កុមារអាយុ១១ឆ្នាំ បានធ្វើដំណើរតែម្នាក់ឯង ដើម្បីភៀសខ្លួន ចេញពីសង្គ្រាមឈ្លានពាន បង្កឡើងដោយប្រទេសរ៉ុស្ស៊ី។ កុមារ បានចាកចេញពីលំនៅដ្ឋានខ្លួន ដែលស្ថិតក្នុងក្រុង«Zaporijjia» ភាគខាងកើតអ៊ុយក្រែន និងធ្វើដំណើរឆ្លងព្រំដែនអ៊ុយក្រែន-ស្លូវ៉ាគី (ភាគខាងលិច) ដោយមាននឹងខ្លួនត្រឹមតែសម្ពាយមួយ លិខិតឆ្លងដែន​របស់កុមារ និងលេខទូរស័ព្ទកត់នៅលើខ្នងដៃ​របស់ខ្លួន​ប៉ុណ្ណោះ។ 

នគរបាលរបស់ប្រទេសស្លូវ៉ាគី បានអះអាងថា កុមារបានឆ្លងចូលក្នុងប្រទេសស្លូវ៉ាគី តែម្នាក់ឯង ក្រោមហេតុផលថា ម្ដាយរបស់កុមារ ត្រូវមើលថៃទាំជីដូនពិការ មិនអាចដឹកដៃកូនប្រុស ធ្វើដំណើរភៀសសង្គ្រាមបាន។ កុមារាដ៏ក្លាហាន ត្រូវបានក្រុមអ្នកស្ម័គ្រចិត្ត ទទួលយកទៅឲ្យបាយទឹក មុននឹងប្រគល់ឲ្យសាច់ញាតិ ដែលកំពុងរស់នៅក្នុងរដ្ឋធានី «Bratislava» នៃប្រទេសស្លូវ៉ាគី។

ស្ត្រីជាម្ដាយ ដែលគេស្គាល់ឈ្មោះ «Yulia Pisetskaya» បានថ្លែងនៅក្នុងវីដេអូមួយ ដែលបង្ហោះនៅលើបណ្ដាញសង្គមហ្វេសប៊ុក ដើម្បីថ្លែងអំណរគុណ ដល់ប្រទេសស្លូវ៉ាគី និងនិយាយថា អ្នកស្រីបានដាក់កូនប្រុសរបស់ខ្លួន ឲ្យជិះក្នុងរថភ្លើងតែម្នាក់ឯង ដើម្បីធ្វើដំណើរទៅកាន់ព្រំដែន ភាគខាងលិច។

អ្នកស្រីថា៖

«ខ្ញុំសូមថ្លែងអំណរគុណ ដល់អ្នករាល់គ្នា ដែលបានសង្គ្រោះជីវិតកូនប្រុសរបស់ខ្ញុំ។ ប្រទេស[ស្លូវ៉ាគី]របស់​អ្នករាល់គ្នាតូចមែន តែប្រទេសរបស់អ្នកមានអ្នកមានបេះដូងធំ។» 

នគរបាលស្លូវ៉ាគីបានបញ្ជាក់បន្ថែមថា កុមារខាងលើទទួលបានការកោតសសើរ និងការស្រឡាញ់រាប់អាន ពីបណ្ដាជនគ្រប់រូប​ដែលបានជួបកុមារ ព្រោះកុមារមានស្នាមញញឹម សេចក្ដីក្លាហាន និងការប្ដេជ្ញាចិត្តដ៏អស្ចារ្យ៕



You may also like

កីឡា និងបច្ចេកវិទ្យា

«UEFA» ​បណ្ដេញ​ក្រុមរ៉ុស្ស៊ី​ទាំងអស់ ចេញពី​រាល់ការប្រកួត​ឆ្នាំក្រោយ

សង្គ្រាមនៅ​អ៊ុយក្រែន៖ សង្គ្រាមឈ្លានពានអ៊ុយក្រែន បន្តធ្វើឲ្យខាតបង់ កាន់តែធ្ងន់ធ្ងរថែមទៀត ដល់វិស័យកីឡាបាល់ទាត់របស់ប្រទេសរ៉ុស្ស៊ី។ សហភាពបាល់ទាត់អ៊ឺរ៉ុប ហៅកាត់ថា«UEFA» បានសម្រេចនៅថ្ងៃចន្ទនេះ បណ្ដេញ​ក្រុមរ៉ុស្ស៊ី​ទាំងអស់ (ទាំងក្រុមអាជីព ក្រុមជម្រើសជាតិ ទាំងបុរស ទាំងស្ត្រី ...
កម្រមាន

វៀតណាម៖ ទារិកាអាយុ​២ខួប ធ្លាក់ពីជាន់​ទី១២​នៃអគារ តែនៅរស់…

ចយអើយ! បន្ទាប់ពីបានព្យាយាម​តោងរានហាល​មួយសន្ទុះ ទារិកាអាយុ​២ខួប មួយរូប បានផុតដៃពីជាន់ទី១២ ធ្លាក់ចុះមកក្រោម នៃអគាររស់នៅមួយ ក្នុងរដ្ឋធានីហាណូយ (ប្រទេសវៀតណាម) កាលពីថ្ងៃអាទិត្យ ទី២៨ ខែកុម្ភៈកន្លងមក។ ឈុតឆាកដ៏រន្ធត់ ...
ដំណឹង

សង្គ្រាមនៅអ៊ុយក្រែន៖ ស្ត្រីម្នាក់​លើកបដា​ផ្សាយផ្ទាល់​«ពួកគេ​កំពុងកុហក»

នៅទីនេះ «ពួកគេ​កំពុងកុហក» បោកប្រាស់អ្នករាល់គ្នា ! នេះ ជាអ្វីដែលគេអាចអានបាន នៅលើបដារបស់នាង «Marina Ovsiannikova» ដែលត្រូវបាននាងលើកបង្ហាញ នៅលើកញ្ចក់ទូរទស្សន៍រដ្ឋ «Pervy Kanal» ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...