ការសង្ស័យផ្នែកព្រហ្មទណ្ឌ ដែលនិយាយពីទង្វើឧក្រិដ្ឋ នៅពីក្រោយ«អគ្គិភ័យ» ឆេះកម្ទេចដំបូលព្រះវិហារ «Notre-Dame» នៃរដ្ឋធានីប៉ារីស កាលពីថ្ងៃទី១៥ ខែមេសាកន្លងទៅ ត្រូវបានស្ថាប័នអយ្យការទម្លាក់ចោល និងមិនត្រូវបានយកមកស្រាវជ្រាវទៀតទេ។ ស្ថាប័នអយ្យការនៃរដ្ឋធានីប៉ារីស ដែលជំនាញខាងការស៊ើបអង្កេត សំនុំរឿងឧក្រិដ្ឋកម្មធំៗ ឬអំពើភេរវកម្ម បានប្រកាសក្នុងថ្ងៃពុធទី ២៦ ខែមិថុនានេះ ច្រានចោលទាំងស្រុង ការភ្ជាប់អំពើឧក្រិដ្ឋណាមួយ (ដូចជាការលួចដុតជាដើម) ទៅនឹងគ្រោះអគ្គិភ័យដ៏រន្ធត់នោះ ក្រោមមូលហេតុថា ក្រុមអ្នកស៊ើបអង្កេត រកមិនឃើញពីចំណុចណាមួយ ដែលមានដើមហេតុចេញ​ពីទង្វើឧក្រិដ្ឋ និងដែលបង្កឲ្យកើត«អគ្គិភ័យ»។ យ៉ាងណា បើការសង្ស័យផ្នែកព្រហ្មទណ្ឌ ត្រូវបានទម្លាក់ចោលនោះ ស្ថាប័នស៊ើបអង្កេតខាងលើ បានអះអាងថា ការសង្ស័យផ្សេងទៀត ដែលនិយាយពីឧបទ្ទវហេតុ នៅបន្តស្រាវជ្រាវទៅមុខនៅឡើយ។ ការសង្ស័យនោះ ...

បុរសម្នាក់ ត្រូវបាននគរបាលឃាត់ខ្លួន នៅយប់ថ្ងៃពុធម្សិលម៉ិញ បន្ទាប់ពីបានដើរចូល ទៅក្នុងព្រះវិហារ «Saint-Patrick» នៃទីក្រុងញ៉ូយក (ភាគខាងកើតអាមេរិក) ជាមួយនឹងប្រេង«សាំង​ពីរធុង» និងដែកកេះនៅនឹងដៃ។ ស្នងការរង នៃនគរបាលក្រុងញ៉ូយក លោក «John Miller» បានឲ្យដឹងថា បុរសម្នាក់នេះបាននិយាយថា ខ្លួនបានដើរ«ផ្លូវកាត់» ដោយឆ្លងកាត់​តាមព្រះវិហារ​ខាងលើ បន្ទាប់ពីរថយន្ដរបស់ខ្លួន បានអស់សាំង។ តែចម្លើយរបស់ជននេះ មិនទំនង និងហាក់មានលក្ខណៈ ជាការដោះសារ។ លោក «John Miller» បានថ្លែងដូច្នេះ នៅក្នុងសន្និសីទសារព័ត៌មានមួយ នៅមុននេះបន្តិច លើសួនច្បាររបស់ព្រះវិហារ ដែលមានទីតាំងក្នុងសង្កាត់ ម៉ាណាថាន់ (Manathan) ...

ក្នុងរយៈពេលតែប៉ុន្មានម៉ោង ក្នុងយប់ថ្ងៃចន្ទ ចូលមកថ្ងៃអង្គារ បេតិភ័ណ្ឌមួយរបស់មនុស្សជាតិ ដែលមានវ័យជាង៨៥០ឆ្នាំ ត្រូវបានព្រះអគ្គិឆក់ត្របាក់ ដោយបន្សល់ទុក តែ«ដំបូលឆេះ»ពណ៌ខ្មៅ គួរឲ្យសោកសង្រេង។ ដូចបានឃើញ ក្នុងរូបភាពដែលថតពីលើអាកាស ដោយចេញផ្សាយ ដោយគេហទំព័រ រ៉ូស្ស៊ីមួយ ស្ដីពីទិដ្ឋភាពនៃព្រះវិហារ «Notre-Dame de Paris» នៅក្រោយពេលអគ្គិភ័យ ត្រូវបានពន្លត់រួចរាល់។ យ៉ាងណា អគ្គិភ័យមិនបានបំផ្លាញ គ្រោងសំណង់សំខាន់​របស់ព្រះវិហារ ដែលធ្វើអំពីថ្មនោះទេ។ នេះ បើតាមការអះអាង របស់ប្រធានស្ថាប័នពន្លត់អគ្គិភ័យ នៃរដ្ឋធានីប៉ារីស កាលពីព្រឹកថ្ងៃអង្គារ។ បើតាមរដ្ឋអាជ្ញារបារាំង ដែលបានប្រកាស បើកការស៊ើបអង្កេត អំពីហេតុការណ៍ខាងលើ បានពន្យល់ថា ក្នុងដំណាក់កាលនេះ ...

នាយករដ្ឋមន្ត្រីបារាំង លោក អេឌូអារ ហ្វីលីព (Edouard Philippe) បានប្រកាសក្នុងថ្ងៃពុធនេះ អំពីការបើកប្រកួតប្រជែង ជាលក្ខណៈអន្តរជាតិ នូវគម្រោងស្ថាបត្យកម្ម ដើម្បីសង់«កំពូល»ចុងស្រួច នៃព្រះវិហារ «Notre-Dame» ដែលត្រូវបានលេបត្របាក់ ដោយអណ្ដាតភ្លើង កាលពីយប់ថ្ងៃចន្ទ។ ថ្លែងនៅពេលចេញពីកិច្ចប្រជុំ របស់គណៈរដ្ឋមន្ត្រី នៃរដ្ឋាភិបាលបារាំង កាលពីមុននេះបន្តិច លោកនាយករដ្ឋមន្ត្រី បានឲ្យដឹងថា កម្មវត្ថុនៃការប្រកួតប្រជែង ជាលក្ខណៈអន្តរជាតិនេះ គឺចង់ផ្ដល់ជូនសម្រាប់ព្រះវិហារ «Notre-Dame» នូវកំពូលចុងស្រួចថ្មីមួយ ដែលអាចសម្រប ទៅតាមបច្ចេកទេសថ្មី តែនៅតែរក្សាបាន នូវរចនាបទដើម នៃសម័យកាលសាងសង់ដំបូង របស់ព្រះវិហារ។ កិច្ចប្រជុំរបស់គណៈរដ្ឋមន្ត្រី ក្នុងថ្ងៃនេះ ...

គ្រាន់តែក្នុងរយៈពេល​មិនដល់ពីរថ្ងៃ ស្រួលបួលផងទេ សហគ្រាសយក្សធំៗ និងមហាសេដ្ឋី របស់ប្រទេសបារាំង បានរួមគ្នាធ្វើ«អំណោយ» សម្រាប់ជុលជុលព្រះវិហារ «Notre-Dame» ឡើងវិញ។ មកដល់ម៉ោងនេះ ទឹកប្រាក់អំណោយមានប្រមាណជិត ១ពាន់​លាន​អ៊ឺរ៉ូហើយ។ តាមច្បាប់បារាំង គ្រប់អំណោយទាំងឡាយ ដែលមានទិសដៅបម្រើឲ្យសង្គម និងបុព្វហេតុរួម នឹងផ្ដល់ផលប្រយោជន៍ សម្រាប់ម្ចាស់អំណោយ នូវការលើកលែងពន្ធដារ ក្នុងកម្រិត៦០% នៃទឹកប្រាក់អំណោយ។ ពីក្នុងចំណោមនោះ ម្ចាស់អំណោយដ៏មហាសាល ដែលគួរឲ្យកត់សម្គាល់ រួមមាន៖ ក្រុមគ្រួសារមហាសេដ្ឋី ត្រកូល «Arnault» ដែលជាម្ចាស់សហគ្រាស «LVMH» នៃផលិតផលតុបតែងកាយដ៏ប្រណិត (Luis Viton, …) បានជូនជាអំណោយ ...

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានថ្លែងក្នុងយប់ថ្ងៃអង្គារថា ព្រះវិហារ «Notre-Dame» ដ៏ល្បីនៃរដ្ឋធានីប៉ារីស នឹងត្រូវជុសជុលឡើងវិញ ឲ្យបានរួចរាល់ នៅក្នុងរយៈពេល«៥ឆ្នាំ»។ ថ្លែងនៅតាមកញ្ចក់ទូរទស្សន៍ លោក អេម៉ានុយអែល ម៉ាក្រុង បានបញ្ជាក់ថា៖ «យើងនឹងសាងសង់ព្រះវិហារ “Notre-Dame”នេះឡើងវិញ ឲ្យកាន់តែស្រស់ស្អាតថែមទៀត។ ខ្ញុំចង់ធ្វើវាឲ្យរួចរាល់ នៅក្នុងរយៈពេល”៥ឆ្នាំ”។ យើងពិតជាអាចធ្វើបាន ហើយក្នុងពេលនេះ យើងកំពុងតែត្រៀមអ្វីៗគ្រប់យ៉ាង។» ប៉ុន្តែសុន្ទរកថាតាមកញ្ចក់ទូរទស្សន៍ របស់ប្រធានាធិបតី ម៉ាក្រុង បានបង្កការខកចិត្ត សម្រាប់ប្រជាជនបារាំងខ្លះ ដែលទន្ទឹងឲ្យលោកថ្លែង ពីបញ្ហាសង្គមជាច្រើន ជុំវិញការធ្វើកំណែទម្រង់ នៃរដ្ឋាភិបាលរបស់លោក ...