ដំណឹងពិភពលោក

ដូណាល់ ត្រាំ អះអាង​បានលេប​ថ្នាំ​ការពារ​«គ្រុនចាញ់»​តាំងពី​១០ថ្ងៃ​មកហើយ

លោក ដូណាល់ ត្រាំ (Donald Trump) បានបង្ហើបប្រាប់គេឯង ក្នុងថ្ងៃចន្ទនេះ ថាលោកបានលេបថ្នាំ អ៊ីឌ្រូស៊ីក្លរូគីន (Hydroxychloroquine) ដែលជាថ្នាំប្រឆាំងជំងឺ«គ្រុនចាញ់» តាំងពីច្រើនថ្ងៃមកហើយ ខណៈរូបលោក មិនមានរោគសញ្ញាអ្វីសោះ ទាក់ទងនឹងជំងឺ «Covid-19»។

នៅក្នុងការថ្លែង ទៅកាន់ក្រុមអ្នកសារព័ត៌មាន លោក ត្រាំ បានឲ្យដឹងថា៖

«ខ្ញុំលេប [ថ្នាំនេះ] តាំងពី១សប្ដាហ៍កន្លះហើយ។ ខ្ញុំបានដឹង ពីរឿងជាច្រើន ដែលមានលក្ខណៈវិជ្ជមាន អំពីថ្នាំមួយនេះ។» 

លោកបានបន្តទៀតថា៖

«តើពួកអ្នករាល់គ្នា ធ្លាប់ឮឬទេ នូវឃ្លាមួយម៉ាត់ ដែលថា តើអ្នកឯងមានខាតបង់អ្វី? បើគ្រាន់តែអ្នកឯង លេបវា ដើម្បីការពារខ្លួន ពីជំងឺនោះ។ ខ្ញុំលេបវា មួយគ្រាប់ ក្នុងមួយថ្ងៃ។ រហូតដល់ពេលមួយ ខ្ញុំនឹងឈប់លេបវា។»

អាជ្ញាធរសុខាភិបាល នៃសហរដ្ឋអាមេរិក និងកាណាដា បានព្រមាន កាលពីចុងខែមេសា អំពីការប្រើប្រាស់ ថ្នាំប្រភេទនេះ នៅក្រៅការសាកល្បង​តាមមន្ទីរពេទ្យ ដែលចាំបាច់ ត្រូវមានការឃ្លាំមើលជាប្រចាំ។

ប្រធានាធិបតីអាមេរិក បានអះអាងទៀតថា៖

«វានឹងមិនធ្វើឲ្យខ្ញុំ ជួបបញ្ហាសុខភាព​អ្វីទេ។ ថ្នាំនេះ ត្រូវបានប្រើ តាំងពី៤០ឆ្នាំមកហើយ ដើម្បីប្រឆាំងនឹងជំងឺគ្រុនចាញ់ ហើយក៏មានគ្រូពេទ្យច្រើននាក់ បានលេបវាដែរ។»

មេដឹកនាំប្រទេសមហាអំណាច បានពន្យល់ដែរថា លោកគ្មានអាការៈ ឬមានរោគសញ្ញា អ្វីសោះឡើយ ទាក់ទងនឹងជំងឺ «Covid-19»។ លោកថា លោកបានធ្វើតេស្ដិ៍ជាទៀងទាត់ ហើយលទ្ធផលនៃការធ្វើតេស្ដិ៍នោះ បង្ហាញជានិច្ចកាល ថា«អវិជ្ជមាន»។

នៅក្នុងការសិក្សាមួយ ដែលចុះផ្សាយ ដោយទស្សនាវដ្ដី «New England Journal of Medicine» កាលពីជាង១០ថ្ងៃមុន បានអះអាងថា ការដាក់ថ្នាំ អ៊ីឌ្រូស៊ីក្លរូគីន មិនបានជួយ ឲ្យប្រសើរឡើង ឬធ្វើឲ្យប្រែប្រួលអ្វី គួរឲ្យកត់សម្គាល់ ទៅដល់អ្នកជំងឺ«Covid-19»នោះទេ៕



You may also like

ដំណឹង

Covid-19៖ WHO ឲ្យអ៊ឺរ៉ុប​ត្រៀម​ខ្លួន​ពីការរាតត្បាត នៅ​សិសិររដូវ​ក្រោយ

នៅ​សិសិររដូវ​ក្រោយ បណ្ដាប្រទេសនៅទ្វីបអ៊ឺរ៉ុប ត្រូវត្រៀមខ្លួន ដើម្បីទប់ស្កាត់ការរាតត្បាត នៃជំងឺ«Covid-19» ដែលអាចកើតមានជាថ្មី បើទោះនៅពេលនេះ តួលេខបង្ហាញ​ពីការថមថយ នៃការរាតត្បាតនេះក៏ដោយ។ លោកវេជ្ជបណ្ឌិត «Hans Kluge» នាយកអង្គការសុខភាពពិភពលោក ...
លោក អេម៉ានុយអែល ម៉ាក្រុង ប្រធានាធិបតីបារាំង នៅក្នុងវិមានប្រធានាធិបតី។ (រូបថតផ្លូវការរបស់វិមានប្រធានាធិបតី)
ដំណឹង

២០២១៖ ម៉ាក្រុង ជូនពរឆ្នាំថ្មីជុំវិញ«Covid-19 វ៉ាក់សាំង Brexit…»

លោក អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង បានប្រើប្រាស់ឱកាស នៃប្រពៃណីជូនពរឆ្នាំថ្មី នៅយប់​ថ្ងៃទី៣១ ខែឆ្នូ ឆ្នាំ២០២០ ដើម្បីលើកឡើង អំពីជំងឺរាតត្បាត ...
ដំណឹង

ត្រាំ បន្ត​វាយប្រហារ ម៉ាកខេន ដែល​ទទួល​មរណភាព តាំងពី​៧ខែ​មុន

ប្រធានាធិបតីអាមេរិក លោក ដូណាល់ ត្រាំ (Donald Trump) បានវាយប្រហារជាថ្មី ក្នុងថ្ងៃអាទិត្យកន្លងមកនេះ ទៅលើលោក ចន ម៉ាកខេន (John McCain) ...

Comments are closed.

កម្ពុជា

ក្រុងភ្នំពេញដេញ​អ្នកកាសែតចិនម្នាក់ ព្រោះផ្សាយ​ថា កម្ពុជាលក់វ៉ាក់សាំង

កម្ពុជា

ព្រឹត្តិការណ៍២០កុម្ភៈ៖ ករណីឆ្លង​ក្នុងសហគមន៍ កើនដល់​១០៣នាក់

មកដល់ម៉ោងនេះ ករណីឆ្លង​ក្នុងសហគមន៍ នៃអ្នកជំងឺកូវីដ-១៩ (Covid-19) ត្រូវបានរកឃើញ កើនឡើង​ដល់​ចំនួន​សរុប ១០៣នាក់។ ខាងក្រោមនេះ ជាតួលេខត្រួសៗ បង្ហាញពីការរកឃើញប្រចាំថ្ងៃ នៃករណីឆ្លងក្នុងសហគមន៍ រាប់ចាប់ពី​ថ្ងៃទី២០ ខែកុម្ភៈមក៖ ...
លោក ហ៊ុន សែន នាយករដ្ឋមន្ត្រីតាំងពីឆ្នាំ១៩៨៥ នៅប្រទេសកម្ពុជា។ (រូបថតឆ្នាំ២០២០ បង្ហោះលើទំព័រហ្វេសប៊ុក)
កម្ពុជា

ព្រឹត្តិការណ៍២០កុម្ភៈ៖ ហ៊ុន សែន ឲ្យបិទសាលារៀន និងបន្ថែមវិធានការ

ក្រៅពីសម្រេច​«ឲ្យបិទសាលារៀន» ក្នុងរយៈពេលពីរសប្ដាហ៍ លោកនាយករដ្ឋមន្ត្រី ហ៊ុន សែន បានប្រកាស​ចាត់​វិធានការ​​បន្ថែមមួយចំនួនទៀត នៅក្នុងរាជធានីភ្នំពេញ និងខេត្តកណ្ដាល។ នេះ បើតាមរយៈសារពិសេសមួយ ដែល​លោកបានបង្ហោះ នៅលើបណ្ដាញសង្គម នៅយប់ថ្ងៃចន្ទ​ទី២២ ...