កម្ពុជាដំណឹង

GDP ៖ គឺ​ថ្ងៃ៧មករា និង​បំណុលចិន ដែល​ប៉ះពាល់​ដល់​អធិបតេយ្យជាតិ

សម្រាប់គណបក្សប្រជាធិបតេយ្យមូលដ្ឋាន «GDP» ការទាមទាររបស់សហភាពអ៊ឺរ៉ុប តាមរយៈកិច្ចព្រមព្រៀងអ៊ឺរ៉ុប-កម្ពុជា នៃប្រព័ន្ធអនុគ្រោះពន្ធ «EBA» ក្នុងការលើកស្ទួយលទ្ធិប្រជាធិបតេយ្យ និងសិទ្ធិមនុស្សនៅកម្ពុជា មិនប៉ះពាលដល់អធិបតេយ្យភាពកម្ពុជា ជាដុំកំភួនទេ។ ផ្ទុយទៅវិញ គឺការដឹងគុណ និងសងគុណប្រទេសវៀតណាម ទាក់ទងថ្ងៃ៧មករា និងការពឹងអាស្រ័យជ្រុល ទៅលើជំនួយនិងបំណុលចិន ទៅវិញទេ ដែលបង្កការព្រួយបារម្ភ សម្រាប់អធិបតេយ្យភាពកម្ពុជា។

គណបក្សមួយនេះ បានលើកឡើងដូច្នេះ នៅលើទំព័រហ្វេសប៊ុកផ្លូវការរបស់ខ្លួន កាលពីមុននេះបន្តិច ដោយគូសបញ្ជាក់ថា សហភាពអ៊ឺរ៉ុបគ្មានផលប្រយោជន៍យុទ្ធសាស្ត្រ ក្នុងការរំលោភអធិបតេយ្យភាពកម្ពុជា នោះឡើយ។

ករណីអធិបតេយ្យភាពជាតិនេះ តែងត្រូវបានរដ្ឋាភិបាលគណបក្សប្រជាជនកម្ពុជា ជាពិសេសលោកនាយករដ្ឋមន្ត្រី ហ៊ុន សែន លើកឡើងមិនដាច់ពីមាត់ ដើម្បីតបតទៅសហភាពអ៊ឺរ៉ុបវិញ ជុំវិញការបើកនីតិវិធីរបស់ស្ថាប័នអ៊ឺរ៉ុបមួយនេះ កាលពីសប្ដាហ៍មុន ដើម្បីឈានទៅព្យួរប្រទេសកម្ពុជា ចេញពីកម្មវិធីអនុគ្រោះពន្ធរបស់ខ្លួន ហៅថា«គ្រប់ទំនិញទាំងអស់ លើកលែងតែសព្វាវុធ – EBA»។

«នយោបាយការបរទេសឈ្លាសវៃ»

លោក ហ៊ុន សែន បានរំឭកឡើងវិញ ជាច្រើនដងចំពោះករណីនេះ ដូច្នេះថា៖

«កម្ពុជាមិនអាចរំពឹងលើជំនួយបរទេស តែមួយមុខទេ ហើយកម្ពុជា ក៏មិនត្រូវយក ឯករាជភាព និងអធិបតេយ្យភាព របស់ខ្លួន ទៅដោះដូរជាថ្នូរនឹងអ្វីមួយនោះដែរ។ ប៉ុន្តែយើងចង់ធ្វើជាមិត្តល្អ ជាមួយបណ្តាប្រទេសដៃគូនានា ដែលចង់ឃើញកម្ពុជា កាន់តែរីក​ចម្រើនទៅមុខពិតប្រាកដ ដោយគ្មានការជ្រៀតជ្រែកកិច្ចការផ្ទៃក្នុងប្រទេសជាតិ។»

តែគណបក្សប្រជាធិបតេយ្យមូលដ្ឋាន បានលើកឡើងផ្ទុយទៅវិញថា៖ 

«អ្វីដែលជារឿងគួរព្រួយបារម្ភ សម្រាប់អធិបតេយ្យភាពកម្ពុជាគឺ៖
១) ការដឹងគុណ និងសងគុណប្រទេសវៀតណាម ទាក់ទងនឹងរឿង ៧ មករា ១៩៧៩
២) ការពឹងអាស្រ័យ លើជំនួយនិងប្រាក់បំណុលប្រទេសចិន ជ្រុលពេក។»

គណបក្ស «GDP» ដែលទើបនឹងចូលរួមការបោះឆ្នោតជាតិបានម្ដង បានពន្យល់ថា៖

«ដើម្បីធានាអធិបតេយ្យភាពកម្ពុជា និងសន្តិសុខជាតិខ្មែរ កម្ពុជាត្រូវមាននយោបាយការបរទេសឈ្លាសវៃ ដោយមិនត្រូវយកប្រទេសជិតខាងជាសត្រូវ មានទំនាក់ទំនងល្អជាមួយប្រទេសជិតខាង តែកុំរណបប្រទេសជិតខាង។ បន្តទំនាក់ទំនងជាប្រពៃណីល្អ ជាមួយប្រទេសចិន តែកុំពឹងអាស្រ័យចិនជ្រុលពេក និងរក្សាទំនាក់ទំនងល្អ ជាមួយលោកខាងលិច ដើម្បីរក្សាតុល្យភាពការទូត និងទីផ្សារសម្រាប់ផលិតផល ផលិតនៅស្រុកខ្មែរ។»៕

តើការទាមទាររបស់សហគមន៍អឺរ៉ុប EU តាមរយៈប្រព័ន្ធអនុគ្រោះពន្ធ EBA…

Gepostet von គណបក្សប្រជាធិបតេយ្យមូលដ្ឋាន am Donnerstag, 21. Februar 2019


លំអិតបន្ថែមទៀត

ដំណឹង

កងទ័ព​ចិន​និង​សព្វាវុធ ត្រូវបាន​ឃើញ​ចល័ត​មក​ជាប់«ព្រំដែន»​ហុងកុង

កងកម្លាំងអាវុធហត្ថ របស់ប្រទេសចិន ត្រូវបានចល័ត ឲ្យមកឈរជើង និងហ្វឹកហាត់ នៅក្នុងកីឡដ្ឋានមួយ នៃក្រុង «Shenzhen» ដែលនៅជាប់ជាមួយ«ព្រំដែន»​ក្រុងហុងកុង។ នេះ បើតាមការសេចក្ដីរាយការណ៍ របស់ទីភ្នាក់ងារព័ត៌មានបារាំង «AFP» ...
កម្ពុជា

លាងលុយកខ្វក់៖ សម រង្ស៊ី និយាយ​ពី​«ចោរាធិបតេយ្យ»​នៅ​កម្ពុជា

មេដឹកនាំប្រឆាំង លោក សម រង្ស៊ី បានលើកឡើងថា កម្ពុជាសព្វថ្ងៃ ជារដ្ឋ​«ម៉ាហ្វីយ៉ា» និងជារដ្ឋ​ដែលដឹកនាំ ដោយប្រព័ន្ធ«ចោរាធិបតេយ្យ» ដែលនាំទៅដល់ ការលាងលុយកខ្វក់ថ្នាក់រដ្ឋ និងរហូតត្រូវសហភាពអ៊ឺរ៉ុប ដាក់កម្ពុជា ...
ដំណឹង

ចិន​ឆេះដុំ​ដាក់​អាមេរិក ក្នុង​ការលក់​យន្ដហោះ​«F-16»​៦៦គ្រឿង​ឲ្យ​តៃវ៉ាន់

សហរដ្ឋអាមេរិកបានប្រកាស កាលពីថ្ងៃអង្គារម្សិលម៉ិញ ថាខ្លួនបានយល់ព្រមលក់យន្ដហោះប្រដេញ ប្រភេទ «F-16» ចំនួន៦៦គ្រឿង ដែលមានតម្លៃសរុប ប្រមាណជា៨ពាន់លានដុល្លារ ឲ្យទៅកោះតៃវ៉ាន់។ ច្បាស់ណាស់ហើយថា ការសម្រេចចិត្តនេះ បានបង្កការឆេះដុំ ដល់ក្រុងប៉េកាំង ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...