សង្គ្រាមនៅ​អ៊ុយក្រែន៖ សង្គ្រាមឈ្លានពានអ៊ុយក្រែន បន្តធ្វើឲ្យខាតបង់ កាន់តែធ្ងន់ធ្ងរថែមទៀត ដល់វិស័យកីឡាបាល់ទាត់របស់ប្រទេសរ៉ុស្ស៊ី។ សហភាពបាល់ទាត់អ៊ឺរ៉ុប ហៅកាត់ថា«UEFA» បានសម្រេចនៅថ្ងៃចន្ទនេះ បណ្ដេញ​ក្រុមរ៉ុស្ស៊ី​ទាំងអស់ (ទាំងក្រុមអាជីព ក្រុមជម្រើសជាតិ ទាំងបុរស ទាំងស្ត្រី ទាំងក្របខណ្ឌយុវវ័យ) ចេញពីរាល់ការប្រកួតទាំងឡាយ ដែលរៀបចំធ្វើឡើង នៅឆ្នាំក្រោយ ដោយសហភាពមួយនេះ។

នេះ ជាទណ្ឌកម្មថ្មីទៀត បន្ទាប់ពីទណ្ឌកម្មលើកមុន (សម្រេចដោយ សហព័ន្ធបាល់ទាត់ពិភពលោក – FIFA – និងសហភាពបាល់ទាត់អ៊ឺរ៉ុប) ក្នុងការបណ្ដេញក្រុមជម្រើសជាតិរ៉ុស្ស៊ី ចេញពីការប្រកួតបាល់ទាត់ពិភពលោក ដែលនឹងប្រព្រឹត្តិទៅ នៅប៉ុន្មានខែខាងមុខ នៅក្នុងប្រទេសកាតា។

ទណ្ឌកម្មថ្មីរបស់«UEFA» ត្រូវបានប្រកាសឲ្យដឹង តាមរយៈសេចក្ដីប្រកាសព័ត៌មាន ដែលចេញផ្សាយ ក្នុងល្ងាចថ្ងៃចន្ទ ទី២ ខែឧសភា ឆ្នាំ២០២២នេះ នៅលើគេហទំព័រផ្លូវការរបស់ខ្លួន។ នោះ គឺគ្រប់ក្រុមបាល់ទាត់ទាំងអស់ របស់ប្រទេសរ៉ុស្ស៊ី ត្រូវបានដកចេញពីរាល់ការប្រកួត នៃក្របខណ្ឌអ៊ឺរ៉ុប ក្នុងនោះរួមមាន៖

  • UEFA Champions League (បុរស),
  • UEFA Europa League,
  • UEFA Europa Conference League,
  • UEFA Champions League (ស្ត្រី) និង
  • UEFA Youth League

សហភាពបាល់ទាត់អ៊ឺរ៉ុប ក៏បានសម្រេចដកក្រុមរ៉ុស្ស៊ី ចេញពីក្របខណ្ឌជម្រុះ (ក្នុងទ្វីបអ៊ឺរ៉ុប) សម្រាប់ឡើងទៅប្រកួតបាល់ទាត់ពិភពលោក នៅឆ្នាំ២០២៤លើកក្រោយនោះដែរ។ ហើយរាល់កៅអីសិទ្ធិប្រកួត​របស់ក្រុមរ៉ុស្ស៊ី​ដែលនៅទំនេរ នឹងត្រូវផ្ដល់ទៅឲ្យក្រុមផ្សេង។ 

ធ្ងន់ធ្ងរជាងនេះ ស្ថាប័នបាល់ទាត់អ៊ឺរ៉ុប បានដកបេក្ខភាព​របស់ប្រទេសរ៉ុស្ស៊ី ចេញពីការរៀបចំការប្រកួតបាល់ទាត់អ៊ឺរ៉ុប ឆ្នាំ២០២៨ និងឆ្នាំ២០៣២​ថែមទៀត។ ការទទួលរៀបចំព្រឹត្តិការណ៍កីឡា ជាលក្ខណៈអន្តរជាតិ ប្រកបដោយផលប្រយោជន៍ តែងត្រូវបានប្រទេសមានលទ្ធភាពទាំងឡាយ ទាមទារដាក់បេក្ខភាព ដើម្បីឲ្យព្រឹត្តិការណ៍ទាំងនោះ អាចប្រព្រឹត្តិទៅក្នុងប្រទេសផងខ្លួន៕



លំអិតបន្ថែមទៀត

ដំណឹង

Covid-19៖ នៅរុស្ស៊ី រកឃើញ​ករណីឆ្លង​ជិត​១ម៉ឺននាក់ ត្រឹមតែ​១ថ្ងៃ

ប្រទេសរុស្ស៊ី បានរកឃើញករណីឆ្លងជំងឺ «Covid-19» មានចំនួន ៩ ៧០៩នាក់ ត្រឹមតែ​១ថ្ងៃ ខណៈអ្នកជំងឺស្លាប់ មានចំនួន ៩៤នាក់ ដែលជាចំនួនដ៏ច្រើន ជាលើកទី៣ ក្នុងរយៈពេល ...
ដំណឹង

ស៊ី ជិនពីង ថាចិន«មិនចង់ឃើញសង្គ្រាម»​នៅអ៊ុយក្រែន

ជួប​ជាមួយប្រធានាធិបតី​អាមេរិក តាមរយៈទូរស័ព្ទ លោក ស៊ី ជិនពីង (Xi Jinping) ប្រធានាធិបតីចិន បានអះអាងថា ប្រទេសរបស់លោក «មិនចង់ឃើញសង្គ្រាម» នៅក្នុងប្រទេសអ៊ុយក្រែនទេ ដោយគូសបញ្ជាក់ថា ...
ដំណឹង

សង្គ្រាមនៅអ៊ុយក្រែន៖ ស្ត្រីម្នាក់​លើកបដា​ផ្សាយផ្ទាល់​«ពួកគេ​កំពុងកុហក»

នៅទីនេះ «ពួកគេ​កំពុងកុហក» បោកប្រាស់អ្នករាល់គ្នា ! នេះ ជាអ្វីដែលគេអាចអានបាន នៅលើបដារបស់នាង «Marina Ovsiannikova» ដែលត្រូវបាននាងលើកបង្ហាញ នៅលើកញ្ចក់ទូរទស្សន៍រដ្ឋ «Pervy Kanal» ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...