កីឡា និងបច្ចេកវិទ្យាបាល់ទាត់

វគ្គ​ផ្ដាច់ព្រ័ត្រ​ដណ្ដើម​ជើងឯក​អ៊ឺរ៉ុប​ឆ្នាំនេះ ជា​ក្រុម​អង់គ្លេស​១០០%

ក្រុមថូថេនហាម (Tottenham FC – អង់គ្លេស) ទើបនឹងបំបាក់ក្រុម អាហ្សាក់ (Ajax Amsterdam – ហូឡង់) ឲ្យដួលបះជើងវិញ ដើម្បីឡើងទៅជួបក្រុម លីវើភូល (Liverpool FC – អង់គ្លេស) នៅវគ្គផ្ដាច់ព្រ័ត្រ សម្រាប់ដណ្ដើមជើងឯកអ៊ឺរ៉ុប «Champions League» ប្រចាំរដូវកាល ២០១៨-២០១៩។ ជាការប្រកួតផ្ដាច់ព្រ័ត្រ ដែលក្រុមទាំងពីរ​សុទ្ធសឹង​«ជា​ក្រុម​អង់គ្លេស​១០០%»។

អ្វីដែលគេត្រូវស្ងើចសរសើរ ក្រុមអង់គ្លេសទាំងពីរ គឺការប្រយុទ្ធតបតរវិញ ទៅលើក្រុមគូប្រកួត ដែលសុទ្ធតែទទួលបានជ័យជំនះ នៅក្នុងការប្រកួត«ទៅ» កាលពីសប្ដាហ៍មុន។

តែនៅក្នុងការប្រកួតត្រឡប់ កាលពីយប់ថ្ងៃអង្គារ​ ទី៧ ខែឧសភាម្សិលម៉ិញ ក្រុមលីវើភូល ហៅហង្សក្រហមអង់គ្លេស បានបំបាក់ក្រុមបាសឺឡូន ដោយពិន្ទុ ៤-០ ដើម្បីឡើងទៅរង់ចាំ នៅវគ្គផ្ដាច់ព្រ័ត្រមុន។ កាលពីសប្ដាហ៍មុន ក្រុមហង្សក្រហម បានចាញ់ក្រុមបាសឺឡូន ក្នុងពិន្ទុ០-៣។

ការប្រកួត «ComeBack»

រីឯការប្រកួត «ត្រឡប់» ក្នុងយប់ថ្ងៃពុធទី៨ ខែឧសភានេះ រវាងក្រុម អាហ្សាក់ ទល់នឹងក្រុមថូថេនហាម ក៏ក្រុមបាល់ទាត់អង់គ្លេស បានបំបាក់ក្រុមបាល់ទាត់ហូឡង់ ក្នុងគ្រាប់បាល់ ២-៣ ដែរ ខណៈលទ្ធផលនៃការប្រកួត «ទៅ» កាលពីសប្ដាហ៍មុន ក្រុម ស្ពឺរ បានចាញ់ក្រុមអាហ្សាក់ ០-១។

ពិន្ទុសរុប ថូថេនហាម-អាហ្សាក់ ទាំងប្រកួត«ទៅ»និង«ត្រឡប់» ទទួលបានស្មើគ្នា ៣-៣។ តែលក្ខន្តិកៈ នៃការប្រកួតក្របខណ្ឌអ៊ឺរ៉ុបមួយនេះ តម្រូវឲ្យផ្ដល់ជ័យជំនះ ទៅក្រុមណា ដែលរកគ្រាប់បាល់ នៅផ្ទះគូប្រកួតបានច្រើនជាង។ វាជាករណីរបស់ក្រុម ថូថេនហាម ដែលយប់នេះ រកគ្រាប់បាល់ បាន៣គ្រាប់ ក្នុងផ្ទះរបស់ក្រុម អាហ្សាក់ ដែលរកបានគ្រាប់បាល់ បានតែមួយគ្រាប់ កាលពីសប្ដាហ៍មុន នៅក្នុងផ្ទះរបស់ក្រុម ថូថេនហាម។

យ៉ាងណា ក៏ទិដ្ឋភាពនៃការប្រកួត រវាងក្រុមទាំងពីរក្នុងយប់នេះ មានសភាពស្វិតស្វាញណាស់ ជាពិសេសនៅពាក់កណ្ដាលម៉ោង ទី២។

បណ្ដាអ្នកតាមដានបាល់ទាត់ បានគិត នៅក្នុងពាក់កណ្ដាលម៉ោងដំបូងថា ក្រុម ថូថេនហាម ហៅក្រុមស្ពឺរ ហាក់ដូចជាចប់ហើយ ព្រោះបានបណ្ដោយឲ្យក្រុមអាហ្សាក់ រកគ្រាប់បាល់នាំមុខ បានរហូតដល់ទៅពីរគ្រាប់ ដែលរកបានដោយកីឡាករ «Matthijs de Ligt» នៅនាទីទី៥ និងកីឡាករ «Hakim Ziyech» នៅនាទីទី ៣៥។

ផ្ទុយគ្នាស្រឡះ ពីពាក់កណ្ដាលម៉ោងដំបូង នៅពេលត្រឡប់ពីការសម្រាក ១៥នាទីរួច ក្រុមថូថេនហាម បានត្រឡប់មកលើទីលានប្រកួតវិញ ដោយកំណត់ក្នុងចិត្ត ពីការវាយលុកឲ្យខាងតែបាន ជាមួយនឹងក្រឡាបាល់ទាត់ថ្មី ដែលត្រូវបានគ្រូបង្វឹក ប្ដូរជាមួយនឹងខ្សែប្រយុទ្ធបន្ថែមទៀត គឺកីឡាករ «Fernando Llorente»។

ដោយហេតុនេះហើយ ទើបក្រុមថូថេនហាម មានកម្លាំងវាយលុកខ្លាំងជាងពាក់កណ្ដាលម៉ោងដំបូង ហើយរកឱកាសបានច្រើន ដែលបើកឲ្យខ្សែប្រយុទ្ធជាតិប្រេស៊ីល កីឡាករ «Lucas Moura» រកគ្រាប់បាល់បានជាបន្តបន្ទាប់ រហូតដល់ទៅ៣គ្រាប់តែឯង (នាទីទី​៥៥ និងនាទីទី៥៩) ហើយជាពិសេស គឺកីឡាកររូបនេះ រកគ្រាប់បាល់បាន នៅជិតចុងម៉ោងបំផុត គឺនៅនាទីទី៩០+៦។

ថូថេនហាម និង លីវើភូល ជា​ក្រុម​អង់គ្លេស​១០០% !

ដូច្នេះ ក្រុមថូថេនហាម និងក្រុម លីវើភូល នឹងត្រូវបានជួបប្រកួតគ្នា នៅវគ្គចុងបញ្ចប់ ដើម្បីដណ្ដើមពាន ជាជើងឯកអ៊ឺរ៉ុប «Champions League» ប្រចាំរដូវកាលនេះ ដែលនឹងប្រព្រឹត្តិតទៅ នៅថ្ងៃទី១ ខែមិថុនា ឆ្នាំ២០១៩ ក្នុងកីឡដ្ឋាន «Metropolitano» នៃរាជធានីម៉ាឌ្រីត ប្រទេសអេស្ប៉ាញ៕

» សង្ខេបការប្រកួត រវាងក្រុមអាហ្សាក់ និងក្រុមថូថេនហាម៖



លំអិតបន្ថែមទៀត

កីឡាករ លីយ៉ូនែល ម៉េស៊ី កំពូលខ្សែប្រយុទ្ធរបស់ក្រុម បាសឺឡូន។ (រូបថតក្រុមបាសឺឡូន)
កីឡា និងបច្ចេកវិទ្យា

សារព័ត៌មានអ៊ឺរ៉ុប​លត់ក្រុម បាសឺឡូន ដែលរង​ការបាក់មុខ​ជាប្រវត្តិសាស្ត្រ

បរាជ័យជាប្រវត្តិសាស្ត្រ របស់ក្រុម បាសឺឡូន (FC Barcelonne – អេស្ប៉ាញ) កាលពីយប់​ថ្ងៃសុក្រ ទល់នឹងក្រុម បាយ៉ឺន (Bayern Munich – ...
កីឡា និងបច្ចេកវិទ្យា

Champions League៖ ក្រុមធំៗ​នៅអ៊ឺរ៉ុប​ជួបគ្នាទៀត ក្នុង​រដូវកាល​ថ្មី

ការប្រកួតសម្រាប់វគ្គជម្រុះ (ពូល) នៃក្របខណ្ឌដណ្ដើមពានអ៊ឺរ៉ុប (Champions League) ក្នុង​រដូវកាល​ថ្មី ២០២០-២០២១ ត្រូវបានចាប់ឆ្នោត ចេញជារូបរាងហើយ កាលពី​ប៉ុន្មាន​នាទី​មុន។ ជាពិធីចាប់ឆ្នោត ស្វែងរកគូប្រកួត នៅក្នុងពូល ...
កីឡា និងបច្ចេកវិទ្យា

Champions League៖ ក្រុម​ខ្លាំងៗ​បះ​គ្នា ក្នុង​វគ្គ១ភាគ៨

ក្របខណ្ឌដណ្ដើមពានអ៊ឺរ៉ុប (Champions League) ៖ ការចាប់ឆ្នោត សម្រាប់រកដៃគូប្រកួត គ្នុងវគ្គ១ភាគ៨ផ្ដាច់ព្រ័ត្រ (ឬវគ្គ១៦ក្រុម) ក្នុងថ្ងៃចន្ទទី១៧ ខែធ្នូ ឆ្នាំ២០១៨នេះ នាក្រុង «Nyon» ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អង្គការលើកលែងទោស ស្នើ«FIFA»ដាក់សម្ពាធលើប្រទេសកាតា

កីឡា និងបច្ចេកវិទ្យា

Europa League ៖ ៨ក្រុម​ចុងក្រោយ សម្រាប់​រដូវកាល២០២០-២១

បន្ទាប់ពីជ័យជំនះ​របស់ក្រុមបាល់ទាត់ចំនួន៨ នៅក្នុងការប្រកួត​​ជុំទី២ ក្នុងយប់ថ្ងៃព្រហស្បត្តិ៍ សប្ដាហ៍នេះរួច ខាង​ក្រោម​ជាបញ្ជីក្រុម​ទាំង​«៨ក្រុម​ចុងក្រោយ» សម្រាប់រដូវកាលឆ្នាំ២០២០-២០២១ នៃក្របខណ្ឌដណ្ដើម​ជើងឯក​រង នៅទ្វីបអ៊ឺរ៉ុប «Europa League» (សរសេរជូន​ជាអក្សរឡាតាំង) ៖ (ឈ្មោះក្រុមបាល់ទាត់ ...
កីឡា និងបច្ចេកវិទ្យា

Champions League៖ ៨ក្រុម​ចុងក្រោយ សម្រាប់​រដូវកាល២០២០-២១

បន្ទាប់ពីជ័យជំនះ​របស់ក្រុមបាល់ទាត់ចំនួន៤ នៅក្នុងការប្រកួត​​យប់ថ្ងៃអង្គារ និងថ្ងៃពុធ សប្ដាហ៍នេះរួច ខាងក្រោម​ជាបញ្ជីក្រុម​ទាំង​«៨ក្រុម​ចុងក្រោយ» សម្រាប់រដូវកាលឆ្នាំ២០២០-២០២១ នៃក្របខណ្ឌដណ្ដើមជើងឯកអ៊ឺរ៉ុប «Champions League» (សរសេរជូន​ជាអក្សរឡាតាំង) ៖ (ឈ្មោះក្រុមបាល់ទាត់ និងឈ្មោះប្រទេស ...