បុរសម្នាក់ត្រូវបានតុលាការ​ផ្ដន្ទាទោស ឲ្យជាប់ពន្ធនាគារ ចំនួន១០ឆ្នាំ កាលពីថ្ងៃពុធ នៅក្នុង​សំណុំរឿង​តាមជម្រះបញ្ជី ជាមួយចោរ​ដោយខ្លួនឯង កាលពីដើមខែ​ឧសភាកន្លងមក។ នេះ បើតាមរបាយការណ៍ របស់បណ្ដាញទូរទស្សន៍ «BBC» ដែលចេញផ្សាយ ក្នុងថ្ងៃព្រហស្បត្តិ៍នេះ។

បន្ទាប់ពីបានអនុវត្តន៍ទោសរួចរាល់ បុរសឈ្មោះ «Mihai Dinisoae» នៅរងទណ្ឌកម្មបន្ថែមមួយទៀត គឺប័ណ្ណបើកបររបស់គាត់ នឹងត្រូវដកទុក (ឬព្យួរ) ក្នុងរយៈពេល៤ឆ្នាំបន្ថែមទៀត។

«BBC» បានរៀបរាប់ថា ហេតុការណ៍បានកើតឡើង នៅព្រឹកថ្ងៃទី៥ ខែឧសភា ឆ្នាំ២០២០ ក្នុងក្រុង«NewCastle» (ភាគខាងជើង) ចក្រភពអង់គ្លេស។ បន្ទាប់ពីម៉ូតូខ្លួន ត្រូវបានជនសង្ស័យ​ពីរនាក់​លួចចេញពីផ្ទះ បុរស «Mihai Dinisoae» អាយុ៣២ឆ្នាំ បានស្ទុះ​បើករថយន្ដ តាមប្រមាញ់​ជនសង្ស័យទាំងពីរ យ៉ាងសម្បើមដៃ (វីដេអូខាងក្រោម)។

នៅពេលតាមទាន់ បុរសម្ចាស់ម៉ូតូបានបុកជនសង្ស័យទាំងពីរមួយទំហឹង បណ្ដាលឲ្យជនសង្ស័យម្នាក់ ដែលជិះពីខាងក្រោយ ខ្ទាតចេញ​ពីម៉ូតូ ទៅបុកនឹងបង្គោលភ្លើង ស្លាប់ភ្លាមនៅនឹងកន្លែង។ ខណៈជនសង្ស័យអ្នកបើកម៉ូតូ ដែលដួលទៅលើដងផ្លូវ បានរងរបួសធ្ងន់ និងត្រូវបញ្ជូន​ទៅកាន់មន្ទីរពេទ្យ។

ការតាមជម្រះបញ្ជី ក្នុងល្បឿនដ៏លឿន ត្រូវបានអាជ្ញាធរមើលឃើញ តាមរយៈវីដេអូ នៃកាម៉េរ៉ាសុវត្ថិភាព ដែលដាក់នៅតាមផ្លូវ និងតាមអាគារមួយចំនួន នៅជុំវិញ។ តាមរូបភាពនោះ គឺឃើញបុរស «Mihai Dinisoae» បានជិះបញ្ច្រាសទិស នៅតាមរង្វង់មូល និងបានបុកម៉ូតូ ជាច្រើនដង។

នៅក្នុងសវនាការ បុរសខាងលើបានថ្លែងទទួលទោស ពីបទមនុស្សឃាតដោយអចេតនា ដោយអះអាងថា ខ្លួនបានតាមប្រមាញ់ចោរទាំងពីរ តាមតែចិត្តក្ដៅរបស់ខ្លួន។

នគរបាលវិញ​បានហៅបុរស «Mihai Dinisoae» ថាជា«ចៅក្រមឃាតករ» ដែលបានទុកឲ្យមនុស្ស ដែលរងគ្រោះ​ដោយសារ​ទង្វើរបស់ខ្លួន ស្លាប់​នៅលើ​ទ្រូងផ្លូវ។ នគរបាលអះអាងទៀតថា ទោះជាដឹងថា ទ្រព្យរបស់ខ្លួនត្រូវបានចោរលួចនោះក្ដី តែបុរសខាងលើ មិនបាន​រាយការណ៍​ពីករណីនេះ ប្រាប់អាជ្ញាធរទេ។ ផ្ទុយទៅវិញ បុរសបានដោះស្រាយ​ទាំងទទឺងទិស តាមតែចិត្តក្ដៅរបស់ខ្លួន និងបង្កហនិភ័យ សម្រាប់បណ្ដា​អ្នកប្រើប្រាស់​ដងផ្លូវ ថែមទៀត។

នៅលើបណ្ដាញសង្គម មនុស្សជាច្រើននាក់ បានសំដែងការអបអរ ចំពោះទង្វើរបស់បុរស«Mihai Dinisoae»។ តែនគរបាល​បាន​ឆ្លើយតប​វិញថា ការជម្រះបញ្ជី​ ជាមួយចោរ​ដោយខ្លួនឯង មិនមែនជាជម្រើសស្របច្បាប់ ហើយការអបអរចំពោះអំពើឃាតកម្ម ជារឿងអគុណធម៌ និងខ្វះការគោរព ទៅដល់គ្រួសារសព៕



You may also like

កីឡា និងបច្ចេកវិទ្យា

«Greenwood» ខ្សែប្រយុទ្ធក្រុម មេនយូ រងការឃុំខ្លួន ពីបទរំលោភ

ខ្សែប្រយុទ្ធវ័យ២០ឆ្នាំ របស់ក្រុម មេនយូ (Manchester United) កីឡាករ «Mason Greenwood» ត្រូវបាននគរបាលចាប់ឃុំខ្លួន ជាបណ្ដោះអាសន្ន ក្រោមបទសង្ស័យ ថាបានប្រព្រឹត្តិអំពើហិង្សា និងរំលោភ។ ...
ដំណឹង

មហាក្សត្រីយានី អេលីហ្សាប៊ែត សោយ​ទិវង្គត ក្នុងជន្មាយុ​៩៦ព្រះវស្សា

ព្រះមហាក្សត្រីយានី របស់ចក្រភពអង់គ្លេស ព្រះនាង អេលីហ្សាប៊ែត ទី២ (Elizabeth 2) បានសោយទិវង្គត ក្នុងជន្មាយុ​៩៦ព្រះវស្សា នៅរសៀលថ្ងៃព្រហស្បត្តិ៍ ទី៨ ខែកញ្ញា ឆ្នាំ២០២២។ ...
ដំណឹង

Covid-19៖ នាយករដ្ឋមន្ត្រី​អង់គ្លេស ត្រូវបាន​ផ្ទេរទៅ​«សង្គ្រោះបន្ទាន់»

លោក បូរីស ចនសុន (Boris Johnson) នាយករដ្ឋមន្ត្រីអង់គ្លេស ដែលបានចូលសម្រាក ក្នុងមន្ទីរពេទ្យ កាលពីយប់ថ្ងៃអាទិត្យ ត្រូវបានផ្ទេរទៅ«សង្គ្រោះបន្ទាន់» ក្នុងរសៀលថ្ងៃចន្ទនេះ។ គួរគូសបញ្ជាក់ដែរថា ក្នុងប្រព័ន្ធព្យាបាល ...

Comments are closed.

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។ ហេតុការណ៍កើតឡើង ...
កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...