ដំណឹងបារាំង

បារាំង​បើក​ការ​ប្រកួត​ជា​អន្តរជាតិ​គម្រោងសង់​«កំពូល Notre-Dame»

នាយករដ្ឋមន្ត្រីបារាំង លោក អេឌូអារ ហ្វីលីព (Edouard Philippe) បានប្រកាសក្នុងថ្ងៃពុធនេះ អំពីការបើកប្រកួតប្រជែង ជាលក្ខណៈអន្តរជាតិ នូវគម្រោងស្ថាបត្យកម្ម ដើម្បីសង់«កំពូល»ចុងស្រួច នៃព្រះវិហារ «Notre-Dame» ដែលត្រូវបានលេបត្របាក់ ដោយអណ្ដាតភ្លើង កាលពីយប់ថ្ងៃចន្ទ។

ថ្លែងនៅពេលចេញពីកិច្ចប្រជុំ របស់គណៈរដ្ឋមន្ត្រី នៃរដ្ឋាភិបាលបារាំង កាលពីមុននេះបន្តិច លោកនាយករដ្ឋមន្ត្រី បានឲ្យដឹងថា កម្មវត្ថុនៃការប្រកួតប្រជែង ជាលក្ខណៈអន្តរជាតិនេះ គឺចង់ផ្ដល់ជូនសម្រាប់ព្រះវិហារ «Notre-Dame» នូវកំពូលចុងស្រួចថ្មីមួយ ដែលអាចសម្រប ទៅតាមបច្ចេកទេសថ្មី តែនៅតែរក្សាបាន នូវរចនាបទដើម នៃសម័យកាលសាងសង់ដំបូង របស់ព្រះវិហារ។

កិច្ចប្រជុំរបស់គណៈរដ្ឋមន្ត្រី ក្នុងថ្ងៃនេះ ដែលធ្វើឡើង ក្នុងវិមានប្រធានាធិបតី «អេលីហ្សេ» បានឧទ្ធិស របៀបវារៈរបស់ខ្លួនទាំងស្រុង ទៅនឹងព្រះវិហារ «Notre-Dame»​ ដែលមួយផ្នែកធំត្រូវបានឆេះបំផ្លាញ ដោយអគ្គិភ័យ។

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានប្រកាស កាលពីយប់ថ្ងៃអង្គារម្សិលម៉ិញ ថាលោកចង់ឲ្យមហាគ្រឹះដ៏ល្បីមួយនេះ ត្រូវបានជុសជុលហើយ នៅក្នុងរយៈពេល៥ឆ្នាំទៅមុខ៕



You may also like

ដំណឹង

ម៉ាក្រុង តែងតាំង អេលីហ្សាប៊ែត ប៊ន (ទំនោរឆ្វេងនិយម) ជានាយករដ្ឋមន្ត្រី

អ្នកស្រី អេលីហ្សាប៊ែត ប៊ន (Élisabeth Borne) បច្ចុប្បន្នជារដ្ឋមន្ត្រីការងារ ត្រូវបានលោកប្រធានាធិបតី អេម៉ានុយអែល ម៉ាក្រុង (Emmanuel Macron) តែងតាំងជា​នាយករដ្ឋមន្ត្រីថ្មី ដើម្បីដឹកនាំរដ្ឋាភិបាលបារាំង ...
ទិដ្ឋភាពកងកម្លាំងនគរបាល កំពុងធ្វើប្រតិបត្តិការ បង្ក្រាបភេរវកម្ម នៅកណ្ដាលរដ្ឋធានីវីយែន ប្រទេសអូទ្រីស ក្នុងយប់ថ្ងៃចន្ទទី២ ខែវិច្ឆិកា ឆ្នាំ២០២០។ (រូបថតសហការីលើទ្វីសធើរ)
ដំណឹង

អូទ្រីស៖ មេដឹកនាំអ៊ឺរ៉ុប រួមគ្នាប្រតិកម្ម​នឹងភេរវកម្មនៅ​វីយែន

ភ្លាមៗនៅក្រោយភេរវកម្ម៦កន្លែង នៅរដ្ឋធានីវីយែន (ប្រទេសអូទ្រីស) មេដឹកនាំអ៊ឺរ៉ុប បានបញ្ចេញសារ ប្រតិកម្មរួមគ្នា ដោយអះអាងថា អ៊ឺរ៉ុបនឹងមិនឱនក្បាល នៅក្រោម​ការគម្រាមកំហែង ពីសំណាក់ក្រុមភេរវជន ឬអង្គការភេរវនិយម ណាមួយឡើយ។ ស្នូកាំភ្លើងផ្ទុះជាច្រើនសិបគ្រាប់ ...
ដំណឹង

បារាំង​មានករណី​ឆ្លង​មេរោគ​«កូរូណា»​កើនដល់​៣៨នាក់ និងស្លាប់​ពីរនាក់

ការរីករាលដាល ក្នុងប្រទេសបារាំង នៃជំងឺរលាកផ្លូវដកដង្ហើម តាមរយៈមេរោគ​«កូរូណា»​ថ្មី ហៅថា «Covid-19» បានកើនឡើងទ្វេដង ក្នុងរយៈពេល តែមួយថ្ងៃម្សិលម៉ិញ។ តុល្យភាពក្នុងយប់ថ្ងៃព្រហស្បត្តិ ដែលប្រព័ន្ធផ្សព្វផ្សាយទទួលបាន បានឲ្យដឹងថា ករណីឆ្លងមេរោគខាងលើ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...