កម្រមានដំណឹងបារាំង

បារាំង៖ យុវតី​ជំទង់​ម្នាក់​រង​ការសង្ស័យ​ថា បានគ្រវាត់​ទារកខ្លួន​តាមបង្អួច

បារាំង៖ ទារកតូចមួយ ដែលទើបនឹងកើត ត្រូវបានរកឃើញស្លាប់ នៅក្នុងសួនច្បារ នៃសង្កាត់មួយ ក្នុងក្រុង​ «Martinet» ដែលស្ថិតក្នុងតំបន់ «Gard» ភាគខាងត្បូង ប្រទេសបារាំង

សារព័ត៌មានប្រចាំតំបន់ «Midi Libre» បានអះអាងថា បើតាមភស្ដុតាង ដែលទទួល​បាន ក្នុងការ​ស៊ើបអង្កេត​ ជំហានដំបូង គឺទារកក្រហម​រងាលនោះ ជាកូន​របស់យុវតី​ជំទង់​ម្នាក់ អាយុ១៦ឆ្នាំ ដែលរស់នៅផ្ទះខាងលើ។

សាក្សីច្រើននាក់ ត្រូវបានស្រង់សំដី ដោយរដ្ឋអាជ្ញាបារាំងប្រចាំតំបន់ យកមកអះអាងថា កាលពីប៉ុន្មានម៉ោងមុន យុវតីជំទង់រូបនោះ បាន «ឆ្លងទន្លេ» ហើយទំនងជា បានគ្រវាត់​កូនតូចរបស់ខ្លួន ដែលទើបនឹងកើត ចេញតាមបង្អួច។

អ្នកជិតខាង ដែលរស់នៅជាន់ផ្ទាល់ដី បានឃើញទារក​នោះ​មុនគេ ហើយបានយក​កំណាត់ ទៅរំខ្លួនឲ្យវា មុននឹងរាយការណ៍ ប្រាប់ទៅអាជ្ញាធរ។

នគរបាលតំបន់ បានបើកសំណុំរឿងមួយឡើង ដើម្បីអង្កេតមើលថា តើទារកតូចមួយនេះ បានស្លាប់ នៅពេលចេញពីផ្ទៃ ឬនៅពេលធ្លាក់ ពីខាងលើមក។

ទូរទស្សន៍បារាំង​ «France 3» បានរាយការណ៍បន្ថែមថា យុវតីជាម្ដាយ ដែលរងវិបត្តិ ទាំងផ្លូវចិត្ត និងផ្លូវកាយ កំពុងសម្រាក់ព្យាបាល នៅឯមន្ទីរពេទ្យ។

រីឯសពទារកវិញ នឹងត្រូវក្រុមគ្រូពេទ្យជំនាញ ធ្វើកោសល្យវិច័យ នៅថ្ងៃចន្ទ ទី១៨ ខែឧសភានេះ៕



You may also like

ដំណឹង

បាតុកម្មអាវកាក់​លឿង​​ទី១៩​​នៅ​តាមតំបន់ ផ្ទុះអំពើហិង្សាខ្លះៗ

បើបាតុកម្មលើកទី១៩ នៃបណ្ដាជនអាវកាក់លឿង ក្នុងចុងសប្ដាហ៍នេះ នៅរដ្ឋធានីប៉ារីស មិនមានហេតុភេទអ្វី គួរឲ្យកត់សម្គាល់ខ្លាំងនោះ នៅតាមតំបន់និងតាមខេត្តមួយចំនួនវិញ បាតុកម្មបានបញ្ចប់ទៅ ជាមួយនឹងការ«ផ្ទុះអំពើហិង្សាខ្លះៗ»។ មិនខុសពីរដ្ឋធានីប៉ារីសទេ ទីកន្លែងសំខាន់ៗមួយចំនួន នៅតាមខេត្តនិងតំបន់នានា នៃប្រទេសបារាំង ...
ដំណឹង

Covid-19៖ បារាំង​នឹងតម្លើង​«ប្រាក់​បៀវត្ស» ឲ្យបុគ្គលិក​រដ្ឋការ​​ពេទ្យ

រដ្ឋាភិបាលបារាំង បានប្រកាសនៅថ្ងៃចន្ទនេះ បើកឲ្យមានការពិគ្រោះយោបល់មួយ យ៉ាងទូលំទូលាយ ដើម្បីធ្វើឲ្យប្រសើរឡើង នូវលក្ខខណ្ឌការងារ និង ប្រាក់​បៀវត្ស របស់បុគ្គលិករដ្ឋការ នៅតាមមន្ទីរពេទ្យនានា នៅក្នុងប៉ុន្មាន​ខែខាងមុខ។ នៅក្នុងកិច្ចប្រជុំ ជាមួយមេដឹកនាំសហជីព ...
ដំណឹង

Covid-19៖ ម៉ាក្រុង កោះប្រជុំពី«ភាពយឺតយ៉ាវ» នៃយុទ្ធនាការ​​វ៉ាក់សាំង

លោក អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង បានកោះប្រជុំ ក្នុងរសៀលថ្ងៃចន្ទទី៤​ ខែមករានេះ ដើម្បីផ្ដោតលើ​យុទ្ធនាការ​ចាក់វ៉ាក់សាំង បង្ការជំងឺកូវីដ-១៩ (Covid-19) ដែលរងការរិះគន់ថា ...

Comments are closed.

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។ ហេតុការណ៍កើតឡើង ...
កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...