នៅមុនព្យុហយាត្រា នៃថ្ងៃបុណ្យ១៤កក្កដា របស់ប្រទេសបារាំង ទាហានម្នាក់បានលុតជង្គង់ នៅលើមហាវិថី«Champs-Elysées» ដើម្បីជូនចិញ្ចៀនដល់គូស្នេហ៍របស់ខ្លួន និងសុំនាងរៀបអាពាហ៍ពិពាហ៍។ ជាព្រឹត្តិការណ៍បេះដូង បង្កឲ្យមានការរំជួលចិត្តជាទូទៅ សម្រាប់បណ្ដាជននានា និងទាំងនៅក្នុងជួរមេដឹកនាំបារាំង។

ទាហានដែលគេស្គាល់ឈ្មោះ «Maximilien» និងនៅក្នុងសម្លៀកបំពាក់ នៃពិធីបុណ្យជាតិបារាំង បានធ្វើ​កាយវិការ​នេះ នៅចំពោះយុទ្ធមិត្ត​របស់ខ្លួន និងបណ្ដាទស្សនិកជន ជាច្រើនសិបនាក់ ដែលកំពុងមានវត្តមាន នៅក្នុងពិធី​បុណ្យ។ កាយវិការរបស់ទាហាន ដែលកំពុងសិក្សា ក្នុងសាលាយោធានៅឡើយ ទទួលបាន«ការយល់ព្រម»​ទាំង​ពេញបេះដូង ពីស្ត្រីម្ចាស់ស្នេហ៍របស់ខ្លួន ក្រោមស្នូរទះដៃ​យ៉ាងកងរំពង។

ស្រង់សម្ដី ដោយបណ្ដាញទូរទស្សន៍បារាំង​«BFMTV» ទាហាន​«Maximilien»​បានឲ្យដឹងថា ខ្លួនបានរៀបចំ​«ការសុំ​ភ្លើងខៀវ» ពីគូស្នេហ៍ខាងលើ តាំងពី២ខែមកហើយ តែបានបដិសេធថា ខ្លួនគ្មានបំណងចង់ឲ្យរឿងនេះ បែកចេញជា​សាធារណៈ ដ៏ធំដុំ​ដូច្នេះទេ។

យុទ្ធជន«Maximilien»​​អះអាងទៀតថា បានជ្រើសរើសថ្ងៃបុណ្យ​១៤កក្កដា ដើម្បីជា«កិត្តិយស»សម្រាប់​ព្រឹត្តិការណ៍​ជាតិ និងជាពិសេស ចង់បង្ហាញ​អំពី​«មោទនភាព»របស់ខ្លួន ចំពោះរដ្ឋធានី ប៉ារីស ដែលអ្នកផងចាត់ទុកថា ជាទីក្រុង​នៃ​សេចក្ដីស្នេហា។

«ប៉ារីស ជាទីក្រុងរបស់ខ្ញុំ មានទាំងមហាវិថី “Champs-Elysées” ទីក្រុងនៃពន្លឺភ្លើងចែងចាំង… គឺថា វាអស្ចារ្យ​ណាស់!»

វីដេអូនៃទិដ្ឋភាពដ៏ពិសេស ត្រូវបានទំព័រទ្វីសធើរ​ផ្លូវការ របស់កងទ័ពជើងគោកបារាំង យកមកបង្ហោះ មុននឹង​ត្រូវបាន​បណ្ដាជនរាប់ពាន់នាក់ ចែករំលែកបន្ត ក្នុងនោះរាប់ទាំងប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) ផង។ ប្រមុខរដ្ឋបារាំង បានសរសេរ​ជូនពរអ្នកទាំងពីរនាក់ថា៖

«ខ្ញុំសូមជូនពរអ្នកទាំងពីរ នូវសុភមង្គលគ្រប់យ៉ាង៕»



លំអិតបន្ថែមទៀត

លោក អេម៉ានុយអែល ម៉ាក្រុង ប្រធានាធិបតីបារាំង នៅក្នុងវិមានប្រធានាធិបតី។ (រូបថតលើទ្វីសធើរ)
ដំណឹង

Covid-19៖ បារាំងប្រកាស​ដាក់តំបន់​មួយចំនួន ក្នុង​ភាពអាសន្នវិញ

ចាប់ពីថ្ងៃសៅរ៍ខាងមុខនេះ រហូតដល់យ៉ាងតិច ៤សប្ដាហ៍ខាងមុខ តំបន់មួយចំនួន នៃប្រទេសបារាំង ត្រូវបានដាក់ ក្នុង​ភាពអាសន្នវិញ ដោយបិទការធ្វើដំណើរ រវាងពីម៉ោង​៩យប់ រហូតដល់ម៉ោង៦ភ្លឺ។ ប្រធានាធិបតីបារាំង លោក អេម៉ានុយអែល ...
ដំណឹង

វាយប្រហារ​ដោយ​ទឹកអាស៊ីត ក្នុងរថភ្លើងក្រោមដី នៅ​ប៉ារីស

ក្នុងពេលព្រហាម ព្រឹកថ្ងៃសុក្រនេះ ការវាយ​ប្រហារ ដោយ​ទឹកអាស៊ីត​មួយ បានកើតឡើង ក្នុងរថភ្លើងក្រោមដី ខ្សែលេខ១ នៃរដ្ឋធានីប៉ារីស រវាងស្ថានីយ៍បាស្ទីយ៍ (Bastille) និង ហ្គារឌឺលីយ៉ុង (Gare ...
ដំណឹង

អ្នកជំនាញ អ.ស.ប បរិហាររដ្ឋាភិបាល​បារាំងថា បាន​រឹតត្បិត​សិទ្ធិធ្វើ​បាតុកម្ម

សិទ្ធិធ្វើបាតុកម្មក្នុងប្រទេសបារាំង «រងការរឹតត្បិត ដោយគ្មានតុល្យភាពត្រឹមត្រូវ» នេះបើតាមការអះអាងឡើង ក្នុងរបាយការណ៍មួយ របស់ក្រុម«អ្នកជំនាញ»ឯករាជ្យ នៃអង្គការសហប្រជាជាតិ (អ.ស.ប) ដែលចេញផ្សាយកាលពីថ្ងៃទី១៤ ខែកុម្ភៈ ឆ្នាំ២០១៩នេះ ដើម្បីវាយតម្លៃ ពីបាតុកម្ម​រយៈពេល​៣ខែកន្លងមក ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

បវរកញ្ញាចក្រវាឡ កូនកាត់​ថៃ-កាណាដា បរិហារ​រដ្ឋាភិបាលថៃ​ថា«កំសាក»

កំសាន្ដ

ភរិយា ហ៊ុន សែន ហាមស្វាមីស្លៀក​«ខោខ្លី»​ទៅហាត់ប្រាណ

អ្នកស្រី ប៊ុន រ៉ានី បានហាមលោក ហ៊ុន សែន ដែលជាស្វាមី កុំឲ្យស្លៀក«ខោខ្លី»ទៅហាត់ប្រាណ។ នេះ បើតាម​ការបង្ហើប​ឲ្យដឹង ពីសំណាក់លោក ហ៊ុន សែន ...
កំសាន្ដ

បុណ្យ១៤កក្កដា៖ ទស្សនីយភាព​នៃកាំជ្រួចជ្វាលា ពីតួរអេហ្វែល

ពីតួរអេហ្វែល (La Tour Eiffel) រដ្ឋធានីប៉ារីស ទស្សនីយភាពនៃកាំជ្រួចជ្វាលា មានសភាពធំហ៊ឹកហាក់ណាស់ ដើម្បីអបអរបុណ្យជាតិបារាំង ថ្ងៃ​«១៤កក្កដា»។ កម្មវិធីនេះ​ចាប់ផ្ដើម​ពីម៉ោង២៣ យប់ថ្ងៃទី១៤ ខែកក្កដា ឆ្នាំ២០២១ ...