្វើ​ច្បាប់ ដើម្បី​«បំពេញចិត្ត​អង្គការ​ណា»ទេ

រដ្ឋាភិបាលក្រុងភ្នំពេញ បានប្រកាសថា ខ្លួនមិន«បំពេញចិត្ត​អង្គការ​ណា»ទេ នៅចំពោះ​ការអនុម័ត​យ៉ាងតក់ក្រហល់ នូវសេចក្ដីព្រាងច្បាប់​មួយទៀត ស្ដីពីការប្រឆាំង​ការសម្អាត​ប្រាក់ និងហិរញ្ញប្បទានភេរវកម្ម។ នេះ បើតាមការអះអាង របស់លោក ផៃ ស៊ីផាន អ្នកនាំ​ពាក្យ​រដ្ឋាភិបាល។

តាមសេចក្ដីសម្រេច របស់កិច្ចប្រជុំគណៈរដ្ឋមន្ត្រី ក្នុងថ្ងៃនេះ បានបញ្ជាក់ថា ការអនុម័ត​នោះ មិនមែនជា​សេចក្ដីព្រាងច្បាប់ ថ្មីស្រឡាងមួយទេ តែជាសេចក្ដីព្រាងច្បាប់ ដាក់​បញ្ចូល​​គ្នា រវាងច្បាប់ស្ដីពីការប្រឆាំង​ការសម្អាតប្រាក់ និង​ហិរញ្ញប្បទាន​ភេរវកម្ម ឆ្នាំ២០០៧ – ច្បាប់ធ្វើវិសោធនកម្ម នៅឆ្នាំ​២០១៣ – យុទ្ធសាស្ត្រជាតិ ស្ដីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម ឆ្នាំ២០១៩-២០២៣ និងអនុសាសន៍ស្ដង់ដារ ឆ្នាំ២០១២ របស់​«FATF»។

ការអនុម័ត្រសេចក្ដីព្រាងច្បាប់ តាមបែបដាក់បញ្ចូលគ្នានេះ ធ្វើឡើងតែប៉ុន្មានថ្ងៃ ក្រោយ​ការធ្វើ​បច្ចុប្បន្នភាព បញ្ជីខ្មៅ​របស់​សហភាពអ៊ឺរ៉ុប កាលពីថ្ងៃទី៧ ខែឧសភា ដែលដាក់​បញ្ចូល​​ប្រទេស​កម្ពុជា ភូមា និងប្រទេស​១០ទៀត នៅក្នុងបញ្ជីខ្មៅថ្មី មាន២២​ប្រទេស ដែល​ជាប់​​ពាក់ព័ន្ធ នឹងការលាងលុយកខ្វក់ និងហិរញ្ញប្បទានភេរវកម្ម។

សម្រាប់លោក ផៃ ស៊ីផាន បានពន្យល់ថា ការអនុម័តសេចក្ដីព្រាងច្បាប់ ក្នុងពេលភ្លាមៗ ទាំងមិនបានដាក់ បង្ហាញជាសាធារណៈ ឲ្យដឹងពីខ្លឹមសារច្បាប់នោះ គឺរដ្ឋាភិបាល​មិនមែន​ធ្វើឡើង ដើម្បី​«បំពេញចិត្ត​អង្គការ​ណា»​ទេ។

អ្នកនាំពាក្យរដ្ឋាភិបាលរូបនេះ បានបញ្ជាក់ នៅលើបណ្ដាញសង្គមថា៖

«គឺជាការប្រឹងប្រែង របស់រដ្ឋាភិបាល និងធនាគារជាតិ ដែលត្រូវកែលម្អច្បាប់ ទាំងពីរនេះ ដែលកម្ពុជាបានអនុវត្ត ទៅលើលក្ខខ័ណ្ឌជាសមាជិក របស់ក្រុមប្រទេស អាស៊ីប៉ាស៊ីហ្វិច ស្តីពីការសម្អាតប្រាក់ (Asia Pacific Group on Money Laundering-APG)។»

គោរពជម្រាបជូនបណ្ដាញសារព័ត៌មាន និងប្រិយមិត្តFBFsសូមជម្រាបផងដែរថា កិច្ចការប្រឹងប្រែងធ្វើច្បាប់ទាំងពីរនេះ …

Gepostet von Siphan Phay am Donnerstag, 14. Mai 2020

សេចក្ដីសម្រេច របស់កិច្ចប្រជុំគណៈរដ្ឋមន្ត្រី បានឲ្យដឹងទៀតថា សេចក្ដីព្រាងច្បាប់ថ្មី ស្ដីពី​ការប្រឆាំង​ការម្អាតប្រាក់ និង​ហិរញ្ញប្បទាន​ភេរវកម្ម បាន​បន្ថែមនូវខ្លឹមសារ​សំខាន់ៗ ចំនួន៣ចំណុច រួមមាន៖

១. ការកំណត់ឱ្យបានច្បាស់លាស់ នូវនិយមន័យ នៃពាក្យបច្ចេកទេស
២. ការបញ្ជាក់បន្ថែម ពីនីតិវិធីនៃការយកចិត្តទុកដាក់ ស្គាល់អតិថិជន
៣. ការបង្កើនកម្រិតពិន័យ ជាសាច់ប្រាក់ នៅក្នុងទណ្ឌកម្មខាងព្រហ្មទណ្ឌ។

បើតាមការចុះផ្សាយ របស់សារព័ត៌មានក្នុងស្រុក បានអះអាងថា សេចក្ដីព្រាង​ច្បាប់​ខាងលើ នឹងត្រូវ​ដាក់​ឲ្យ​ប្រើប្រាស់ យ៉ាងហោច​ឱ្យបាន​មុន​ខែកញ្ញា ឆ្នាំ២០២០។

យ៉ាងណា ទោះជាលោក ផៃ សុផាន អះអាងថា រដ្ឋាភិបាលមិនធ្វើច្បាប់ ដើម្បី​«បំពេញចិត្ត​អង្គការ​ណា»​ក៏ដោយចុះ តែថ្ងៃខែដាក់ឲ្យប្រើប្រាស់ នៃច្បាប់ថ្មីខាងលើ ហាក់មាន​លក្ខណៈ​បន្ទាន់ និងត្រូវគ្នា ទៅនឹងថ្ងៃខែ ​របស់​សហភាព​អ៊ឺរ៉ុប ដែលកំណត់ថា បញ្ជីខ្មៅនៃ​ក្រុម​ប្រទេស​​ទាំង២២ នឹងត្រូវអនុវត្តន៍ ចាប់ពីថ្ងៃទី១ ខែតុលា ឆ្នាំ២០២០តទៅ៕



លំអិតបន្ថែមទៀត

កម្ពុជា

សម រង្ស៊ី ថា​សម្ពាធ​អន្តរជាតិ​ធ្វើឲ្យ ហ៊ុន សែន សម្រេច​ចិត្ត​​«ត្រឡប់ត្រឡិន»

សម្រាប់មេដឹកនាំប្រឆាំង បានពន្យល់ថា ការប្រកាសរបស់រដ្ឋាភិបាលក្រុងភ្នំពេញ ដែលថា កម្ពុជាមិនបានដាក់សមាជិកសភាអ៊ឺរ៉ុប ចូលក្នុងបញ្ជីខ្មៅ នៃជនហាមឃាត់ចូលទឹកដីកម្ពុជានោះ ជាការសម្រេចចិត្តបែប«ត្រឡប់ត្រឡិន» របស់លោកនាយករដ្ឋមន្ត្រី ហ៊ុន សែន ដែលកំពុងរងសម្ពាធ ពីសហគមន៍អន្តរជាតិ។ ...
ដំណឹង

ផ្សាយផ្ទាល់៖ ពូទីន ប្រកាសសង្គ្រាម ឈ្លានពានចូល អ៊ុយក្រែន (ថ្ងៃទី១)

តាំងពីព្រឹកព្រហាម ថ្ងៃទី២៤ ខែកុម្ភៈ ឆ្នាំ ២០២២ ប្រទេសរុស្ស៊ីរបស់លោកប្រធានាធិបតី វ្លាឌីមៀ ពូទីន (Vladimir Poutine) បាន​«ប្រកាសសង្គ្រាម» និងលើកកងទ័ព វាយលុកឈ្លានពាន ...
ដំណឹង

Brexit៖ រាស្ត្រ​អង់គ្លេស​រាប់លាន​នាក់ ទាមទារ​ឲ្យធ្វើ​ប្រជាមតិ​ជាថ្មី

បន្ទាប់ពីបាតុកម្មរបស់ពលរដ្ឋច្រើនម៉ឺនសែននាក់ កាលពីថ្ងៃសៅរ៍ចុងសប្ដាហ៍នេះ ញត្តិមួយទៀតដែល ទាមទារ​ឲ្យធ្វើ​ប្រជាមតិ​ជាថ្មី ទទួលបានមនុស្សចុះហត្ថលេខា ប្រមាណជាង៥លាននាក់ហើយ មកទល់នឹងម៉ោងនេះ។ ញត្តិនឹងដាក់សម្ពាធ កាន់តែខ្លាំងថែមទៀត ទៅលើអ្នកស្រី ថេរេសា ម៉េ (Theresa ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...