កម្ពុជាដំណឹង

ខៀវ កាញារីទ្ធ ប្រើសំដី​ប្រធានាធិបតី​​តៃវ៉ាន់ វាយប្រហារ​«សង្គមស៊ីវិល​ខ្លះ»

បើរដ្ឋាភិបាលកម្ពុជា មិនដែលមានសមានចិត្ត សូម្បីបន្តិច ជាមួយកោះតៃវ៉ាន់នោះ ស្រាប់តែរដ្ឋមន្ត្រីមួយរូប នៃរបបក្រុងភ្នំពេញ បានយកពាក្យសំដី របស់ប្រធានាធិបតីនៃកោះមួយនេះ ទៅធ្វើការវាយប្រហារ លើក្រុម«សង្គមស៊ីវិលខ្លះ»នៅកម្ពុជា ទៅវិញ។

លោក ខៀវ កាញារីទ្ធ រដ្ឋមន្ត្រីក្រសួង«ឃ្លាំមើល»ព័ត៌មាន បានលើកឡើងដូច្នេះ កាលពីយប់ថ្ងៃទី១៨ ខែមេសា ដោយចោទសួរថា តើក្រុមសង្គមស៊ីវិលទាំងនោះ ជាក្រុម«ល្ងង់ខ្លៅ» ឬក្រុម«មិនឡូយ» ព្រោះពួកគេមិនសូវ«ខ្មែរ»ឬ?

លោករដ្ឋមន្ត្រីបានសរសេរ នៅលើបណ្ដាញសង្គមថា៖

«ប្រធានាធិបតី កោះតៃវ៉ាន់ បានផ្តល់បទពិសោធន៍ ដល់ពិភពលោក ពីកត្តាជ័យជំនះរបស់កោះតៃវ៉ាន់ ក្នុងការកំចាត់រោគ កូវីដ១៩នោះគឺ “ប្រើកំលាំងសរុប រួមទាំងកំលាំងអា​ជ្ញាធរ កំលាំងមន្ត្រីសុខាភិបាល កំលាំងប្រជាជន ព្រមទាំងការចូលរួមរបស់សង្គមសុីវិលផងដែរ”។»

«ប្លែកអីនៅស្រុកខ្មែរ សង្គមស៊ីវិល​ខ្លះ ( គឺខ្លះទេ ) មិនគ្រាន់តែមិនជួយផ្សព្វផ្សាយ ឲ្យប្រជាជន​ចេះប្រុងប្រយ័ត្ន ការពាររោគកូវីដ១៩ ប៉ុណ្ណោះទេ ( ពោលគឺនៅស្ងាត់ចឺម ) តែ​រិះគន់​វិធានការ​ទប់ស្កាត់ ការរាលដាល​ជំងឺនេះ ទៀតផង។ មិនដឹងថា តើគាត់ល្ងង់ខ្លៅមិនស្គាល់អ្វីទៅ ដែលហៅថា Pandemic ( តែធម្មតាបើល្ងង់ត្រូវសួរគេ ) ឬមួយគាត់ខ្លាចគេថា គាត់ខ្មែរពេក “មិនឡូយ”?»

ប្រធានាធិបតី កោះតៃវ៉ាន់ បានផ្តល់បទពិសោធន៍ដល់ពិភពលោក ពីកត្តាជ័យជំនះរបស់កោះតៃវ៉ាន់ក្នុងការកំចាត់រោគកូវីដ១៩ នោះគឺ…

Gepostet von Kanharith Khieu am Samstag, 18. April 2020

យ៉ាងណា បុរសចំណាស់៦៨ឆ្នាំរូបនេះ មិនបានបង្ហើបឲ្យដឹង ថាតើក្រុម​«សង្គមស៊ីវិល​ខ្លះ»​ទាំងនោះ ជាអង្គការសង្គមស៊ីវិលណាទេ។

ក្នុងពេលកន្លងមក រដ្ឋាភិបាលកម្ពុជា របស់លោកនាយករដ្ឋមន្ត្រី ហ៊ុន សែន មិនបានរាប់រក ឬចាត់ទុកកោះតៃវ៉ាន់ ថាជារដ្ឋមានអធិបតេយ្យ និងមានរដ្ឋាភិបាល​ដឹកនាំ​ត្រឹមត្រូវ​នោះឡើយ ក្រោមហេតុផល នៃការគោរពគោលការណ៍ «ចិនមួយ»។ មន្ត្រីផ្លូវការ របស់​របបក្រុងភ្នំពេញ ក៏កាន់តែ​​មិនដែល​​ហៅអ្នកស្រី «Tsai Ing-wen» ថាជាប្រធានាធិបតីតៃវ៉ាន់ ដែលកើតចេញ​​ពីការបោះឆ្នោត នោះដែរ។

មកដល់ថ្ងៃនេះ កោះតៃវ៉ាន់ ដែលមហាយក្សចិន ចាត់ទុកជាខេត្តរបស់ខ្លួន បានរកឃើញ​នៅលើទឹកដីខ្លួន នូវករណីឆ្លងជំងឺ«Covid-19» កើនឡើងដល់ ៣៩៨នាក់ និងចំនួនមនុស្សស្លាប់ មានចំនួន​៦នាក់។ តួលេខនេះ ត្រូវបានចាត់ទុកថា ជាជោគជ័យមួយ សម្រាប់កោះមួយនេះ ដែលត្អូញត្អែរថា ខ្លួនមិនមានកិច្ចសហការ ឲ្យបានគ្រប់គ្រាន់ ពីអង្គការសុខភាពពិភពលោក (WHO /OMS) នោះទេ ដោយសារអង្គការមួយនេះ ខ្លាចចិន។

សម្រាប់លោកបណ្ឌិត មាស នី អ្នកវិភាគឯករាជ្យ និងអ្នកស្រាវជ្រាវផ្នែកសង្គម បានពន្យល់ថា៖

«ក្នុងករណីយអាសន្ន កូវីត១៩ ត្រូវទាមទារឲ្យមានការចូលរួម យ៉ាងសកម្ម រវាងពលរដ្ឋ និងរាជរដ្ឋាភិបាល ! មិនមែនដូចរឿងនយោបាយទេ មេរោគកូវីតនឹងមិនប្រណី ដល់អ្នកដែលប្រហែស មិនថាអ្នកនោះ មកពីគណបក្សនយោបាយណាមួយ នោះឡេីយ៕»

ក្នុងករណីយអាសន្នកូវីត១៩ត្រូវទាមទារអោយមានការចូលរួមយ៉ាងសកម្មរវាងពលរដ្ឋនិងរាជរដ្ឋាភិបាល !!មិនមែនដូចរឿងនយោបាយទេ មេរោគកូវីតនឹងមិនប្រណីយដល់អ្នកដែលប្រហែស មិនថាអ្នកនោះមកពីគណបក្សនយោបាយណាមួយនោះឡេីយ។

Gepostet von Meas Nee am Freitag, 10. April 2020


លំអិតបន្ថែមទៀត

កម្ពុជា

Covid-19 ៖ ហ៊ុន សែន ប្ដូរជំហរ​«ឈប់ចាក់​វ៉ាក់សាំងចិន»​ហើយ

បើប្ដូរជំហរម្ដងហើយ រឿងអីមិនអាចប្ដូរជំហរម្ដងទៀត? នេះ ជាអ្វីដែលលោក ហ៊ុន សែន បានប្រកាសថាលោក «ឈប់ចាក់​វ៉ាក់សាំងចិន» ដែលលោកអះអាងថា នឹងត្រូវបញ្ជូន​មកដល់កម្ពុជា នៅថ្ងៃទី៧ ខែកុម្ភៈខាងមុខ។ នាយករដ្ឋមន្ត្រីកម្ពុជាលោក ...
តន្ត្រី

ផ្សាយផ្ទាល់​ពី​កម្មវិធី​«One World: Together At Home»

ដើម្បីស្វែងរកមូលនិធិ ប្រយុទ្ធប្រឆាំង ទល់នឹងជំងឺ «Covid-19» កម្មវិធី «One World: Together at Home» មួយត្រូវបានរៀបចំឡើង ដោយរួមប្រជុំកំពូលតារាៗ ល្បីៗនៅក្នុងពិភពលោក ...
កម្ពុជា

Covid-19 ៖ កម្ពុជា​រកឃើញ​អ្នក​ឆ្លងរោគ កើនឡើង​ជិត១០០នាក់

តួលេខកំពុងបោះពួយ ទៅមុខ គួរឲ្យព្រួយបារម្ភ។ មកដល់ម៉ោងនេះ ក្រសួងសុខាភិបាលកម្ពុជា បានអះអាងបានរកឃើញ ករណីឆ្លងជំងឺ«Covid-19» កើនឡើង​ជិត១០០នាក់ (៨៤នាក់) បន្ទាប់ពីក្រសួងបានរកឃើញ មនុស្ស៣១នាក់ បានឆ្លងជំងឺនេះ បន្ថែមពីលើតួលេខ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...