ក្នុងប្រទេសបារាំង លោក សម រង្ស៊ី ប្រធានស្ដីទីគណបក្សសង្គ្រោះជាតិ បានបើកសមាគមថ្មីមួយ ហៅថា​«សមាគម​ការពារសិទ្ធិ និងសេរីភាព នៃអតីត​អ្នកជំងឺ​កូវីដ-១៩ (Association de Défense des Droits et Libertés des Anciens Malades de la Covid-19)»។

សមាគមខាងលើនេះ ត្រូវបានស្នងការដ្ឋាននគរបាល នៃរដ្ឋធានីប៉ារីស ប្រកាសទទួលស្គាល់ នៅថ្ងៃទី២៣ ខែមេសា ឆ្នាំ២០២១ តាមរយៈលិខិតផ្លូវការមួយ ចុះថ្ងៃទី២៧ ខែមេសា ឆ្នាំ២០២១ ដែលទស្សនាវដ្ដីមនោរម្យ.អាំងហ្វូ បានចូលទៅពិគ្រោះ។

នៅលើគេហទំព័ររបស់សមាគម គេឃើញលោក សម រង្ស៊ី សរសេរបង្ហោះសារខ្លីៗ និងអត្ថបទវែង-លំអិតជាច្រើន ស្ដីពីស្ថានភាពរបស់អ្នកជំងឺកូវីដ-១៩ ដែលទទួលបានការជាសះស្បើយឡើងវិញ ហើយដែលលោកអះអាងថា ជាអ្នកជំងឺដែលមានអង្គការពារ (ឬភាពស៊ាំ) ទល់នឹងជំងឺរាតត្បាតខាងលើ និងមិនអាចក្លាយខ្លួន ទៅជាភ្នាក់ងារចម្លងជំងឺនេះ ទៅកាន់អ្នកដទៃទៀតឡើយ។

បុព្វហេតុរបស់សមាគម ត្រូវបានសរសេរឡើង​ចំនួន៣បន្ទាត់ ដែលយើងអាចសង្ខេបខ្លឹមសារ មកថា សមាគម​​«ទាមទារ​ឱ្យមាន​ការទទួលស្គាល់ ពីភាពស៊ាំដ៏ជាក់លាក់ និងស្នើឱ្យមានឡើងវិញជាធម្មតា នូវសិទ្ធិនិងសេរីភាព» នៃអតីត​អ្នកជំងឺ​កូវីដ-១៩ ដែលបានជាសះស្បើយទាំងនោះ។

លោក សម រង្ស៊ី ខ្លួនលោក ក៏ធ្លាប់បានចូលទៅការពារ និងតាមដានសវនាការ របស់ក្រុមប្រឹក្សារដ្ឋបារាំង (Conseil d’Etat *) កាលពីព្រឹក​ថ្ងៃទី៤ ខែឧសភានេះដែរ។ សវនាការនោះ បើកធ្វើឡើងតាមការស្នើសុំ របស់សមាគមខាងលើ ដើម្បី​បញ្ជាក់​ថា អ្នកដែលបានឈឺ​ជំងឺកូវីដ-១៩ ហើយបានជាសះស្បើយ​ដោយមានភាពស៊ាំ នឹងមិនអាចនាំ​ជំងឺ​កូវីដ-១៩ នេះ ឲ្យឆ្លង​ដល់អ្នកដទៃទេ។

ក្នុងពេលកន្លងមក លោក សម រង្ស៊ី បានបង្កើត និងដឹកនាំចលនា ឬសមាគមជាច្រើន នៅក្រៅប្រទេស។ បន្ទាប់ពី​បាន​និរទេសខ្លួន ដើម្បីគេចចេញពីការចាប់ចង ពីសំណាក់ប្រព័ន្ធតុលាការនៅកម្ពុជា មេដឹកនាំប្រឆាំងរូបនេះ បានបង្កើត​សមាគម​ថ្មីមួយ មានឈ្មោះថា «សមាគមដើម្បី​លើក​តម្កើង​លទ្ធិ​ប្រជាធិបតេយ្យ​នៅ​កម្ពុជា»។

ក្រោយការរំលាយគណបក្សសង្គ្រោះជាតិ ដោយរបបក្រុងភ្នំពេញ នៅចុងឆ្នាំ២០១៧ លោកក៏បានបង្កើតចលនា​មួយទៀត ឈ្មោះ«ចលនាសង្គ្រោះជាតិ» ដែលត្រូវបានលោកអះអាងថា ដើម្បីសង្គ្រោះគណបក្សប្រឆាំងមួយនេះ ឲ្យមានដំណើរការ​ឡើងវិញ នៅក្នុងប្រទេសកម្ពុជា៕

——

(*) Conseil d’Etat : ក្រុមប្រឹក្សាររដ្ឋបារាំង មានតួនាទីមួយ ពីចំណោមតួនាទីជាច្រើន នោះគឺជាតុលាការរដ្ឋបាលថ្នាក់កំពូល នៅក្នុងប្រទេសបារាំង។



លំអិតបន្ថែមទៀត

កម្ពុជា

ព្រឹត្តិការណ៍២០កុម្ភៈ៖ ករណីឆ្លង​ក្នុងសហគមន៍ កើនដល់​១០៣នាក់

មកដល់ម៉ោងនេះ ករណីឆ្លង​ក្នុងសហគមន៍ នៃអ្នកជំងឺកូវីដ-១៩ (Covid-19) ត្រូវបានរកឃើញ កើនឡើង​ដល់​ចំនួន​សរុប ១០៣នាក់។ ខាងក្រោមនេះ ជាតួលេខត្រួសៗ បង្ហាញពីការរកឃើញប្រចាំថ្ងៃ នៃករណីឆ្លងក្នុងសហគមន៍ រាប់ចាប់ពី​ថ្ងៃទី២០ ខែកុម្ភៈមក៖ ...
កម្ពុជា

Covid-19៖ ហ៊ុន សែន ចាត់តាំង​ឲ្យ​សមាជិកបក្ស​«CPP»​ចុះចែក​អំណោយ

នាយករដ្ឋមន្ត្រីដ៏ចាស់វស្សា និងជាប្រធានគណបក្សកាន់អំណាច នៅកម្ពុជា លោក ហ៊ុន សែន បានចាត់តាំងមន្ត្រី និងសមាជិកគណបក្ស «CPP» របស់លោក ឲ្យចុះចែកអំណោយ ទៅដល់ប្រជាពលរដ្ឋក្រីក្រ នៅទូទាំងប្រទេស។ ...
កម្ពុជា

ហ៊ុន សែន បន្តបញ្ជា​ឲ្យ​«ចាប់ខ្លួន សម រង្ស៊ី» ព្រោះថា​មិនមែន​ជារឿង​បុគ្គល

ប្រធានគណបក្សកាន់អំណាចនៅកម្ពុជា លោក ហ៊ុន សែន បានបន្តរំឭក ឲ្យ«ចាប់ខ្លួន»លោក សម រង្ស៊ី ប្រសិនជាមេដឹកនាំប្រឆាំងរូបនេះ មានវត្តមាននៅកម្ពុជា។ ខុសពីការថ្លែងលើកមុនៗ ដែលថា ករណីលោក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...