ក្នុងចុងសប្ដាហ៍ខាងមុខ រដ្ឋធានីម៉ូស្គូនឹងរង «ព្យុះព្រិល​ដ៏ខ្លាំងក្លា មិនដែល​ធ្លាប់ជួប» ដែលអាចធ្វើឲ្យស្រទាប់ព្រិលធ្លាក់ មានកម្រាស់​​ក្រាស់​ជាងស្រទាប់ព្រិលក្រាស់បំផុត (៧៧សង់ទីម៉ែត្រ) កាលពីខែមីនា ឆ្នាំ២០១៣។ នេះ បើតាមលើកឡើង របស់អ្នកជំនាញ​ខាងឧត្តុនិយម នៅតាមប្រព័ន្ធផ្សព្វផ្សាយរ៉ូស្ស៊ី។

លោក «Evgueni Tichkovets» មកពីមជ្ឈមណ្ឌលឯកជន ផ្នែកព្យាករណ៍ឧត្តុនិយម ឈ្មោះ «Fobos» ត្រូវបានភ្នាក់ងារព័ត៌មានរ៉ូស្ស៊ី «Ria Novosti» ស្រង់សំដីមកបញ្ជាក់ថា៖

«ជាព្យុះព្រិលទឹកកក ដ៏សាហាវមួយ ហៅថា “Armageddon” ដែលមានដុំព្រិលធំៗ ហើយវាក៏មិនមែន​ជាការសាកល្បង [ធ្លាក់ព្រិល] នោះដែរ តែជាព្រឹត្តិការណ៍ពិត​ដ៏កម្រ ដូចគ្នានឹងការប្រយុទ្ធ​ផ្ដាច់ព្រ័ត្រ​មួយដូច្នេះ។»

លោកបន្តថា ព្យុះព្រិលនឹងចាប់ផ្ដើមមហិទ្ធិរិទ្ធរបស់ខ្លួន ចាប់ពីព្រឹកព្រហាមថ្ងៃសុក្រ និងមានរយៈពេល៣៦ម៉ោង។ សន្ទុះខ្យល់បក់ នឹងមានកម្លាំង ពី១៥ទៅដល់២០ម៉ែត្រ ក្នុងមួយវិនាទី ខណៈសីតុណ្ហភាពអាចធ្លាក់ចុះ រហូតដល់១៥អង្សាសេ​ក្រោមសូន្យ។

អ្នកស្រី «Marina Makarova» អ្នកនាំពាក្យស្ថាប័នឧត្តុនិយមរ៉ុស្ស៊ី «Rosguidromet» បានបញ្ជាក់ដែរថា អព្ភូតហេតុនេះ​កើតមាន​បន្ត​ពីធាតុអាកាស ដែលចុះត្រជាក់ខ្លាំង នៅទ្វីបអ៊ឺរ៉ុបខាងលិច ហើយធ្វើឲ្យស្រទាប់ព្រិល កើនឡើងបន្ថែមយ៉ាងហោច ៤០សង់ទីម៉ែត្រ បន្ថែមពីលើស្រទាប់ព្រិល​ក្នុងពេលនេះ ដែលមានកម្រាម​៣៥សង់ទីម៉ែត្រ នៅរដ្ឋធានីម៉ូស្គូ។

អ្នកនាំពាក្យបន្តថា ស្រទាប់ព្រិលអាចមានកម្រាស់ ក្រាស់ជាង៧៧សង់ទីម៉ែត្រ ដែលជាកម្រាសដ៏ក្រាស់បំផុត កើតមានក្នុង​អព្ភូតហេតុ​ព្យុះព្រិល កាលពីខែមីនា ឆ្នាំ២០១៣។

នៅចំពោះព្រឹត្តិការណ៍ខាងលើ សាលារដ្ឋធានីម៉ូស្គូបានត្រៀមរថយន្ដ និងម៉ាស៊ីនឈូសឆាយព្រិល ប្រមាណជា១៣ ៥០០គ្រឿង និងបុគ្គលិកប្រមាណជា ៦០ ០០០នាក់ ដើម្បីធ្វើយុទ្ធនាការឈូសឆាយព្រិល នៅតាមដងផ្លូវនានា។ កាលពីសិសិររដូវឆ្នាំមុន រដ្ឋធានីម៉ូស្គូ បានទទួលរងអព្ភូតហេតុ​ផ្ទុយគ្នាស្រឡះ ដោយអាកាសធាតុ​បានប្រែ​ជាក្ដៅ ជាងពេលណាៗទាំងអស់ និងមានព្រិល​ធ្លាក់​តិចបំផុត៕



You may also like

កំសាន្ដ

អេនជឺលីណា ជូលី បង្ហាញវត្តមាន​នៅអ៊ុយក្រែន តែត្រូវ​ជម្លៀសខ្លួន​ភ្លាមៗ…

កំពូលតារាហូលីវូដ នាង អេនជឺលីណា ជូលី (Angelina Jolie) បានបង្ហាញវត្តមានដ៏ភ្ញាក់ផ្អើល នៅក្នុងប្រទេសអ៊ុយក្រែន កាលពីចុងខែមេសា​កន្លងមក។ ដំណើរទស្សនកិច្ចនោះ ធ្វើឡើងក្នុងក្របខណ្ឌ នៃតំណាងស្នងការជាន់ខ្ពស់ របស់អង្គការសហប្រជាជាតិ ...
ដំណឹង

«Airbus»​​មួយគ្រឿង​ចុះចត​បន្ទាន់​ ក្នុង​ចំការពោត​នៅ​រ៉ុស្ស៊ី របួស​២៣នាក់

យន្ដហោះប្រភេទ «Airbus A321» ដែលមានមនុស្សជិះទាំងអស់ ២៣៣នាក់ បានចុះចតជាបន្ទាន់ ក្នុងតំបន់មួយក្បែររដ្ឋធានី មូស្គូ បន្ទាប់ពីយន្ដហោះបានហោះ បុកហ្វូងសត្វស្លាប។ តុល្យភាពដំបូង ដែលបានប្រកាសឲ្យដឹង បានអះអាងថា ...
ដំណឹង

EU បរិហារសំដី ពូទីន ដែល​បង្ហាញពី​«ក្ដី​អស់សង្ឃឹម​របស់គាត់»

ការថ្លែងជាថ្មី របស់លោក វ្លាឌីមៀរ ពូទីន (Vladimir Poutine) ប្រធានាធិបតីរ៉ុស្ស៊ី បង្ហាញពី«ក្ដី​អស់សង្ឃឹម​របស់គាត់» នៅក្នុងសង្គ្រាមឈ្លានពានប្រទេសអ៊ុយក្រែន ដែលបានប្រព្រឹត្តិទៅ អស់ជាង៦ខែកន្លងមកហើយ។ នេះ ជាប្រតិកម្មខ្លាំងៗរបស់មេដឹកនាំសហភាពអ៊ឺរ៉ុប ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...