កីឡា និងបច្ចេកវិទ្យាបាល់ទាត់

ប្រធាន​ផុតអាណត្តិ​របស់ ហ្វីហ្វា ត្រូវបានជ្រើសតាំងឲ្យបន្តតំណែង

ប្រធានផុតអាណត្តិ នៃសហព័ន្ធបាល់ទាត់អន្តរជាតិ «ហ្វីហ្វា (FIFA)» លោក «Gianni Infantino» ត្រូវបានជ្រើសតាំងសារជាថ្មី សម្រាប់អាណត្តិទី២របស់លោក ដើម្បីបន្តដឹកនាំ​ស្ថាប័ន​បាល់ទាត់​អន្តរជាតិ​មួយនេះ រហូតដល់ឆ្នាំ២០២៣។

ក្នុងមហាសន្និបាត នៃសហព័ន្ធបាល់ទាត់អន្តរជាតិ ដែលប្រព្រឹត្តិទៅ នៅរដ្ឋធានីប៉ារីស ប្រទេសបារាំង នាព្រឹកថ្ងៃពុធនេះ លោក «Gianni Infantino» គឺជាបេក្ខជនតែមួយគត់ សម្រាប់តំណែងជាប្រធានសហព័ន្ធ។

លោក «Gianni Infantino» អាយុ៤៩ឆ្នាំ ត្រូវបានសម្រេចឲ្យបន្តតំណែង ដោយមិនចាំបាច់បោះឆ្នោត នៅចំពោះសហព័ន្ធជាសមាជិក ចំនួន២២១ ពីគ្រប់ជ្រុងនៅក្នុងពិភពលោក។ បុរសជាតិស្វីសរូបនេះ បានជាប់ឆ្នោតឡើងជាប្រធាន «ហ្វីហ្វា» កាលពីឆ្នាំ២០១៦ បន្តពីប្រធានមុន គឺលោក «Sepp Blatter» ដែលបានលាលែងពីតំណែង។

ការបន្តតំណែងរបស់លោក «Gianni Infantino» ធ្វើឡើងនៅពីរថ្ងៃមុន ព្រឹត្តិការណ៍បាល់ទាត់ពិភពលោក «ផ្នែកស្ត្រី» ដែលនឹងត្រូវប្រព្រឹត្តិទៅ ក្នុងប្រទេសបារាំង ចាប់ពីថ្ងៃទី៧ ខែមិថុនា រហូតដល់ថ្ងៃទី៧ ខែកក្កដា ឆ្នាំ២០១៩នេះ។

ប៉ុន្តែការបន្តតំណែងនេះ ក៏ជាបំណងប្រាថ្នារបស់លោកខ្លួនឯង តាំងពីមួយឆ្នាំមុនដែរ។ លោក «Gianni Infantino» បានថ្លែងនៅពេលនោះថា លោកចង់បន្តការខិតខំប្រឹងប្រែងរបស់លោក ក្នុងការធ្វើឲ្យសហព័ន្ធបាល់ទាត់អន្តរជាតិ ក្លាយជាស្ថាប័នគំរូ និងមានតម្លាភាព នៃពិភពកីឡា ដែលមានប្រជាប្រិយជាងគេ៕



You may also like

កីឡា និងបច្ចេកវិទ្យា

អាល់ហ្សេរី​លើក​«ពាន​ជើងឯក​អាហ្វ្រិក» ដោយ​បំបាក់​សេនេហ្គាល់​១-០

ជាការប្រកួតផ្ដាច់ព្រ័ត្រ ដែលមានលក្ខណៈស្វិតស្វាញ រវាងក្រុមបាល់ទាត់ជម្រើសជាតិ ទាំងសងខាង ដើម្បីដណ្ដើម«ពាន​ជើងឯក​អាហ្វ្រិក»។ តែក្រុមអាល់ហ្សេរី បានទទួលជ័យជំនះ ដោយសារគ្រាប់បាល់ មិនចំទិសមួយ របស់កីឡាករ «Baghdad Bounedjah» ដែលរកបានតាំងពីនាទីទី២។ ...
កំសាន្ដ

កីឡដ្ឋាន​គ្មាន​អ្នកគាំទ្រឬ? នៅជប៉ុន មានមនុស្សយន្ដ​មកគាំទ្រ​ជំនួស!

ព្រោះជំងឺរាតត្បាត កូវីដ-១៩ (Covid-19) រាល់ការប្រកួតទាំងឡាយ ត្រូវបានធ្វើឡើង ក្នុងកីឡដ្ឋាន«ដែលគ្មានទស្សនិកជន ឬអ្នកគាំទ្រ។ នៅជប៉ុន សហគ្រាស​«Softbank» មានវិធីដោះស្រាយមួយ ដើម្បីផ្ដល់​ជាកម្លាំងចិត្ត ទៅដល់កីឡាករទាំងឡាយ នៅលើ​ទីលានប្រកួត៖ ...
កីឡា និងបច្ចេកវិទ្យា

ផ្សាយផ្ទាល់ ពីកម្មវិធី​ប្រគល់​ពាន«បាល់មាស ២០២១»

ទស្សនា«ផ្សាយផ្ទាល់» ចេញពីកម្មវិធីប្រគល់ពាន«បាល់មាស ២០២១» បន្ទាប់ពីអាក់ខានអស់រយៈពេល ២ឆ្នាំកន្លងមកហើយ ដោយសារការរាតត្បាត នៃជំងឺកូវីដ-១៩ (Covid-19)។ ពាន«បាល់មាស» ដ៏ល្បីល្បាញ នៅក្នុងពិភពបាល់ទាត់ បង្កើតនិងរៀបចំឡើង ដោយសហគ្រាសទស្សនាវដ្ដី ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...