កម្ពុជាដំណឹង

ខ្លីៗ​ពីបារាំង និយាយពី​ការហក់ចូល​ទីផ្សារភាគហ៊ុន របស់​ធនាគារ​អេស៊ីលីដា

វិធានការណ៍បន្ថែម «ជុំទី៤» និងការហក់ចូលទីផ្សារភាគហ៊ុន របស់​ធនាគារ​អេស៊ីលីដា ជាប្រធានបទពីរចំណុច នៅក្នុងរបាយការណ៍ខ្លីៗ ដែលរដ្ឋាភិបាលបារាំង ធ្វើឡើង​ក្នុងសប្ដាហ៍ទី២២ អំពីហេតុការណ៍សំខាន់​ចុងក្រោយ ពីប្រទេសកម្ពុជា។

ទស្សនាវដ្ដីមនោរម្យ.អាំងហ្វូ សូមដកស្រង់ខ្លឹមសារ នៃរបាយការណ៍នោះ មកជម្រាប​ជូន​ប្រិយមិត្ត ដូចតទៅ៖

១) រដ្ឋាភិបាលកម្ពុជា បានប្រកាសនៅថ្ងៃទី ២៦ ឧសភា ដាក់ចេញ​នូវវិធានការណ៍​បន្ថែម «ជុំទី៤» ដើម្បីធានាស្ថេរភាពសេដ្ឋកិច្ច និងសង្គម ដោយយកចិត្តទុកដាក់​ជាពិសេស ទៅលើវិស័យឯកជន

វិធានការណ៍ទាំងនេះ រួមមានការបន្តការលើកលែងពន្ធ រយៈពេល ២ខែ – ការបន្ធូរបន្ថយ​លក្ខខណ្ឌនានា ដើម្បីទទួលបានប្រាក់កម្ចីពិសេស – ការបង្កើតមូលនិធិ​ធានា​ប្រាក់កម្ចី ដែលមានទំហំ ២០០ លានដុល្លារ – ការរៀបចំហិរញ្ញប្បទានបន្ថែម ចំនួន ៣០០ លានដុល្លារ ដើម្បីជួយដល់វិស័យអាទិភាព និងប្រាក់បដិភាគសង្គម ក្នុងទំហំ ១០០ លាននដុល្លារ។

រដ្ឋាភិបាលកម្ពុជា ក៏គ្រោងនឹងបើកគេហទំព័រ ដើម្បីជួយសម្រួល​ដល់ការចុះឈ្មោះ​អាជីវកម្ម ជាពិសេសអ្នកដែលចង់ដាក់ពាក្យ ស្នើសុំប្រាក់កម្ចី ពីកម្មវិធីផ្តល់មូលនិធិ​ពិសេស របស់រដ្ឋាភិបាល។

២) ធនាគារពាណិជ្ជធំជាងគេរបស់កម្ពុជា គឺធនាគារអេស៊ីលីដា (ជាមួយមូលធន ប្រមាណ​៦,២ ពាន់លានដុល្លារអាមេរិក នៅចុងឆ្នាំ ២០១៩) បានក្លាយជាធនាគារកម្ពុជា ដំបូងគេ ដែលបានហក់ចូល ក្នុងទីផ្សាភាគហុ៊ន (CSX) នៅថ្ងៃទី ២៥ ខែឧសភា។

បង្កើតឡើងដំបូងនៅឆ្នាំ ១៩៩៣ ក្នុងនាមជាអង្គការក្រៅរដ្ឋាភិបាល ដែលមាន​ជំនាញ​មីក្រូហិរញ្ញវត្ថុ ដំណាក់កាលវិវត្តដ៏ នៃការហក់ចូល ក្នុងទីផ្សារភាគហ៊ុននេះ បាន​បើកទ្វា​ដ៏សំខាន់ សម្រាប់​ទីផ្សារហិរញ្ញវត្ថុ នៅកម្ពុជា។

រដ្ឋាភិបាលកម្ពុជា សង្ឃឹមថា តាមរយៈជំហានថ្មី នៃការហក់ចូល ក្នុងទីផ្សារភាគហ៊ុន របស់ធនាគារអេស៊ីលីដា នឹងធ្វើឱ្យទីផ្សារមូលបត្រកម្ពុជា កាន់តែមានភាពទាក់ទាញ សម្រាប់វិនិយោគិនបរទេស៕



លំអិតបន្ថែមទៀត

កម្ពុជា

EU ដាក់​កម្ពុជា​ជាផ្លូវការ ទៅក្នុង​«បញ្ជីខ្មៅ»​នៃ​ការលាង​លុយ​កខ្វក់

«បញ្ជីខ្មៅ»ថ្មី​នៃក្រុមប្រទេសទាំង២២ ដែលបរាជ័យ​ក្នុងការប្រយុទ្ធ ទល់នឹង​ការលាង​លុយ​កខ្វក់ និងហិរញ្ញប្បទាន សម្រាប់​បណ្ដាញ​ភេរវកម្ម ត្រូវបានសហភាពអ៊ឺរ៉ុប «EU» ចេញ​ផ្សាយ​ជាផ្លូវការហើយ។ សេចក្ដីប្រកាសព័ត៌មាន របស់គណៈកម្មការអ៊ឺរ៉ុប (ឬហៅម្យ៉ាងទៀត ជារដ្ឋាភិបាល​នៃ​សហភាព​អ៊ឺរ៉ុប) ដែលទស្សនាវដ្ដី​មនោរម្យ.អាំងហ្វូ ...
កម្ពុជា

ខ្លីៗ​ពីបារាំង៖ ក្រុងប៉ារីស​បញ្ជាក់​ពី​ការដាក់​កម្ពុជា​ក្នុង​«បញ្ជីខ្មៅ»​អ៊ឺរ៉ុប

សប្ដាហ៍ទីពីរ នៃខែឧសភានេះ ត្រូវបានកត់សម្គាល់ ដោយការដាក់ប្រទេសកម្ពុជា ចូលក្នុង​«បញ្ជីខ្មៅ» ពីសំណាក់សហភាពអ៊ឺរ៉ុប (EU) ស្ដីពីការលាងសម្អាតលុយ និងហិរញ្ញប្បទាន​ភេរវកម្ម។ នេះ បើតាម​របាយការណ៍​ខ្លីៗ ប្រចាំសប្ដាហ៍​ទី២០ របស់ក្រសួងសេដ្ឋកិច្ច ...
កម្ពុជា

កម្ពុជា​ជាប់ក្នុង​«បញ្ជីប្រផេះ»​នៃស្ថាប័ន​ឃ្លាំមើល​ការលាង​លុយ​កខ្វក់

ប្រទេសកម្ពុជា ស្ថិតក្នុងចំណោម​ប្រទេសចំនួន១២ ដែលជាប់ក្នុង​«បញ្ជីប្រផេះ» នៃការឃ្លាំមើល​ការលាងប្រាក់កខ្វក់ របស់​«អង្គការឃ្លាំមើលសកម្មភាពហិរញ្ញវត្ថុ (ហៅ​ជា​ភាសា អង់គ្លេស “Financial Action Task Force – FATF” ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...