ដំណឹងអាស៊ី-ប៉ាស៊ីភិក

ប៉ាគីស្ដង់៖ យុវតីជំទង់​ពីរនាក់ ត្រូវបាន​សម្លាប់​ព្រោះថត​វីដេអូ​ជាមួយ​«ប្រុស»

យុវតីជំទង់​ពីរនាក់ ត្រូវបានសម្លាប់ កាលពីដើមសប្ដាហ៍ កន្លងមក ក្នុងភាគពាយ័ព្យ នៃ​ប្រទេស​ប៉ាគីស្ដង់ ដើម្បី«លាងសម្អាត»កិត្តិយស ឲ្យគ្រួសារ បន្ទាប់ពីពួកនាង បាន​បង្ហោះ​វីដេអូ នៅលើបណ្ដាញសង្កម ឃើញពួកនាង នៅជាមួយយុវជនម្នាក់។

ហេតុការណ៍នេះ បានកើតឡើង ក្នុងតំបន់ «North Waziristan» ដែលជាតំបន់​មួយ សម្បូរដោយជួរភ្នំ និងធ្លាប់ជាបន្ទាយ របស់អង្គការភេរវនិយម អាល់កៃដា (Al-Qaïda)។

នគរបាលតំបន់ ត្រូវបានស្រង់សំដី មកចុះផ្សាយថា យុវតីទាំងពីររូប ម្នាក់អាយុ១៦ឆ្នាំ និងម្នាក់ទៀត ១៨ឆ្នាំ ត្រូវបានសម្លាប់ ដោយសមាជិកម្នាក់ នៃគ្រួសាររបស់នាង និងយកទៅកប់ចោលភ្លាមៗ កាលពីដើមសប្ដាហ៍។

ទង្វើខាងលើ ត្រូវបានភ្នាក់ងារនគរបាលរូបនោះ ហៅថា ជា«ឧក្រិដ្ឋកម្ម ដើម្បីកិត្តិយស» ដែលឧស្សាហ៍កើតមាន នៅក្នុងរង្វង់គ្រួសារ នៃអ្នកកាន់សាសនាឥស្លាម និយមតឹង។

នៅក្នុងវីដេអូដដែល ក្មេងស្រីម្នាក់ទៀត ក៏មានវត្តមាន នៅជាមួយពួកនាង ទាំងពីរនាក់​ដែរ។ នៅខណៈនេះ នគរបាលកំពុងតាមស្វែងរក ក្មេងស្រីរូបនោះ រួមនិងយុវជន ខាងលើ​នោះផង ដើម្បីការពារជីវិតរបស់ពួកគេ។​

បណ្ដាជន ដែលរស់នៅក្នុង​តំបន់​ដាច់ស្រយាលនានា នៅក្នុងប្រទេសប៉ាគីស្ដង់ តែងចាត់​ទុក ទំនាក់ទំនងរវាងស្ត្រី មិនទាន់រៀបការ ជាមួយ«ប្រុស» គឺជាការបំបាក់​​កិត្តិយស​គ្រួសារ របស់ស្ត្រីរូបនោះ យ៉ាងធ្ងន់ធ្ងរ។

ជារៀងរាល់ឆ្នាំ ស្ត្រីប៉ាគីស្ដង់រាប់រយនាក់ បានរង​ទណ្ឌកម្ម ដោយ«ឧក្រិដ្ឋកម្ម ដើម្បី​កិត្តិយស»​​របៀប​នេះ ពីក្រុមគ្រួសាររបស់ពួកនាង។

ប៉ុន្តែក្នុងរយៈពេល ចុងក្រោយ ហេតុការណ៍ដ៏អាក្រក់របៀបនេះ បានថយចុះ យ៉ាងច្រើន ដោយហេតុថា មនុស្សម្នាបានសំងំ នៅតែក្នុងផ្ទះ ព្រោះពួកគេ ខ្លាចមេរោគ «Covid-19»។ នេះ បើតាមការអះអាង របស់អភិបាលតំបន់ និងអង្គការ ឃ្លាំមើលសិទ្ធិមនុស្សអន្តរជាតិ (Human Rights Watch)៕



លំអិតបន្ថែមទៀត

កម្ពុជា

សម្លាប់​មិត្ត​រួចកាប់សពជា​កង់ៗ ព្រោះ​ប្រាក់ជំពាក់​«៧០០​ដុល្លារ»?

ខណៈកូនស្រីជនរងគ្រោះ បានអះអាងថា ជនសង្ស័យជំពាក់ប្រាក់ម្ដាយខ្លួន ៤លាន​រៀល ជនសង្ស័យវិញ បានប្រកាសប្រាប់អាជ្ញាធរថា គឺខ្លួនជំពាក់ប្រាក់ជនរងគ្រោះ ចំនួន​«៧០០​ដុល្លារ» និងមិនទាន់មានបំណងសង ឲ្យគ្រប់ចំនួនក្នុងពេលនេះទេ។ នេះ បើតាមចម្លើយសារភាពរបស់ជនសង្ស័យ ដែលបាននាំក្រុមអាជ្ញាធរ ...
ដំណឹង

ប៉ាគីស្ដង់ បិទលំហអាកាស បន្ទាប់ពី​អះអាង​បានបាញ់​ទម្លាក់​យន្ដហោះ​ឥណ្ឌា

ប្រទេសប៉ាគីស្ដង់ បាន«បិទលំហអាកាស»របស់ខ្លួន រហូតដល់មានបទបញ្ជាថ្មី។ នេះ បើតាមការអះអាង របស់អាជ្ញាធរគ្រប់គ្រងដែនអាកាស របស់ប្រទេសប៉ាគីស្ដង់ បន្ទាប់ពីរដ្ឋាភិបាលនៃប្រទេសនេះ បានអះអាងមុននេះ ថាបានបាញ់ទម្លាក់យន្ដហោះពីរគ្រឿង របស់កងទ័ពអាកាសឥណ្ឌា។ នៅលើទំព័រទ្វីសធើររបស់ខ្លួន អាជ្ញាធរគ្រប់គ្រងដែនអាកាសប៉ាគីស្ដង់ ...
ដំណឹង

វិបត្តិ​នៅ​កាស្មៀរ៖ បុណ្យ​សាសនា «Aïd» ប្រព្រឹត្តិទៅ​ក្រោម​ភាព​តានតឹង

ពិធីបុណ្យសាសនា «Aïd al-Adha» ដ៏សំខាន់របស់មូស្លីម បានប្រព្រឹត្តទៅ ក្នុងស្ថានភាពដ៏តានតឹង បន្ទាប់ពីប្រទេសឥណ្ឌា បានធ្វើវិសោធនកម្មរដ្ឋធម្មនុញ្ញ កាលពីសប្ដាហ៍មុន លប់ចោលស្វ័យភាពនៃទឹកដីកាស្មៀរ មុននឹងបញ្ជូនកម្លាំងប្រដាប់អាវុធ យ៉ាងសន្ធឹកសន្ធាប់ ទៅកាន់ទីនោះ។ ...

Comments are closed.

យល់ស៊ីជម្រៅផ្នែក ដំណឹង

ដំណឹង

អាមេរិក៖ ជនម្នាក់​បាញ់រះ​ក្នុង​សាលាបឋមសិក្សា ស្លាប់យ៉ាងតិច​១៩នាក់

ដំណឹង

ម៉ាក្រុង តែងតាំង អេលីហ្សាប៊ែត ប៊ន (ទំនោរឆ្វេងនិយម) ជានាយករដ្ឋមន្ត្រី

អ្នកស្រី អេលីហ្សាប៊ែត ប៊ន (Élisabeth Borne) បច្ចុប្បន្នជារដ្ឋមន្ត្រីការងារ ត្រូវបានលោកប្រធានាធិបតី អេម៉ានុយអែល ម៉ាក្រុង (Emmanuel Macron) តែងតាំងជា​នាយករដ្ឋមន្ត្រីថ្មី ដើម្បីដឹកនាំរដ្ឋាភិបាលបារាំង ...
ដំណឹង

ឧក្រិដ្ឋកម្ម៖ ទាហានរ៉ុស្ស៊ី​បាញ់​ជនស៊ីវិលអ៊ុយក្រែន​២នាក់ ពីក្រោយខ្នង

នៅក្នុងយានដ្ឋានមួយកន្លែង ក្បែររដ្ឋធានីគៀវ (ប្រទេសអ៊ុយក្រែន) ទាហានរ៉ុស្ស៊ី២នាក់បានផ្ទុះអាវុធ​ បាញ់សម្លាប់​ជនស៊ីវិលអ៊ុយក្រែន២នាក់ ពីក្រោយខ្នង មុននឹងទាហានទាំងនោះ ចូលឆក់ប្លន់ និងបំផ្លិចបំផ្លាញ​ទ្រព្យសម្បត្តិ​យានដ្ឋាននោះ។ ហេតុការណ៍កើតឡើង តាំងពីថ្ងៃទី១៦ ខែមិនា ឆ្នាំ២០២២ ...