កីឡា និងបច្ចេកវិទ្យាបាល់ទាត់

ចាប់ឆ្នោត ដណ្ដើមជើងឯកអ៊ឺរ៉ុប – មេនស៊ីធីជួបស្ពួរ ខណៈមេនយូជួបបាសា

លទ្ធផលនៃការចាប់ឆ្នោត សម្រាប់ការប្រកួត ក្នុងវគ្គ១ភាគ៤ផ្ដាច់ព្រ័ត្រ ក្របខណ្ឌ ដណ្ដើមជើងឯកអ៊ឺរ៉ុប «Champions League» ឆ្នាំ២០១៨-២០១៩ បានចេញមកហើយ។

ក្រុមអាហ្សាក់អាមស្ទែដាម (Ajax Amsterdam – ហូឡង់) ដែលទើបជម្រុះក្រុម​រៀលម៉ាឌ្រីត (Real Madrid – អេស្បាញ) ជើងឯកអ៊ឺរ៉ុបបីរដូវកាល នឹងត្រូវជួបជាមួយសេះបង្កង់អ៊ីតាលី គឺក្រុមជូវេនទូស (Juventus Turin – អ៊ីតាលី) ដែលទើបនឹងទម្លាក់ក្រុមអាត្លេទីកូ (Atlético Madrid – អេស្ប៉ាញ) កាលពីប៉ុន្មានថ្ងៃមុន។

ក្រុមលីវើភូល (Liverpool – អង់គ្លេស) ដែលឡើងដល់វគ្គផ្ដាច់ព្រ័ត្រ កាលពីឆ្នាំមុន ហើយទើបជម្រុះក្រុមជើងឯកអាល្លឺម៉ង់ បាយឺនមូនិច (Bayern Munich – អាល្លឺម៉ង់) នឹងត្រូវជួបប្រកួត ទល់នឹងក្រុមព័រតូ (FC Porto – ព័រទុយហ្គាល់) ហៅក្រុមនាគខៀវ ដែលបានបំពាក់ក្រុមរ៉ូម៉ា (Roma FC – អ៊ីតាលី) កាលពីសប្ដាហ៍មុន។

ខណៈក្រុមស្ពួរ តូទេនហាម (Tottenham – អង់គ្លេស) នឹងត្រូវជួបក្រុមអង់គ្លេសដូចគ្នា គឺក្រុមមេនឆេស្ទ័រស៊ីធី (Manchester City – អង់គ្លេស) ដែលហាក់មានកម្លាំងខ្លាំងណាស់ បន្ទាប់ពីបានលត់ក្រុម ក្រុម សាលកេ០៤ (Schalke 04 – អាល្លឺម៉ង់) ដោយគ្រាប់បាល់ ៧-០។

ចំណែកក្រុមអ្នកមានបុណ្យ បាសឺឡូន (FC Barcelone – អេស្ប៉ាញ) ត្រូវជួបតតាំង ទល់នឹងក្រុមបីសាចក្រហមអង់គ្លេស មេនឆេស្ទ័រយូណាយធីត (Manchester United អង់គ្លេស) ដែលបានបំបាក់មុខ ក្រុមអ្នកមានថ្មីបារាំង ប៉ារីសស៊ាំងហ្សែរម៉ាំង (Paris Saint-Germain – បារាំង) ដល់ក្នុងផ្ទះ។

ថ្ងៃប្រកួត«ដណ្ដើមជើងឯកអ៊ឺរ៉ុប» ចាប់ពីវគ្គនេះទៅ…

ការប្រកួត«ទៅ» ឬជុំទី១ នៃវគ្គ១ភាគ៤ផ្ដាច់ព្រ័ត្រ (ឬវគ្គ៨ក្រុម) នឹងប្រព្រឹត្តិទៅ នៅថ្ងៃទី៩-១០ ខែមេសាខាងមុខ។ ខណៈការប្រកួត«ត្រឡប់» ក្នុងវគ្គដដែល នឹងត្រូវធ្វើនៅមួយសប្ដាហ៍ក្រោយមក។

ក្រុមដែលឈ្នះ ចេញពីវគ្គ១ភាគ៤ នឹងឡើងទៅវគ្គពាក់កណ្ដាលផ្ដាច់ព្រ័ត្រ (ឬវគ្គ៤ក្រុម) នៅថ្ងៃទី៣០ ខែមេសា – ថ្ងៃទី១ ខែឧសភា សម្រាប់ការប្រកួត«ទៅ» និងនៅថ្ងៃទី៧-៨ ខែឧសភា សម្រាប់ការប្រកួត«ត្រឡប់»។ រីឯការប្រកួតផ្ដាច់ព្រ័ត្រ នឹងត្រូវធ្វើនៅថ្ងៃសៅរ៍ ទី១ ខែមិថុនា នៅនឹងទីកន្លែងតែមួយ គឺកីឡដ្ឋាន «Estadio Metropolitano» របស់ក្រុមអាត្លេទីកូម៉ាឌ្រីត៕

» ផែនទីនៃការប្រកួត ចាប់ពីវគ្គ១ភាគ៤៖



លំអិតបន្ថែមទៀត

កីឡា និងបច្ចេកវិទ្យា

អ៊ីតាលី លើកពានជើងឯក«អ៊ឺរ៉ុប ឆ្នាំ២០២០» បន្ទាប់ពី​បំបាក់ អង់គ្លេស

ក្រុមជម្រើសជាតិ អ៊ីតាលី បានលើកពានជើងឯក«អ៊ឺរ៉ុប ឆ្នាំ២០២០» បន្ទាប់ពីបានបំបាក់ក្រុម អង់គ្លេស ដោយ​បាល់​កាត់សេចក្ដី ៣-២ ក្នុង​ការប្រកួត​ផ្ដាច់ព្រ័ត្រ​ដ៏តឹងតែង ដែលទទួលបានលទ្ធផលស្មើ ១-១ ទាំងក្នុង​រយៈពេល​៩០នាទី និងទាំងរយៈពេលបន្ថែមម៉ោង១៥+១៥=៣០នាទី។ ...
កីឡា និងបច្ចេកវិទ្យា

សារព័ត៌មាន​អ៊ីតាលី លត់​ក្រុម​សេះបង្កង់ ក្រោយ​ប្រកួត​ចាញ់ លីយ៉ុង

CHAMPIONS LEAGUE 2020៖ មួយថ្ងៃក្រោយប្រកួតចាញ់ ក្រុម លីយ៉ុង (Olympique Lyonais – បារាំង) ដោយពិន្ទុ ១-០ សារព័ត៌មានក្នុងប្រទេសអ៊ីតាលី ...
កីឡា និងបច្ចេកវិទ្យា

Super Cup ៖ ហង្សក្រហម បំបាក់ ឆែលស៊ី ដោយបាល់១១ម៉ែត្រ

ក្រុមហង្សក្រហម លីវើភូល (Liverpool FC) បានលើកពានអ៊ឺរ៉ុប ក្របខណ្ឌ «Super Cup» ឆ្នាំ២០១៩ក្នុងយប់ថ្ងៃទី១៤ ខែសីហានេះ បន្ទាប់ពីបានប្រកួតឈ្នះក្រុមតោខៀវ ឆែលស៊ី (Chelsea ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...