កីឡា និងបច្ចេកវិទ្យាបាល់ទាត់

ក្រុម​លីវើភូល ​បំបាក់​អ្នកមានបុណ្យ ៤-០ ហើយ​ឡើងទៅ​ផ្ដាច់ព្រ័ត្រ

ក្រុម​លីវើភូល (Leverpool FC – អង់គ្លេស) បានប្រកួតចាញ់ក្រុមបាសឺឡូន (Barcelone FC – អេស្ប៉ាញ) ក្នុងពិន្ទុ ០-៣ កាលពីសប្ដាហ៍មុន នៅក្នុងការប្រកួត«ទៅ»​… ក្រុមលីវើភូល​​មិនមានកីឡាករល្បី ដូចយ៉ាងកីឡាករ លីយ៉ូនែល ម៉េស៊ី (Lionel Messi) ហើយក្រុមលីវើភូល ថែមទាំងបាត់កីឡាករខ្សែប្រយុទ្ធ ដ៏សំខាន់ៗរបស់ខ្លួន កីឡាករ មហាមេដ សាឡា (Mohamed Salah) ដែលបានរងរបួស…

តែនៅក្នុងការប្រកួត​«ត្រឡប់» នាយប់នេះ នៅកីឡដ្ឋាន «Anfield» ដែលជាផ្ទះរបស់ខ្លួន ក្រុមលីវើភូលហៅហង្សក្រហមអង់គ្លេស បានលេងរួមគ្នាជាក្រុម និងមានវិធីដើម្បីយកឈ្នះ ទល់នឹងក្រុមបាសឺឡូន ហៅក្រុមអ្នកមានបុណ្យ មកពីប្រទេសអេស្ប៉ាញ។

ក្រុមហង្សក្រហមបានបំបាក់ ក្រុមអ្នកមានបុណ្យ ដោយពិន្ទុ៤-០ (ពិន្ទុសរុបទាំងពីរប្រកួត ៤-៣) ក្នុងការប្រកួត វគ្គពាក់កណ្ដាលផ្ដាច់ព្រ័ត្រ (វគ្គ៤ក្រុម) ដើម្បីដណ្ដើមជើងឯកអ៊ឺរ៉ុប «Champions League» ប្រចាំរដូវកាល ២០១៨-២០១៩។

គ្រាប់ទាំងបួនរបស់ក្រុមហង្សក្រហម រួមមាន ពីរគ្រាប់​រកបានដោយកីឡាករ «Divock Origi» នៅនាទីទី៧ និងនាទីទី៧៩ ខណៈពីរគ្រាប់ផ្សេងទៀត រកបានដោយកីឡាករ «Georginio Wijnaldum» នៅនាទីទី ៥៤ និងនាទីទី៥៦។

ជ័យជំនះរបស់ក្រុមលីវើភូល បានផ្ដល់ឱកាសឲ្យក្រុមនេះ ឡើងទៅប្រកួតនៅវគ្គផ្ដាច់ព្រ័ត្រ ដែលគូប្រជែង នឹងត្រូវឲ្យដឹង បន្ទាប់ពីការប្រកួត «ត្រឡប់» រវាងក្រុម អាហ្សាក់ អាមស្ទែដាម (Ajax Amsterdam – ហូឡង់) ទល់នឹងក្រុម ថូថែមហាម (Tottenham – អង់គ្លេស) ក្នុងយប់ថ្ងៃស្អែក៕

» សង្ខេបការប្រកួត៖



You may also like

កីឡា និងបច្ចេកវិទ្យា

ជាមួយក្រុមប៉ារីស ណីម៉ា «សប្បាយចិត្ត​ជាងពេលណា​ទាំងអស់»

ណីម៉ា (Neymar Jr) សប្បាយចិត្ត​ជាងពេលណា​ទាំងអស់ ដែលបានលេង នៅជាមួយក្រុមប៉ារីស (Paris Saint-Germain – បារាំង)។ នេះ ជាការអះអាងឡើង របស់កំពូលកីឡាជាតិប្រេស៊ីល ...
កីឡា និងបច្ចេកវិទ្យា

«ហង្សក្រហម»​បំបាក់​ជើងឯក​អាល្លឺម៉ង់ ដើម្បី​ឆ្លងវគ្គ​យ៉ាងអង់អាច

បើទោះជាក្នុងរដូវកាលនេះ ក្រុមលីវើភូល (Liverpool FC) ហៅ«ហង្សក្រហម» បានប្រកួតចាញ់បីលើក នៅក្នុងការប្រកួតវគ្គជម្រុះនោះក្ដី តែក្នុងការប្រកួត«ត្រឡប់»យប់នេះ ទល់នឹងក្រុម បាយ៉ឺនអាល្លឺម៉ង់ (Bayern Munich) ក្រុម«ហង្សក្រហម»បានទប់ទល់ ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...