ដំណឹងបារាំង

ផ្ទុះ​កញ្ចប់​ផ្លុងចោល​មួយ ក្នុង​ក្រុង​លីយ៉ុង ខាងត្បូង​បារាំង របួស​៨នាក់

សេក មនោរកុមារ0

ការផ្ទុះមួយ បានកើតឡើងនៅល្ងាចថ្ងៃសុក្រនេះ ក្នុង​ក្រុង​លីយ៉ុង (Lyon) ភាគខាងត្បូងបារាំង នៅលើដងផ្លូវសម្រាប់អ្នកថ្មើរជើង (សង្កាត់លេង២)។ តុល្យភាព ដែលផ្ដល់ដោយស្នងការដ្ឋាននគរបាលតំបន់ បានអះអាងថា មនុស្ស៨នាក់បានរងរបួសស្រាល និងភាគច្រើនពីក្នុងចំណោមនោះ បានរងរបួសនៅនឹងជើង។

បណ្ដាអ្នករងរបួស ត្រូវបានក្រុមអ្នកជួយសង្គ្រោះ យកចិត្តទុកដាក់ភ្លាមៗ និងបញ្ជូនទៅកាន់មន្ទីរពេទ្យ។

ប្រភពពីនគរបាលបានឲ្យដឹងថា នៅវេលាម៉ោងប្រមាណជា១៧ និង៣០នាទី កញ្ចប់មួយដែលត្រូវបានយកមកផ្លុងចោល នៅខាងមុខហាងលក់នំប័ងមួយកន្លែង បានផ្ទុះឡើង។ កញ្ចប់នោះ មានសុទ្ធតែដែកគោល និងដែកខ្ចៅខ្ចង។

នគរបាលសង្ស័យការបំផ្ទុះនេះ មានជាប់ពាក់ព័ន្ធនឹងអំពើភេរវកម្ម។ អ្នកនាំពាក្យស្ថាប័នអយ្យការ ប្រចាំតំបន់បានថ្លែងឡើងថា៖

«យើងសង្កត់ធ្ងន់ទិសដៅរបស់យើង ទៅលើកញ្ចប់មួយនេះ ដែលត្រូវបានយកមកបន្លំ ដាក់ដើម្បីបំផ្ទុះ។»

ទីភ្នាក់ងារព័ត៌មានបារាំង «AFP» បានស្រង់ប្រភពមួយ ស្និតនឹងសំនុំរឿង យកមករាយការណ៍ថា បុរសម្នាក់អាយុរវាង៣០ និង៣៥ឆ្នាំ ដែលជិះកង់ កំពុងត្រូវបានកងកម្លាំងអាជ្ញាធរ តាមស្វែងរក។ ក្រៅពីសាក្សីបានឃើញដោយផ្ទាល់ភ្នែក បុរសម្នាក់នេះក៏ត្រូវបានថតជាប់ ដោយវីដេអូសុវត្ថិភាព នៅទីនោះដែរ។

ផ្នែកជំនាញប្រឆាំងភេរវកម្ម នៃស្ថាប័នអយ្យការ នៅឯរដ្ឋធានីប៉ារីស ត្រូវបានចាត់ឲ្យទទួលបន្ទុក ក្នុងការស៊ើបអង្កេត អំពីសំណុំរឿងខាងលើ។ លោករដ្ឋអាជ្ញា «Rémy Heitz» និងលោករដ្ឋមន្ត្រីមហាផ្ទៃ «Christophe Castaner» នឹងត្រូវធ្វើដំណើរដោយផ្ទាល់ មកដល់ក្រុងលីយ៉ុងទាំងយប់ ថ្ងៃសុក្រនេះ៕



លំអិតបន្ថែមទៀត

ដំណឹង

ឃាត់ខ្លួន​បុរសម្នាក់ ព្រោះ​កាន់​«សាំង​ពីរធុង»​ចូល​ព្រះវិហារ​នៅ​​ញ៉ូយក

បុរសម្នាក់ ត្រូវបាននគរបាលឃាត់ខ្លួន នៅយប់ថ្ងៃពុធម្សិលម៉ិញ បន្ទាប់ពីបានដើរចូល ទៅក្នុងព្រះវិហារ «Saint-Patrick» នៃទីក្រុងញ៉ូយក (ភាគខាងកើតអាមេរិក) ជាមួយនឹងប្រេង«សាំង​ពីរធុង» និងដែកកេះនៅនឹងដៃ។ ស្នងការរង នៃនគរបាលក្រុងញ៉ូយក លោក ...
បណ្ដាជនជាច្រើនសិបនាក់ បានចូលរួមគោរព និងឧទ្ទិសដល់វិញ្ញាណក្ខន្ធសាសាស្ត្រាចារ្យ ដែលត្រូវបានភេរវជន«កាត់ក» ក្នុងក្រុង«Conflans-Sainte-Honorine» ស្ថិតក្នុងតំបន់ជាយក្រុង ភាគពាយ័ព្យ​នៃរដ្ឋធានីប៉ារីស។។ (រូបថតលើ Twitter)
ដំណឹង

បារាំង៖ «កាត់ក»​គ្រូបង្រៀនម្នាក់ បន្ទាប់ពី​បង្ហាញរូបត្លុក​«មហាមេដ»

គ្រូបង្រៀន«ភូមិសាស្ត្រ-ប្រវត្តិវិជ្ជា»ម្នាក់ ត្រូវបានសម្លាប់ ដោយ«កាត់ក» កាលពីថ្ងៃសុក្រ បន្ទាប់ពីបាន​បង្ហាញ​រូបត្លុក «មហាមេដ (Mahomet – ព្យាការីសាសនាអ៊ីស្លាម)» ទៅដល់​កូនសិស្ស ក្នុងថ្នាក់របស់ខ្លួន កាលពីជាង១០ថ្ងៃមុន។ ហេតុការណ៍បានកើតឡើង ...
ដំណឹង

ប្រធានាធិបតី​បារាំង​ចង់​ជុសជុល​​ព្រះវិហារ Notre-Dame រួច​ក្នុង​«៥ឆ្នាំ»

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានថ្លែងក្នុងយប់ថ្ងៃអង្គារថា ព្រះវិហារ «Notre-Dame» ដ៏ល្បីនៃរដ្ឋធានីប៉ារីស នឹងត្រូវជុសជុលឡើងវិញ ឲ្យបានរួចរាល់ នៅក្នុងរយៈពេល«៥ឆ្នាំ»។ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

សេក មនោរកុមារ
កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.