លោក «Oleg Sokolov» ប្រវត្តិវិទូជាតិរ៉ុស្ស៊ីម្នាក់ បានរងការផ្ដន្ទាទោស ឲ្យជាប់ពន្ធនាគារចំនួន១២ឆ្នាំកន្លះ ពីបទកាប់គូស្នេហ៍ជាដុំៗ ដោយតុលាការក្រុង «Saint-Pétersbourg» (ភាគខាងលិចប្រទេសរ៉ុស្ស៊ី) កាលពីថ្ងៃសុក្រទី២៥ ខែធ្នូម្សិលម៉ិញ។ សំនុំរឿងដ៏កក្រើក បានបង្កឲ្យផ្ទុះសង្គ្រាមប៉ាកកា ជុំវិញអំពើហិង្សា នៅក្នុងគ្រួសារ ដែលកើតឡើងសឹងជាប្រចាំ នៅក្នុងប្រទេស។

ប្រវត្តិវិទូអាយុ៦៣ឆ្នាំ បានរងការចោទប្រកាន់ ពីបទកាប់គូស្នេហ៍ជាដុំៗ និងកាន់កាប់អាវុធ ដោយគ្មានការអនុញ្ញាត។ មេធាវីការពារក្ដី របស់លោក បានជំទាស់នឹងសាលក្រមខាងលើ និងកំពុងពិចារណា ក្នុងការប្ដឹងឧទ្ធរណ៍ ឡើងទៅតុលាការជាន់ខ្ពស់។ ផ្ទុយទៅវិញ ស្ថាប័នរដ្ឋអាជ្ញា បានទាមទារឲ្យតុលាការ ផ្ដន្ទាទោសលោក ឲ្យជាប់ពន្ធនាគារ រហូតដល់១៥ឆ្នាំ។

លោក «Oleg Sokolov» ដែលជាសាស្ត្រាចារ្យ ក្នុងសាកលវិទ្យាល័យរដ្ឋ នៃក្រុង «Saint-Pétersbourg» បានទទួលស្គាល់ទង្វើរបស់ខ្លួន ដែលបានបាញ់សម្លាប់ ស្ត្រីគូស្នេហ៍អាយុ២៤ឆ្នាំ ឈ្មោះ «Anastassia Echtchenko» កាលពីអំឡុងខែវិច្ឆិកា ឆ្នាំ២០១៩។ លោកបានថ្លែងក្នុងតុលាការថា លោកបាន«ជ្រុលរាលកៃ» បន្ទាប់ពីបានឈ្លោះប្រកែក ដោយពាក្យសំដី ជាមួយនាង «Anastassia Echtchenko» ដែលជាអតីតនិស្សិតរបស់លោក។

បុរសជាប់ចោទ ដែលមានជំនាញ ខាងប្រវត្តិរបស់អធិរាជ «Napoléon» ត្រូវបាននគរបាលចាប់ខ្លួន នៅខណៈលោក កំពុងជ្រមុជទឹកស្ទឹង «Moïka» ជាមួយកាបូបស្ពាយមួយ ដែលក្នុងនោះ មានបំណែកដៃទាំងពីរ របស់ស្ត្រីគូស្នេហ៍ និងកាំភ្លើងខ្លីមួយដើម។ នៅពេលក្រោយមក បំណែករាងកាយផ្សេងទៀត របស់ស្ត្រីវ័យក្មេង ក៏ត្រូវបានរកឃើញដែរ នៅក្នុងទឹកស្ទឹងក្បែរនោះ។

ក្នុងសំនុំរឿងនេះ សាកលវិទ្យាល័យរដ្ឋ នៃក្រុង «Saint-Pétersbourg» បានរងការចោទប្រកាន់ ពីភាពអសកម្មរបស់ស្ថាប័ននេះ ដោយហេតុថា លោក «Oleg Sokolov» ធ្លាប់ប្រពឹត្តិអំពើហិង្សា ក្នុងពេលកន្លងមករួចហើយ។

និស្សិតស្រីម្នាក់ផ្សេង ដែលធ្លាប់មានទំនាក់ទំនង ជាមួយលោក «Oleg Sokolov» ក្នុងឆ្នាំ២០០៨ បានប្ដឹងចោទសាស្ត្រាចារ្យរូបនេះ ថាបានចាប់ចងរូបនាង ទៅនឹងកៅអីមួយ និងបានគម្រាមនាងថា លោកនឹងទុកស្លាកស្នាមឲ្យនាង (ដោយដុតនឹងដែកឆេះក្រហម) បើសិនណា ជានាងមានបំណងចាកចេញ ពីលោក។

ជារៀងរាល់ឆ្នាំ ក្នុងប្រទេសរ៉ុស្ស៊ី ស្ត្រីប្រមាណជា ១៦,៥លាននាក់ បានរងគ្រោះនឹងអំពើហិង្សា ក្នុងគ្រួសារ។ នេះ បើតាមតួលេខ ដែលផ្ដល់ដោយអង្គការជំនាញក្រៅរដ្ឋាភិបាល។ ប៉ុន្តែប្រទេសនេះ ទើបនឹងអនុម័តច្បាប់ ដើម្បីដាក់ទណ្ឌកម្មធ្ងន់ធ្ងរ និងដើម្បីបង្ក្រាបអំពើហិង្សាក្នុងគ្រួសារ នៅឆ្នាំ២០១៧ប៉ុណ្ណោះ៕



You may also like

ដំណឹង

ការចុះចត​បន្ទាន់​មួយ បានសម្លាប់​អ្នក​បើកបរ​«ពីរនាក់» នៅ​ភាគខាងកើត​រ៉ុស្ស៊ី

អ្នកបើកបរយន្ដហោះ និងជំនួយការ ទាំង«ពីរនាក់» បានស្លាប់ នៅក្នុងគ្រោះយន្ដហោះមួយ កាលពីថ្ងៃព្រហស្បត្តិ៍ ក្នុងតំបន់ស៊ីប៊េរី ភាគខាងកើតប្រទេសរ៉ុស្ស៊ី។ យន្ដហោះបានព្យាយាម​ចុះចត​យ៉ាងបន្ទាន់ តែបានជ្រុល ទៅបុកអគារមួយ នៅក្នុងព្រលានយន្ដហោះ។ យ៉ាងណា ...
ដំណឹង

សង្គ្រាមនៅ​អ៊ុយក្រែន៖ កុមារអាយុ១១ឆ្នាំ ភៀសខ្លួន​ឆ្លងប្រទេស​តែម្នាក់ឯង

កុមារអាយុ១១ឆ្នាំ បានធ្វើដំណើរតែម្នាក់ឯង ដើម្បីភៀសខ្លួន ចេញពីសង្គ្រាមឈ្លានពាន បង្កឡើងដោយប្រទេសរ៉ុស្ស៊ី។ កុមារ បានចាកចេញពីលំនៅដ្ឋានខ្លួន ដែលស្ថិតក្នុងក្រុង«Zaporijjia» ភាគខាងកើតអ៊ុយក្រែន និងធ្វើដំណើរឆ្លងព្រំដែនអ៊ុយក្រែន-ស្លូវ៉ាគី (ភាគខាងលិច) ដោយមាននឹងខ្លួនត្រឹមតែសម្ពាយមួយ លិខិតឆ្លងដែន​របស់កុមារ ...
ដំណឹង

រំលោភ​រួចសម្លាប់​ទារិកា អាយុ២ខួប នៅប៉ាគីស្ដង់

នគរបាលប៉ាគីស្ដង់ បានចាប់ខ្លួនជនសង្ស័យ ចំនួន១៧នាក់ ក្នុងថ្ងៃសៅរ៍ទី១០ ខែតុលានេះ បន្ទាប់ពីរកឃើញសាកសពទារិកាមួយរូប អាយុ២ខួប ដែលរងការរំលោភ មុននឹងត្រូវបានសម្លាប់។ ឧក្រិដ្ឋកម្មដ៏ព្រៃផ្សៃនេះ បានបណ្ដាល​ឲ្យគេនឹកឃើញឡើងវិញ នូវព្រឹត្តិការណ៍​ចាប់រំលោភ​ក្មេងស្រីម្នាក់ កាលពីឆ្នាំ២០១៨។ ...

Comments are closed.

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។ ហេតុការណ៍កើតឡើង ...
កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...