ការចាក់ថ្នាំ​វ៉ាក់សាំង បង្ការជំងឺកូវីដ-១៩ នឹងចាប់ផ្ដើម ពីថ្ងៃទី២៧ ខែធ្នូ ឆ្នាំ២០២០នេះតទៅ និងជាបន្តបន្ទាប់ នៅតាមបណ្ដាប្រទេស​សមាជិកទាំង២៧ នៃសហភាពអ៊ឺរ៉ុប។ នេះ បើតាមការប្រកាសឲ្យដឹង របស់អ្នកស្រី «Ursula von der Leyen» ប្រធាន​គណៈកម្មការ​សហភាពអ៊ឺរ៉ុប (ឬហៅឲ្យងាយយល់ ជារដ្ឋាភិបាលសហភាពអ៊ឺរ៉ុប)។

មេដឹកនាំរបស់សហភាព បានបង្ហោះសារ នៅលើបណ្ដាញសង្គមទ្វីសធើរ ឲ្យដឹងថា៖

«ដល់ពេលហើយ សម្រាប់សហភាពអ៊ឺរ៉ុប៖ ថ្ងៃទី២៧ – ២៨ និង២៩ ខែធ្នូខាងមុខនេះ ការចាក់ថ្នាំ​វ៉ាក់សាំង នឹងចាប់ផ្ដើមធ្វើ នៅលើផ្ទៃ នៃសហភាពអ៊ឺរ៉ុប។ យើងការពារពលរដ្ឋរបស់យើង ហើយរួមគ្នា យើងកាន់តែរឹងមាំ។»

យ៉ាងណា គណៈកម្មការអ៊ឺរ៉ុប ត្រូវរង់ចាំការវាយតម្លៃ របស់ភ្នាក់ងារអ៊ឺរ៉ុប ទទួលបន្ទុកថ្នាំសង្កូវ «EMA /AEM» ដែលត្រូវត្រួតពិនិត្យ ថ្នាំវ៉ាក់សាំង «Pfizer-BioNTech» នៅថ្ងៃទី២១ ខែធ្នូ (១សប្ដាហ៍មុន) និងទទួលបានភ្លើងខៀវ ពីប្រទេសសមាជិកទាំង២៧ ជាមុនសិន។ ប៉ុន្តែភ្លើងខៀវ ក្នុងការការពារពលរដ្ឋអ៊ឺរ៉ុប ប្រមាណជា៤៥០លាននាក់ ទំនងជាមិនមានឧបសគ្គ អ្វីធំដុំនោះទេ។

ថ្នាំវ៉ាក់សាំង ដែលត្រូវបានបញ្ជាទិញ សម្រាប់សហភាពអ៊ឺរ៉ុប សុទ្ធតែត្រូវឆ្លងកាត់ ក្រោមការត្រួតពិនិត្យ របស់គណៈកម្មការអ៊ឺរ៉ុប និងភ្នាក់ងារ​ជំនាញទាំងអស់​របស់ខ្លួន។ ថ្នាំទាំងនោះ នឹងបញ្ជូនទៅឲ្យប្រទេសជាសមាជិក ទៅតាមចំនួនសមាមាត្រ នៃចំនួនប្រជាជន របស់បណ្ដា​​ប្រទេស​ទាំងនោះ។

ថ្នាំវ៉ាក់សាំង ដែលស្រាវជ្រាវរួមគ្នា រវាងមន្ទីរពិសោធន៍ «Pfizer» របស់អាមេរិក និង​«BioNTech» របស់អាល្លឺម៉ង់ ត្រូវបានទទួលស្គាល់​ដំបូងគេ ដោយប្រទេសធំៗ នៅបស្ចឹមលោក ក្នុងនោះមាន ចក្រភពអង់គ្លេស និងសហរដ្ឋអាមេរិក។ ប្រទេសជាច្រើនទៀត ក៏បានប្រកាស​ទទួលស្គាល់ ជាបន្តបន្ទាប់ដែរ ដូចជាប្រទេស​ម៉ិចសិក និងអារ៉ាប៊ីសាអ៊ូឌីត ជាដើម។

សម្រាប់សហភាពអ៊ឺរ៉ុប មិនមែនមានតែ​ថ្នាំវ៉ាក់សាំង​​ខាងលើមួយទេ តែមហាអំណាច​ខាងសេដ្ឋកិច្ចមួយនេះ បានចុះកិច្ចសន្យា ទទួលយក​ថ្នាំវ៉ាក់សាំង រហូតដល់ទៅ​៧ប្រភេទ/ប្រភព ក្នុងការបង្ការជំងឺរាតត្បាត «Covid-19» ដ៏ចង្រៃ។

នៅថ្ងៃទី១២ ខែមករាខាងមុខ ភ្នាក់ងារ «EMA /AEM» គ្រោងនឹងអនុម័ត ថ្នាំវ៉ាក់សាំង របស់មន្ទីរពិសោធន៍ «Moderna» របស់អាមេរិក​មួយទៀត ដែលអាចជាថ្នាំវ៉ាក់សាំងទី២ បន្ទាប់ពីថ្នាំវ៉ាក់សាំង «Pfizer-BioNTech»៕



You may also like

កម្ពុជា

ហ៊ុន សែន ធ្វើពិធីទទួល«វ៉ាក់សាំងចិន»​ថ្ងៃ៧កុម្ភៈ រួចចាក់​នៅ​ថ្ងៃ១០កុម្ភៈ

នាយករដ្ឋមន្ត្រីកម្ពុជា លោក ហ៊ុន សែន បានឲ្យដឹងថា «វ៉ាក់សាំងចិន»ដើម្បីបង្ការជំងឺកូវីដ-១៩ (Covid-19) ដែលជាជំនួយរបស់ប្រទេសចិន នឹងបញ្ជូនមកដល់កម្ពុជា នៅថ្ងៃទី០៧ ខែកុម្ភៈខាងមុខ។ នេះបើតាមសារជាសម្លេងមួយ ដែលទស្សនាវដ្ដីមនោរម្យ.អាំងហ្វូ ...
កម្ពុជា

ក្រុង​ភ្នំពេញ​ព្រមាន​ចាត់វិធានការ​ប្រឆាំង​ការផ្សាយព័ត៌មាន​ថា អ៊ឺរ៉ុប​«ទុកច្រក»​

ការប្រើពាក្យ ដូចជា «EU ទុកច្រក ឱ្យរដ្ឋាភិបាលកម្ពុជា» ឬពាក្យដទៃទៀត ដែលរបបក្រុងភ្នំពេញវាយតម្លៃថា «មិនត្រឹមត្រូវ» អាចនឹងរងវិធានការ «ដោយម៉ឺងម៉ាត់ និងគ្រប់រូបភាព» ពីរបបដឹកនាំឯកបក្សមួយនេះ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...