ដំណឹងបារាំង

បាតុកម្ម«អាវកាក់លឿង»​ទី១៨៖ ធនាគារ តូប​​និង​ហាង​ជាច្រើន​​រងអគ្គិភ័យ

ចលនាទី១៨ នៃបាតុកម្មក្រុម«អាវកាក់លឿង»បារាំង បានយករដ្ឋធានីប៉ារីសធ្វើជាទិសដៅ ក្នុងថ្ងៃសៅរ៍ទី១៦ ខែមិនា ឆ្នាំ២០១៩នេះ ដើម្បីសំដែងកំហឹងរបស់បាតុករ ប្រឆាំងនឹងនយោបាយដឹកនាំដោយរដ្ឋាភិបាល របស់ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron)។

ប៉ុន្តែមកដល់វេលារសៀល ឈានចូលដល់ល្ងាចថ្ងៃនេះ តុល្យភាពមានសភាពធ្ងន់ធ្ងរ ហួសពីការរំពឹងទុក។ ធនាគារ តូបកាសែត ហាងលក់ទំនិញ ភោជនីយដ្ឋានជាច្រើន នៅលើដងមហាវិថីដ៏ធំ ឈ្មោះ «Champs-Elysées» ត្រូវបានឆក់ប្លន់ បំផ្លិចបំផ្លាញ និងដុតកំទេច។ 

បាតុកម្មបានផ្ទុះឡើង តាំងពីព្រឹកថ្ងៃសៅរ៍នេះមក មានរួមបញ្ចូលដោយសមាសភាពមិនស្គាល់មុខ ជាពិសេសបាតុករដែលបិទមុខ ដែលចាំបាច់មានការឆ្លើយតប ពីសំណាក់កងកម្លាំងអាជ្ញាធរ។

ទិដ្ឋភាពនៃការវាយ-ឆក់ប្លន់-ដុតបំផ្លាញ ក្នុងថ្ងៃនេះ ធ្វើឲ្យឃើញនឹកឃើញឡើងវិញ ពីទិដ្ឋភាពក្នុងសប្ដាហ៍ដំបូងៗ នៃចលនាបាតុកម្មរបស់ក្រុម«អាវកាក់លឿង» ដែលប្រៀបបាននឹងការវាយប្រយុទ្ធគ្នាមួយ បានផ្ទុះឡើង។

ធនាគារមួយ នៅតាមដងវិថីនេះ បានរងការដុតបំផ្លាញ ដែលតម្រូវឲ្យអាជ្ញាធរត្រូវជម្លៀសអ្នករស់នៅ ក្នុងអាគារជាន់ខាងលើៗ ឲ្យចេញពីអាគារ។ រដ្ឋមន្ត្រីមហាផ្ទៃ លោក គ្រីស្ដូហ្វ៍ កាស្តាណេ (Christophe Castaner) បានហៅក្រុមអ្នកដុតបំផ្លាញនេះ ថាជា«ឃាតករ»។

នគរបាលបារាំងក៏បានចេញមុខធ្វើប្រតិកម្មដែរ ដោយចាត់ទុកអំពើហិង្សានេះ ថាជា«ទង្វើដ៏ងងឹតងងល់» និងជា«ការវាយប្រហារយ៉ាងកំសាក»។ ទំព័រទ្វីសធើររបស់នគរបាលបារាំង បានអះអាងពី ការប្ដេជ្ញាចិត្តរបស់ខ្លួន ដើម្បីធានាឲ្យបាន នូវសណ្ដាប់ធ្នាប់សាធារណៈ ដែលនឹងមិនថមថយសោះឡើយ។

នៅមុននេះបន្តិច លោក អេឌូអា ហ្វីលីព (Edouard Philippe) នាយករដ្ឋមន្ត្រីបារាំង បានអះអាងពីវិធានការ របស់រដ្ឋាភិបាលរបស់លោក ថានឹងត្រូវអនុវត្តន៍ យ៉ាងម៉ឺងម៉ាត់បំផុត។ លោកថា ជនណាក៏ដោយ ដែលលើកទឹកចិត្តដល់ទង្វើនេះ នឹងត្រូវចាត់ទុកថា  ជាការរួមឃុបឃិត៕



លំអិតបន្ថែមទៀត

ដំណឹង

បារាំង​មានករណី​ឆ្លង​មេរោគ​«កូរូណា»​កើនដល់​៣៨នាក់ និងស្លាប់​ពីរនាក់

ការរីករាលដាល ក្នុងប្រទេសបារាំង នៃជំងឺរលាកផ្លូវដកដង្ហើម តាមរយៈមេរោគ​«កូរូណា»​ថ្មី ហៅថា «Covid-19» បានកើនឡើងទ្វេដង ក្នុងរយៈពេល តែមួយថ្ងៃម្សិលម៉ិញ។ តុល្យភាពក្នុងយប់ថ្ងៃព្រហស្បត្តិ ដែលប្រព័ន្ធផ្សព្វផ្សាយទទួលបាន បានឲ្យដឹងថា ករណីឆ្លងមេរោគខាងលើ ...
ដំណឹង

ផ្ទុះ​អាវុធ​នៅ​ស្ត្រាស្បួរ ស្លាប់​២នាក់ របួស១៣នាក់ – អាជ្ញាធរ​បារាំង​បើក​ការអង្កេត​ពី​ភេរវកម្ម

មនុស្ស២នាក់ បានស្លាប់ និង១៣នាក់ផ្សេងទៀត បានរងបួស ក្នុងហេតុការណ៍ផ្ទុះអាវុធមួយ បង្កឡើងដោយបុរសម្នាក់ ដែលបានបើកការបាញ់រះ ទៅលើហ្វូងមនុស្ស ក្នុងផ្សារលក់ទំនិញ ណូអែល កណ្ដាលក្រុងស្ត្រាស្បួរ៍ (Strasbourg) ភាគខាងកើតបារាំង។ ...
កម្រមាន

បាតុកម្មអាវកាក់លឿង៖ បាតុករជាស្ត្រីដោះអាវបង្ហាញទ្រូង ដើម្បីតវ៉ា

រលកបាតុកម្មលើកទី៥ ក្នុងថ្ងៃសៅរ៍ទី១៥ ខែធ្នូ ឆ្នាំ២០១៨នេះ មិនមានសន្ទុះខ្លាំងក្លា ដូចសប្ដាហ៍កន្លងទៅទេ ក្នុងប្រទេសបារាំងទាំងមូល។ បាតុករចូលរួមមិនមានច្រើន ក៏ពិតមែន តែរឿងដ៏លេចធ្លោជាងមុន ក៏រហ័សឆាប់ត្រូវបាន អ្នកកាសែតមើលឃើញដែរ។ បាតុករជាស្ត្រីប្រាំរូប ...

Comments are closed.

យល់ស៊ីជម្រៅផ្នែក ដំណឹង

ដំណឹង

អាហ្វហ្គានីស្ដង់៖ ក្រុម«ISIS»បំផ្ទុះគ្រាប់បែក​ ប្រឆាំង​មន្ទីរពេទ្យយោធា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

មេដឹកនាំប្រឆាំង លោក សម រង្ស៊ី បានអះអាងថា ព្រះមហាក្សត្រ ព្រះបាទ នរោត្តម សីហមុនី ទ្រង់នឹងដាក់រាជ្យ ប្រសិនបើច្បាប់«សញ្ជាតិ១»ត្រូវបានអនុម័ត តាមការចង់បាន របស់លោកនាយករដ្ឋមន្ត្រី ...
ដំណឹង

អាហ្វហ្គានីស្ដង់៖ ISIS ទទួលស្គាល់​ភេរវកម្ម​៧ដង ក្នុងក្រុង​«ភាគខាងកើត»

អង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS ) បានចេញមុខមកទទួលស្គាល់ ភេរវកម្មបំផ្ទុះគ្រាប់បែក ច្រើនដងកាលពីថ្ងៃសៅរ៍ និងថ្ងៃអាទិត្យ ...