អាជ្ញាធរហ្វីលីពីន​បានឃាត់ខ្លួន មនុស្ស១១នាក់ ក្នុងសំណុំរឿងសង្ស័យរំលោភបូក ទៅលើស្ត្រីបម្រើការលើយន្ដហោះមួយរូប ដែល ត្រូវបានរកឃើញ​ស្លាប់ នៅក្នុងចានងូតទឹក ក្នុងយប់ថ្ងៃឆ្លងឆ្នាំ (៣១ធ្នូ ឆ្នាំ២០២០ ចូលមកព្រឹកថ្ងៃ១មករា ឆ្នាំ២០២១) ក្នុងសណ្ឋាគារ​មួយ ក្បែររដ្ឋធានីម៉ានីល។

ជាព្រឹត្តិការណ៍ ដែលបង្កការភ្ញាក់ផ្អើល ដល់ប្រព័ន្ធផ្សព្វផ្សាយជាច្រើន ទាំងនៅក្នុងទ្វីបអាស៊ី រហូតធ្លាយដល់ទ្វីបអ៊ឺរ៉ុប ក្នុងរយៈពេលប៉ុន្មានថ្ងៃចុងក្រោយនេះ។ ភ្ញាក់ផ្អើល ដោយហេតុថា វាបានកើតឡើង នៅចំយប់ឆ្លងឆ្នាំ លាយឡំដោយភាពតក់ស្លុតផង និងអាថ៌កំបាំងផង។

កញ្ញា «Christine Angelica Dacera» ដែលជាស្ត្រីបម្រើការលើយន្ដហោះ អាយុ២៣ឆ្នាំ របស់ក្រុមអាកាសចរណ៍ «Philippines Airlines» បានចេញដើរ ជាមួយមិត្តភ័ក្ររួមការងារ​របស់នាង ដើម្បីធ្វើពិធីផឹកស៊ីឆ្លងឆ្នាំ ដ៏សប្បាយជោគជាំ មុននឹងបានចូលទៅ​សម្រាក នៅក្នុងសណ្ឋាគារ​ដែលមានឈ្មោះថា «City Garden Hotel»។

សារព័ត៌មានហ្វីលីពីន បានធ្វើសេចក្ដីរាយការណ៍ថា គឺនៅព្រឹកថ្ងៃទី១ ខែមករា វេលាម៉ោងប្រមាណជា១០ កញ្ញា«Christine» ត្រូវបានឃើញនៅក្នុងចានងូតទឹក នៃបន្ទប់ទឹករបស់សណ្ឋាគារ ដោយមិត្តភ័ក្រម្នាក់ ឈ្មោះ«Rommel Galida»។ យុវជនរូបនេះ បានយកភួយទៅដណ្ដប់ឲ្យរូបនាង ដោយគិតថា នាងកំពុងលង់លក់ ក្នុងដំណេកនៅឡើយ មុននឹងខ្លួនឯង ត្រឡប់ចូលទៅគេងវិញដែរ។

ប៉ុន្តែនៅច្រើនម៉ោងក្រោយមក នៅពេលដឹងថា រូបកាយរបស់«Christine»លែងកម្រើក ហើយមានសភាពសស្លាំងនោះ ទើប​«Rommel Galida»ហៅរថយន្ដសង្គ្រោះបន្ទាន់ ដែលបញ្ជូននាងទៅកាន់មន្ទីរពេទ្យ។ តែនៅទីនោះ គ្រូពេទ្យគ្រាន់តែបាន​បញ្ជាក់ថា «Christine» បានស្លាប់បាត់ទៅហើយ។

ការធ្វើកោសល្យវិច្ឆ័យ បានឲ្យដឹងថា ក្នុងខ្លួន«Christine» មានជាតិអាល់កុលដ៏ខ្ពស់ និងមានអាការៈធ្លាយសរសៃឈាម។ រាងកាយនាង មានស្នាមជាំច្រើនកន្លែង ស្នាមដាច់សាច់នៅត្រង់ភ្លៅ និងជង្គង់ រួមនឹងវត្តមានទឹកកាម នៅក្នុងទ្វាមាសរបស់នាងនោះផង។ នេះ បើតាមការអះអាង របស់នាយនគរបាលប្រចាំតំបន់ ដែលត្រូវបានស្រង់សំដី ដោយប្រព័ន្ធផ្សព្វផ្សាយ។

«មនុស្ស១១នាក់ …»

ក្រុមអ្នកស៊ើបអង្កេត បានសង្ស័យពីករណី«រំលោភបូក» ហើយយុវជន១១នាក់ ដែលបានរួមពិធីផឹកស៊ី ក្នុងយប់នោះ ត្រូវបានឃាត់ខ្លួន ដើម្បីសួរចម្លើយ ខណៈយុវជន៣នាក់ ពីក្នុងចំណោមនោះ ត្រូវបានឃុំខ្លួន ពីបទ«រំលោភបូក» និង«មនុស្សឃាត»។ រូបភាពកាមេរ៉ាសុវត្ថិភាព របស់សណ្ឋាគារបានបង្ហាញថា ក្នុងយប់ថ្ងៃនោះ កញ្ញា «Christine» បានដើរចេញចូល ក្នុងសណ្ឋាគារ ជាមួយមិត្តភ័ក្ររបស់នាងទាំងនេះ។

ប៉ុន្តែយុវជនម្នាក់ ពីចំណោមនោះ ឈ្មោះ «Gregorio de Guzman» បានបដិសេធការសង្ស័យខាងលើ ដោយអះអាងថា ខ្លួននិង​យុវជន១០នាក់ទៀត សុទ្ធសឹងជាបុរសៗ ដែលស្រឡាញ់ភេទ​ប្រុសដូចគ្នា។ សារព័ត៌មាន «news.com.au» របស់ប្រទេសអូស្ត្រាលី បានស្រង់សំដី​យុវជនរូបនេះ មកបញ្ជាក់ថា៖

«ដោយហេតុនេះហើយ ទើប”Christine”ចូលចិត្ត នៅ​ជាមួយពួកយើង ព្រោះនាងមានអារម្មណ៍ ថាមានសុវត្ថិភាព។ ហើយពេលយើង​នៅជាមួយគ្នា គ្មាននរណាម្នាក់អផ្សុកទេ៕»



លំអិតបន្ថែមទៀត

ជនសង្ស័យ «Patrick Crusius» នៃការបាញ់ប្រហារដ៏រង្គាលមួយក្នុងមជ្ឈមណ្ឌលពាណិជ្ជកម្ម នៃក្រុង «El Paso» រដ្ឋតិចសាស់។
របាយការណ៍

បាញ់ប្រហារ​នៅ​តិចសាស់ ព្រោះ​ការស្អប់ខ្ពើម? ស្លាប់​២០នាក់ របួស​២៦នាក់

បាញ់ប្រហារ​នៅតិចសាស់ – សហរដ្ឋអាមេរិកបានកាន់ទុក្ខសារជាថ្មី បន្ទាប់ពី​ការបាញ់​ប្រហារ​ដ៏រង្គាលមួយ បានកើតឡើងក្នុងថ្ងៃសៅរ៍ ទី៣ ខែសីហា ឆ្នាំ២០១៩ម្សិលម៉ិញ ក្នុង​មជ្ឈមណ្ឌលពាណិជ្ជកម្ម នៃក្រុង «El Paso» រដ្ឋតិចសាស់ ...
កម្រមាន

ថតវីដេអូ​«បង្អួតពីឧក្រិដ្ឋកម្មខ្លួន» យុវជន​ម្នាក់នេះ​ត្រូវជាប់គុក​១៧ឆ្នាំ

រឿងរ៉ាវកើតឡើង តាំងពីខែមិថុនា ឆ្នាំកន្លងទៅ ក្នុងឧទ្យាន «Finchley Park» នៃរាជធានីឡុងដ៍ ចក្រភពអង់គ្លេស។ យុវជនម្នាក់នេះ ដែលមានអាយុទើបចូល១៨ឆ្នាំ បាន​«បង្អួតពីឧក្រិដ្ឋកម្មខ្លួន»​តាមរយៈវីដេអូមួយ ដែលថតដោយមិត្តរបស់ខ្លួន។ ក្នុងវីដេអូ ...
ដំណឹង

ប្រធានាធិបតី ឌូតែតេ ពង្រឹង​អំណាច​ក្នុង​លទ្ធផល​នៃ​ការបោះឆ្នោត​ព្រឹទ្ធសភា

ជាមួយនឹងសមាជិកព្រឹទ្ធសភាថ្មី ដែលត្រូវជ្រើសតាំង រវាង៦ឆ្នាំម្ដង លោក រ៉ូឌ្រីចូ ឌូតែតេ (Rodrigo Duterte) ប្រធានាធិបតីនៃប្រទេសហ្វីលីពីន កំពុងបោះជំហានទៅគ្រប់គ្រង់ ស្ថាប័ននីតិបញ្ញត្តិជាន់ខ្ពស់មួយនេះ ដែលកន្លងមកតែងជំទាស់ នឹងគោលនយោបាលដ៏ប្រទាំងប្រទើសរបស់លោក។ ...

Comments are closed.

យល់ស៊ីជម្រៅផ្នែក កម្រមាន

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។ ហេតុការណ៍កើតឡើង ...
កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...