កម្ពុជាដំណឹង

Covid-19៖ កម្ពុជា​មាន​២ករណី​ថ្មី បុរសខ្មែរម្នាក់ ស្ត្រី​កាហ្សាក់ស្ដង់​ម្នាក់

បុរសខ្មែរម្នាក់ និងស្ត្រីជាតិកាហ្សាក់ស្ដង់ម្នាក់ ត្រូវបានរកឃើញ មានផ្ទុកជំងឺ «Covid-19» សម្រាប់ថ្ងៃទី៥ ខែសីហា ឆ្នាំ២០២០ ដែលធ្វើឲ្យតួលេខអ្នកជំងឺសរុប នៅទូទាំងប្រទេស កម្ពុជា កើនឡើងដល់២៤៣នាក់។

របាយការណ៍ប្រចាំថ្ងៃ របស់ក្រសួងសុខាភិបាលកម្ពុជា ដែលទើបនឹង​ចេញផ្សាយ នៅមុន​នេះ បានឲ្យដឹងថា ករណីរកឃើញថ្មីទាំងពីរ «បុរសខ្មែរម្នាក់ និង​ស្ត្រីជាតិ​កាហ្សាក់ស្ដង់​ម្នាក់» ជាករណីនាំចូល។ របាយការណ៍នោះ បានរៀបរាប់ថា៖

មានអាស័យដ្ឋាននៅភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្ដាល បុរសជនជាតិ​ខ្មែរ​អាយុ ៣៤ឆ្នាំ ត្រូវបានរកឃើញមានផ្ទុកមេរោគ «Covid-19» នៅក្នុងការវិភាគវត្ថុសំណាក លើកទី០២ នៅថ្ងៃទី០៤ ខែសីហា ឆ្នាំ២០២០។ នៅខណៈនេះ បុរសអ្នកជំងឺរូបនេះ ត្រូវបាន​ដាក់ឱ្យសម្រាកព្យាបាល នៅមណ្ឌលសុខភាពចាក់អង្រែ រាជធានីភ្នំពេញ។

បុរសខាងលើបានធ្វើដំណើរ ពីប្រទេសប៉ាគីស្ថាន បន្តជើងយន្តហោះ នៅប្រទេសម៉ាឡេស៊ី មុននឹងមកដល់ប្រទេសកម្ពុជា។ ក្រសួងមិនបានបញ្ជាក់ ពីថ្ងៃខែដែលបរុសរូបនោះ ធ្វើ​ដំណើរមកដល់កម្ពុជា ហើយក៏មិនបានអះអាង ពីលេខជើងយន្ដហោះដែរ។ ប៉ុន្តែបុរស​ជនជាតិខ្មែរ ត្រូវបានធ្វើចត្តាឡីស័ក នៅមណ្ឌលចត្តាឡីស័ក បូរី១០០ខ្នង រាជធានីភ្នំពេញ រហូតដល់ការធ្វើតេស្តលើកទីពីរនេះ ដែលនាំដល់ការរកឃើញ វិជ្ជមានវីរុស «Covid-19»។

រីឯស្ត្រីជនជាតិកាហ្សាក់ស្តង់ អាយុ ៤២ឆ្នាំ បានធ្វើដំណើរពីប្រទេសកាហ្សាក់ស្តង់ បន្តជើង​ហោះហើរ នៅប្រទេសកូរ៉េខាងត្បូង មកដល់ប្រទេសកម្ពុជា នៅថ្ងៃទី០៣ ខែសីហា ឆ្នាំ​២០២០ តាមរយៈជើងយន្ដហោះមួយ ដែលមានអ្នកដំណើរសរុប ២៩នាក់។ អ្នកស្រីត្រូវ​បាន​រកឃើញមានជំងឺ នៅថ្ងៃទី០៤ ខែសីហា ឆ្នាំ២០២០ ហើយបច្ចុប្បន្ន ត្រូវបានដាក់ឱ្យ សម្រាក​ព្យាបាល នៅមន្ទីរពេទ្យមិត្តភាព-ខ្មែរសូវៀត។

ចំពោះអ្នកដំណើរ២៨នាក់ផ្សេង ដែលមានលទ្ធផលតេស្ត​អវិជ្ជមានវីរុសកូវីដ-១៩ ត្រូវបាន​ដាក់ឱ្យ ធ្វើចត្តាឡីស័ក នៅសណ្ឋាគារមួយ ក្នុងរាជធានីភ្នំពេញ។

ក្នុងថ្ងៃនេះដែរ ក្រសួងសុខាភិបាលបានអះអាងថា មានអ្នកជំងឺ២នាក់ បានជាសះស្បើយ គឺស្ត្រីជនជាតិខ្មែរ០១នាក់ និងកុមារីជនជាតិអាមេរិកកាំង០១នាក់ (ដែលសម្រាក​ព្យាបាល ក្នុងស្ថានទូតអាមេរិក)។

គិតមកដល់ថ្ងៃទី០៥ ខែសីហា ឆ្នាំ២០២០ នេះ ប្រទេសកម្ពុជាបានបញ្ចេញតួលេខផ្លូវការ ថាខ្លួនបានរកឃើញអ្នកជំងឺ«Covid-19» ចំនួនសរុប២៤៣នាក់ (ស្ត្រី ៤៧នាក់ និងបុរស ១៩៦នាក់)។ អ្នកជំងឺដែលបានជាសះស្បើយ មានចំនួនសរុប២០២នាក់ (ស្រី៤៥នាក់ និង​បុរស១៥៧នាក់) ខណៈអ្នកជំងឺ ដែលកំពុងសម្រាកព្យាបាល នៅក្នុងមន្ទីរពេទ្យរដ្ឋ មាន​ចំនួន​សរុប៤០នាក់ និងអ្នកជំងឺ ដែលកំពុងសម្រាកព្យាបាល ក្នុងស្ថានទូត​អាមេរិក​ប្រចាំ​កម្ពុជា មានចំនួន០១នាក់៕



លំអិតបន្ថែមទៀត

កម្ពុជា

សម រង្ស៊ី ថា ហ៊ុន សែន ប្រើច្បាប់​ប្រកាស«ភាពអាសន្ន»ដើម្បីបន្តអំណាច

ប្រធានស្ដីទី គណបក្សសង្គ្រោះជាតិ លោក សម រង្ស៊ី បានលើកឡើងថា ច្បាប់ថ្មី ស្ដីពីដំណើរការគ្រប់គ្រងប្រទេស ក្នុង«ភាពអាសន្ន» ដែលលោក ហ៊ុន សែន ស្នើឡើងក្នុងពេលនេះ ...
កម្ពុជា

ហ៊ុន សែន បង្ហោះរូបភាព​«មានសុខភាពល្អ» តែរាង​ឡើងគីឡូ​ជាងមុន

នៅលើបណ្ដាញសង្គម លោកនាយករដ្ឋមន្ត្រី ហ៊ុន សែន បានផ្ដល់ដំណឹងរបស់លោក តាមរយៈរូបថតច្រើនសន្លឹក ដោយអមមកជាមួយ នូវសារខ្លីប៉ុន្មានម៉ាត់ ដើម្បីបញ្ជាក់ថា លោក«មានសុខភាពល្អ» ក្នុងរលកទី៣ នៃការរាតត្បាត​ជំងឺកូវីដ-១៩ (Covid-19) ...
កម្ពុជា

សម រង្ស៊ី បរិហារ ហ៊ុន សែន ថារៃអង្គាសប្រាក់​«ដើម្បីចិញ្ចឹម​អំពើពុករលួយ»

សម្រាប់លោក សម រង្ស៊ី បានជឿជាក់ថា ការរៃអង្គាសប្រាក់ដោយលោក ហ៊ុន សែន គឺជាការប្រមូលប្រាក់ «ដើម្បីចិញ្ចឹម​អំពើពុករលួយ» ព្រោះការរៃអង្គាស ដែលថា​ដើម្បី​ទិញថ្នាំវ៉ាក់សាំង បង្កាជំងឺកូវីដ-១៩ (Covid-19) ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...