ប្រធានាធិបតីអាមេរិក លោក ចូ បៃដិន (Joe Biden) បាននិយាយកាលពីថ្ងៃចន្ទថា លោកនឹង«មិនលេបសម្ដី»របស់លោក ដែលបានថ្លៃងក្នុងដំណើរទស្សនកិច្ច ក្នុងប្រទេសប៉ូឡូញ និងដែលធ្វើឲ្យមានការបកស្រាយថា លោកចង់ឱ្យប្រធានាធិបតីរ៉ុស្ស៊ី លោក វ្ល៉ាឌីមៀ ពូទីន (Vladimir Poutine) ចេញពីអំណាចនោះ។

បើតាមការថ្លែងរបស់លោក បៃដិន នៅមុខអ្នកសារព័ត៌មាន បានឲ្យដឹងថា សំដីរបស់លោកជាការស្ដែងចេញ នូវ”ការខឹងសម្បារ”ផ្ទាល់ខ្លួន និងមិនមែនជា “គោលនយោបាយ” នៃរដ្ឋាភិបាលសហរដ្ឋអាមេរិក សម្រាប់ការផ្លាស់ប្តូររបបដឹកនាំ នៅក្រឹមឡាំងនោះឡើយ។ ប្រធានាធិបតីអាមេរិកបានអះអាងថា លោកនឹង«មិនលេបសម្ដី» ហើយក៏«មិនសុំទោស»អ្វីដែរ។

ក្នុងដំណើរទស្សនកិច្ចរបស់លោក កាលពីថ្ងៃសៅរ៍កន្លងមក នៅក្នុងរដ្ឋធានីវ៉ាសូវី ប្រទេសប៉ូឡូញ លោកប្រធានាធិបតី បៃដិន បានលើកឡើងថា៖

«ដើម្បីសេចក្ដីស្រឡាញ់របស់ព្រះជាម្ចាស់ បុរសម្នាក់នេះ (វ្លាឌីមៀរ ពូទីន) មិនអាច​នៅកាន់អំណាចបន្តទៀតទេ។»

មួយឃ្លានេះ មិនត្រឹមតែបង្កឲ្យមានប្រតិកម្ម ពីសំណាក់វិមានក្រឹមឡាំងប៉ុណ្ណោះទេ តែបានបង្កភាពប្រទាំងប្រទើស ទៅដល់បណ្ដាប្រទេសសម្ព័ន្ធមិត្ត របស់សហរដ្ឋអាមេរិកនោះផងដែរ។ អ្នកជំនាញច្រើននាក់​នៅបស្ចឹមលោក បានលើកឡើង​ជាបន្តបន្ទាប់ថា សេចក្តីប្រកាសរបស់លោក បៃដិន មានសភាពផ្ទុយ​នឹងការខិតខំ​ប្រឹងប្រែង​របស់បស្ចិមលោក ដែលព្យាយាមបង្ហាញពីភាពខុសច្បាប់ នៃការលើកកងទ័ពរ៉ុស្ស៊ី ចូលឈ្លានពានប្រទេសអ៊ុយក្រែន។

នៅចំពោះការលើកឡើងខាងលើ ប្រធានាធិបតីអាមេរិកបានតបវិញថា លោកមិនគិតថា​សម្ដីរបស់លោកប៉ុណ្ណេះ អាចជាលេសដើម្បីឲ្យលោក ពូទីន លើកកងទ័ពប្រកាសសង្គ្រាម ចូលក្នុងប្រទេស​អ៊ុយក្រែនដូច្នេះឡើយ។ លោក បៃដិន បន្តឆ្លើយនឹងសំនួរអ្នកកាសែតទៀតថា លោកមិនខ្វល់នឹងលោក ពូទីន ដែលអាចគិតយ៉ាងណា ចំពោះសម្ដីរបស់លោកនោះទេ។ លោកថា៖

«គាត់ (វ្លាឌីមៀរ ពូទីន) នឹងធ្វើអ្វីដែលគាត់គិតថា គាត់ត្រូវធ្វើ។ គាត់មិនត្រូវស្ថិតក្រោមឥទ្ធិពល ឬទទួលឥទ្ធិពល ពីនរណាម្នាក់ឡើយ។»

យ៉ាងណា លោក ចូ បៃដិន មិនបានច្រានចោល នូវជំនួបកំពូលណាមួយ ជាមួយប្រធានាធិបតីរ៉ុស្ស៊ី ដែលជាសមភាគីរបស់លោកនោះទេ។ ប្រធានាធិបតីអាមេរិក គ្រាន់តែនិយាយតបថា៖ 

«វា​អាស្រ័យ​លើ​អ្វី​ ដែល​គាត់​ចង់​និយាយ (នៅក្នុងជំនួបនោះ) !»



លំអិតបន្ថែមទៀត

ដំណឹង

បៃដិន៖ ការវាយប្រហារ​តាមអ៊ិនធើណែត​ពីរ៉ុស្ស៊ី នឹងទទួល​«ការឆ្លើយតប»

ការវាយប្រហារផ្នែកបច្ចេកវិទ្យា តាមបណ្ដាញអ៊ិនធើណែត ពីសំណាក់ប្រទេសរ៉ុស្ស៊ី ទៅលើបណ្ដាភ្នាក់ងាររដ្ឋាភិបាលអាមេរិក នឹង​មិនអាច​បន្តនៅ​ដោយគ្មាន​«ការឆ្លើយតប»ឡើយ។ ប្រធានាធិបតីជាប់ឆ្នោតថ្មី របស់សហរដ្ឋអាមេរិក លោក ចូ បៃដិន (Joe Biden) បានអះអាងឡើងយ៉ាងដូច្នេះ ...
ដំណឹង

អាមេរិក៖ ចូ បៃដេន ឈ្នះ ដូណាល់ ត្រាំ ក្លាយជា​«ប្រធានាធិបតីទី៤៦»

បេក្ខជនមកពីគណបក្សប្រជាធិបតេយ្យ លោក ចូ បៃដេន (Joe Biden) បានក្លាយ​ជា​«ប្រធានាធិបតីទី៤៦» នៃសហរដ្ឋអាមេរិក បន្ទាប់ពីលោកទទួលបានការគាំទ្រ លើសពី២៧០​សម្លេង នៃអង្គបោះឆ្នោត (អ្នកតំណាងម្ចាស់ឆ្នោត) ឈ្នះនាំមុខដាច់ ...
ពីឆ្វេងទៅស្ដាំ៖ លោក ចូ បៃដេន និងលោក ដូណាល់ ត្រាំ បេក្ខជនប្រធានាធិបតីអាមេរិក ក្នុងការបោះឆ្នោតឆ្នាំ២០២០។ (រូបថតសហការីលើទ្វីសធើរ)
ដំណឹង

ត្រាំ មិនចូលរួម​ពិធីស្បថ​«ចូលកាន់តំណែង»​របស់ បៃដិន ថ្ងៃ២០មករាទេ

ប្រធានាធិបតីចប់អាណត្តិ លោក ដូណាល់ ត្រាំ (Donald Trump) បានប្រកាសនៅថ្ងៃសុក្រនេះ ថាលោកនឹងមិនចូលរួម ក្នុងពិធីស្បថ​«ចូលកាន់តំណែង»​របស់លោក ចូ បៃដិន (Joe Biden) ...

Comments are closed.

យល់ស៊ីជម្រៅផ្នែក ដំណឹង

ដំណឹង

EU បរិហារសំដី ពូទីន ដែល​បង្ហាញពី​«ក្ដី​អស់សង្ឃឹម​របស់គាត់»

ដំណឹង

មហាក្សត្រីយានី អេលីហ្សាប៊ែត សោយ​ទិវង្គត ក្នុងជន្មាយុ​៩៦ព្រះវស្សា

ព្រះមហាក្សត្រីយានី របស់ចក្រភពអង់គ្លេស ព្រះនាង អេលីហ្សាប៊ែត ទី២ (Elizabeth 2) បានសោយទិវង្គត ក្នុងជន្មាយុ​៩៦ព្រះវស្សា នៅរសៀលថ្ងៃព្រហស្បត្តិ៍ ទី៨ ខែកញ្ញា ឆ្នាំ២០២២។ ...
កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

នៅរដ្ឋធានីរ៉ូម នៃប្រទេសអ៊ីតាលី បុរសម្នាក់បានជាប់ខ្លួននៅក្រោមដី អស់រយៈពេលជាង៨ម៉ោង ដោយហេតុ«ដីធ្លាក់សង្កត់»។ នគរបាលបានសង្ស័យថា បុរសម្នាក់នេះរួមនឹងជនផ្សំគំនិត៣នាក់ទៀត ទំនងជាបានជីករូងក្រោមដី ចេញពីហាងមួយ ដើម្បីគ្រោងចូលលួចធនាគារនៅក្បែរនោះ។ ហេតុការណ៍បានកើតឡើង កាលពីព្រឹក​ថ្ងៃព្រហស្បត្តិ៍ ទី១១ ...