ដំណឹងបារាំង

បាតុកម្មអាវកាក់​លឿង​​ទី១៩​​នៅ​តាមតំបន់ ផ្ទុះអំពើហិង្សាខ្លះៗ

បើបាតុកម្មលើកទី១៩ នៃបណ្ដាជនអាវកាក់លឿង ក្នុងចុងសប្ដាហ៍នេះ នៅរដ្ឋធានីប៉ារីស មិនមានហេតុភេទអ្វី គួរឲ្យកត់សម្គាល់ខ្លាំងនោះ នៅតាមតំបន់និងតាមខេត្តមួយចំនួនវិញ បាតុកម្មបានបញ្ចប់ទៅ ជាមួយនឹងការ«ផ្ទុះអំពើហិង្សាខ្លះៗ»។

មិនខុសពីរដ្ឋធានីប៉ារីសទេ ទីកន្លែងសំខាន់ៗមួយចំនួន នៅតាមខេត្តនិងតំបន់នានា នៃប្រទេសបារាំង ក៏ត្រូវបានរដ្ឋាភិបាលហាមឃាត់ ការធ្វើបាតុកម្មដែរ។ តែបាតុករខ្លះ បានល្មើសនឹងបទបញ្ជានេះ ដែលបង្កឲ្យមានការប្រឈមមុខដាក់គ្នារវាងពួកគេ និងក្រុមនគរបាល។

ជាការបញ្ជាក់ត្រួសៗ ដូចនៅក្រុងនីស (Nice – ភាគខាងត្បូង) បាតុករជាស្ត្រីចំណាស់ វ័យ៧២ឆ្នាំម្នាក់ បានរងរបួសបន្ទាប់ពីប៉ះទង្គិច ជាមួយកងកម្លាំងអាជ្ញាធរ។

នៅក្រុងទូលូស្ស៍ (Toulouse – ភាគខាងត្បូង) ក្រុមបាតុករដែលចូល ទៅកាន់ទីកន្លែង​ហាមឃាត់ បានរងការបំបែកជួរ ពីសំណាក់នគរបាល។ ប៉ុន្តែបាតុករផ្សេងទៀត បានសំដែងមតិរបស់ពួកគេ នៅក្នុងភាពស្ងប់ស្ងៀម។

រីឯក្រុង ម៉ុងពើលីយ៉េ (Montpellier – ភាគខាងត្បូង) វិញ បាតុករបានប្រមូលផ្ដុំគ្នា ប្រមាណជា៤៥០០នាក់ (តួលេខផ្ដល់ដោយអាជ្ញាធរ) បានរងការឡោមព័ទ្ធ ពីសំណាក់កងកម្លាំងអាជ្ញាធរ ដែលធ្វើឲ្យការប្រឈមមុខគ្នា បានផ្ទុះឡើង និងបន្តផ្ទុះរហូតដល់វេលាយប់។ មនុស្ស២០នាក់ ត្រូវបានឃាត់ខ្លួន។

នៅក្រុង ប័រដូរ (Bordeaux – ភាគខាងលិច) កងកម្លាំងអាជ្ញាធរបានប្រើឧស្ម័នបង្ហូរទឹកភ្នែក និងរថយន្ដបាញ់ទឹក ដើម្បីបំបែកជួរបាតុករ ដែលមិនចង់បញ្ចប់បាតុកម្មរបស់ផងខ្លួន នៅវេលាល្ងាចឡើង។

ចំណែកនៅក្រុង លីល៍ (Lille – ភាគខាងជើង) ឯណោះ បាតុករប្រមាណជា ១៥០០នាក់ (តួលេខផ្ដល់ដោយអាជ្ញាធរ) បានជួបជុំគ្នាដំបូងឡើយ នៅក្នុងភាពស្ងប់ស្ងៀម។ តែនៅវេលាចុងបញ្ចប់ ភាពតានតឺងបានផ្ទុះឡើង នៅច្រើនកន្លែង ទល់នឹងក្រុមអាជ្ញាធរ។ យ៉ាងណា មិនមានបាតុករណាមួយ ត្រូវបានឃាត់ខ្លួនទេ៕



You may also like

កំសាន្ដ

បុណ្យ១៤កក្កដា៖ ទស្សនីយភាព​នៃកាំជ្រួចជ្វាលា ពីតួរអេហ្វែល

ពីតួរអេហ្វែល (La Tour Eiffel) រដ្ឋធានីប៉ារីស ទស្សនីយភាពនៃកាំជ្រួចជ្វាលា មានសភាពធំហ៊ឹកហាក់ណាស់ ដើម្បីអបអរបុណ្យជាតិបារាំង ថ្ងៃ​«១៤កក្កដា»។ កម្មវិធីនេះ​ចាប់ផ្ដើម​ពីម៉ោង២៣ យប់ថ្ងៃទី១៤ ខែកក្កដា ឆ្នាំ២០២១ ...
កំសាន្ដ

បុណ្យ១៤កក្កដា៖ ជូនចិញ្ចៀនគូស្នេហ៍​សុំរៀបការ នៅមុន​ព្យុហយាត្រា

នៅមុនព្យុហយាត្រា នៃថ្ងៃបុណ្យ១៤កក្កដា របស់ប្រទេសបារាំង ទាហានម្នាក់បានលុតជង្គង់ នៅលើមហាវិថី«Champs-Elysées» ដើម្បីជូនចិញ្ចៀនដល់គូស្នេហ៍របស់ខ្លួន និងសុំនាងរៀបអាពាហ៍ពិពាហ៍។ ជាព្រឹត្តិការណ៍បេះដូង បង្កឲ្យមានការរំជួលចិត្តជាទូទៅ សម្រាប់បណ្ដាជននានា និងទាំងនៅក្នុងជួរមេដឹកនាំបារាំង។ ទាហានដែលគេស្គាល់ឈ្មោះ «Maximilien» ...
ដំណឹង

បារាំង៖ យុទ្ធនាការចាក់​វ៉ាក់សាំងបង្ការកូវីដ នឹងចាប់ផ្ដើម​ពីថ្ងៃអាទិត្យ ២៧ធ្នូ

ក្នុងប្រទេសបារាំង យុទ្ធនាការដំបូង នៃការចាក់ថ្នាំវ៉ាក់សាំង បង្ការជំងឺកូវីដ-១៩ (Covid-19) នឹងចាប់ផ្ដើម​ពីថ្ងៃអាទិត្យ ទី២៧ ខែធ្នូខាងមុខតទៅ។ នេះ បើតាមការប្រកាសឡើង របស់លោក «Olivier Véran» ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...