ការប្រកួតវគ្គជម្រុះក្នុងពូល​រវាងក្រុម ដាណឺម៉ាក និងក្រុម ហ្វាំងឡង់ ត្រូវបានផ្អាកជាច្រើននាទីទី ក្នុងរសៀល​ថ្ងៃសៅរ៍ ទី១២ ខែមិថុនានេះ បន្ទាប់ពីខ្សែបម្រើ របស់ក្រុមដាណឺម៉ាក កីឡាករ គ្រីស្យង់ អេរីសិន (Christian Eriksen) បានរងអាការៈគាំងបេះដូង។

ខ្សែបម្រើអាយុ២៩ឆ្នាំ បានដួលដេកនៅលើទីលានប្រកួត នៅនាទីទី៤៣ (ក្នុងលទ្ធផល ០-០) ក្នុងកីឡដ្ឋាន​នៃរាជធានី កូផេនហាក (Copenhague) ប្រទេសហ្វាំងឡង់។ ហេតុការណ៍ដ៏រំជួលចិត្ត បានបញ្ឈប់​ការប្រកួតភ្លាមៗ ដើម្បីអនុញ្ញាត​​ឲ្យក្រុមអ្នកជួយសង្គ្រោះ ចូលមកធ្វើអន្តរាគមន៍ជាបន្ទាន់ ដើម្បីធ្វើចលនាបេះដូង ឲ្យកីឡាកររងគ្រោះ។

កីឡាករដាណឺម៉ាកទាំងអស់បាននាំគ្នាឈរធ្វើជារនាំង ដើម្បីជួយលាក់សកម្មភាពជួយសង្គ្រោះ ពីបណ្ដា​ម៉ាស៊ីនថត​ទាំងឡាយ។ ភរិយារបស់កីឡាករ អេរីសិន ក៏បានចុះមកមើលស្វាមីខ្លួន នៅនឹងកន្លែងដែរ។

នៅជាង១០នាទីក្រោយមក កីឡាកររងគ្រោះ ត្រូវបានបញ្ជូនចេញពីទីលានប្រកួត ទៅកាន់មន្ទីរពេទ្យ ខណៈក្រុមកីឡាករ​របស់ប្រទេស​ហ្វាំងឡង់ បានចូលក្នុងបន្ទប់សម្រាក តាំងពីហេតុការណ៍​បានកើតឡើង​ភ្លាមៗ។ ដំណឹងដែល​ទើបនឹងធ្លាក់​​មកដល់មុននេះ បានអះអាងថា កីឡាករ អេរីសិន បានភ្ញាក់​ដឹងខ្លួន​មកវិញ និងស្ថិតក្នុងស្ថានភាព​នឹងនរ ជាធម្មតា។

ជំនួបរវាងក្រុម​ជម្រើសជាតិទាំងពីរ ដែលស្ថិតក្នុងក្រុម«B» បានវិលចូលក្នុងទីលានប្រកួតវិញ នៅវេលាម៉ោង២០ និង៣០នាទី (ម៉ោងក្នុងស្រុក) ពោលគឺបន្ទាប់ពី​ផ្អាកអស់រយៈពេល ប្រមាណជា១ម៉ោង៤៥នាទី៕



You may also like

កីឡា និងបច្ចេកវិទ្យា

Euro Cup 2020៖ អេស្ប៉ាញ ឡើង១/២​ក្រោយឈ្នះ ស្វីស យ៉ាងពិបាក

ក្រុមជម្រើសជាតិរបស់ប្រទេស អេស្ប៉ាញ បានទទួលសំបុត្រ ឡើងទៅវគ្គ១/២ បន្ទាប់ពីបំបាក់ក្រុម ស្វីស ដោយ​គ្រាប់បាល់កាត់សេចក្ដី ៣-១ ក្នុងល្ងាចថ្ងៃសុក្រនេះ។ ជាការប្រកួតវគ្គ១/៤ (ឬហៅថាវគ្គ៨ក្រុម) នៃការដណ្ដើម​ពានអ៊ឺរ៉ុប ឆ្នាំ២០២០ ...
កីឡា និងបច្ចេកវិទ្យា

Euro Cup 2020៖ អ៊ីតាលីឡើង​«ផ្ដាច់ព្រ័ត្រ»​ក្រោយ​ឈ្នះ​បាល់កាត់សេចក្ដី

ក្រុមជម្រើសជាតិ អ៊ីតាលី បានទទួលសំបុត្ររបស់ខ្លួន ដើម្បីឡើងទៅប្រកួត នៅវគ្គ«ផ្ដាច់ព្រ័ត្រ» បន្ទាប់ពីបាន​យកឈ្នះ លើក្រុម អេស្ប៉ាញ ក្នុងការប្រកួតវគ្គ១/២ ដោយគ្រាប់បាល់កាត់សេចក្ដី ៤-២ ក្នុងយប់ថ្ងៃអង្គារនេះ នាកីឡដ្ឋាន«Wembley» ...
កីឡា និងបច្ចេកវិទ្យា

Super Cup ៖ ហង្សក្រហម បំបាក់ ឆែលស៊ី ដោយបាល់១១ម៉ែត្រ

ក្រុមហង្សក្រហម លីវើភូល (Liverpool FC) បានលើកពានអ៊ឺរ៉ុប ក្របខណ្ឌ «Super Cup» ឆ្នាំ២០១៩ក្នុងយប់ថ្ងៃទី១៤ ខែសីហានេះ បន្ទាប់ពីបានប្រកួតឈ្នះក្រុមតោខៀវ ឆែលស៊ី (Chelsea ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...