ដំណឹងបារាំង

អគ្គិភ័យ Notre-Dame៖ ការសង្ស័យ​ព្រហ្មទណ្ឌ ត្រូវបានទម្លាក់ចោល

ការសង្ស័យផ្នែកព្រហ្មទណ្ឌ ដែលនិយាយពីទង្វើឧក្រិដ្ឋ នៅពីក្រោយ«អគ្គិភ័យ» ឆេះកម្ទេចដំបូលព្រះវិហារ «Notre-Dame» នៃរដ្ឋធានីប៉ារីស កាលពីថ្ងៃទី១៥ ខែមេសាកន្លងទៅ ត្រូវបានស្ថាប័នអយ្យការទម្លាក់ចោល និងមិនត្រូវបានយកមកស្រាវជ្រាវទៀតទេ។

ស្ថាប័នអយ្យការនៃរដ្ឋធានីប៉ារីស ដែលជំនាញខាងការស៊ើបអង្កេត សំនុំរឿងឧក្រិដ្ឋកម្មធំៗ ឬអំពើភេរវកម្ម បានប្រកាសក្នុងថ្ងៃពុធទី ២៦ ខែមិថុនានេះ ច្រានចោលទាំងស្រុង ការភ្ជាប់អំពើឧក្រិដ្ឋណាមួយ (ដូចជាការលួចដុតជាដើម) ទៅនឹងគ្រោះអគ្គិភ័យដ៏រន្ធត់នោះ ក្រោមមូលហេតុថា ក្រុមអ្នកស៊ើបអង្កេត រកមិនឃើញពីចំណុចណាមួយ ដែលមានដើមហេតុចេញ​ពីទង្វើឧក្រិដ្ឋ និងដែលបង្កឲ្យកើត«អគ្គិភ័យ»។

យ៉ាងណា បើការសង្ស័យផ្នែកព្រហ្មទណ្ឌ ត្រូវបានទម្លាក់ចោលនោះ ស្ថាប័នស៊ើបអង្កេតខាងលើ បានអះអាងថា ការសង្ស័យផ្សេងទៀត ដែលនិយាយពីឧបទ្ទវហេតុ នៅបន្តស្រាវជ្រាវទៅមុខនៅឡើយ។ ការសង្ស័យនោះ មានដូចជា កន្ទុយបារីរបស់ក្រុមកម្មករ ដែលបោះចោល ក្នុងដំបូលព្រះវិហារ និងមិនត្រូវបានពន្លត់ ឲ្យបានត្រឹមត្រូវ ឬបញ្ហាបណ្ដាលមកពីអគ្គិសនីជាដើម។ 

ក្នុងរយៈពេលតែប៉ុន្មានម៉ោង ក្នុងយប់ថ្ងៃចន្ទទី១៥ ចូលមកថ្ងៃអង្គារទី១៦ ខែមេសា ឆ្នាំ២០១៩ ព្រះវិហារ «Notre-Dame de Paris» ដែលជាបេតិភ័ណ្ឌមួយរបស់មនុស្សជាតិ មានវ័យជាង៨៥០ឆ្នាំ ត្រូវបានព្រះអគ្គិឆក់ត្របាក់ ដោយបន្សល់ទុក តែ«ដំបូលឆេះ»​ពណ៌ខ្មៅ យ៉ាងអាណោចអាធ័ម។

Notre Dame Cathedral, icon of Paris, burns

“Notre Dame of Paris is our history, our literature, our imagination”. France’s president says Paris’ iconic cathedral will be rebuilt after a massive fire caused extensive damage to the 850-year-old building.

Posted by Al Jazeera English on Tuesday, April 16, 2019


ក្នុងរយៈពេលដំបូង នៃការស៊ើបអង្កេត មនុស្សជាច្រើននាក់ ត្រូវបានកោះហៅទៅសាកសួរ។ មនុស្សទាំងនោះ មានដូចជាបុគ្គលិក កម្មករ របស់សហគ្រាស ដែលទទួលបន្ទុក ជុសជុលដំបូលព្រះវិហារ – តំណាងអ្នកគ្រប់គ្រងព្រះវិហារ និងបុគ្គលិករបស់ក្រុមហ៊ុន «Elytis» ដែលទទួលបន្ទុកថែរក្សាសន្តិសុខ ក្នុងបរិវេណព្រះវិហារ តាំងពីឆ្នាំ២០១៤។

បើទោះជាបុគ្គលិកមួយចំនួន បានលើកឡើង ពីភាពចន្លោះប្រហោង នៃការការពារសន្តិសុខ ក្នុងបរិវេណព្រះវិហារ តែសម្រាប់អ្នកស៊ើបអង្កេត ភាពចន្លោះប្រហោងនោះ មិនអាចត្រូវរាប់ចូល ជាការពាក់ព័ន្ធ នឹងទង្វើឧក្រិដ្ឋនោះឡើយ។

ផ្ទុយទៅវិញ ការអន្តរាគមន៍ជួយសង្គ្រោះ ហាក់មានភាពយឺតយ៉ាវ និងមិនទាន់ពេល បណ្ដាលមកពីបញ្ហា នៃការបកស្រាយ និងការបញ្ជូនព័ត៌មាន នៅពេលអគ្គិភ័យចាប់ផ្ដើមដំបូង។

យ៉ាងណា ការស៊ើបអង្កេតនៅតែបន្តធ្វើ និងដឹកនាំ ដោយចៅក្រមស៊ើបអង្កេតបីនាក់។ ការស៊ើបអង្កេតនោះ នឹងស្វែងរកការពន្យល់ និងការទទួលខុសត្រូវ យ៉ាងស៊ីជម្រៅ ពីបទ «បំផ្លាញដោយអចេតនា នូវទ្រព្យសម្បត្តិសាធារណៈ ដោយអគ្គិភ័យ បណ្ដាលមកពីការរំលោភជាបន្តបន្ទាប់ និងដោយចំហរ នូវវិធានចាំបាច់ទាំងឡាយ សម្រាប់សុវត្ថិភាព-សន្តិសុខ ដែលកំណត់ឡើង ដោយច្បាប់»៕



You may also like

ដំណឹង

យ៉ាងតិច៧ប្រទេសនៅអ៊ឺរ៉ុបទទួលស្គាល់ ហ្គេដូ ជាប្រធានាធិបតីស្ដីទី

បន្ទាប់ពីឱសានវាទបានផុតកំណត់ ប្រទេសនានានៅអ៊ឺរ៉ុប ចាប់ផ្ដើមប្រកាសជាផ្លូវការ និងជាបន្តបន្ទាប់ ទទួលស្គាល់លោក រ៉ន់ ហ្គេដូ (Juan Guaido) មេដឹកនាំប្រឆាំង និងជាប្រធានរដ្ឋសភា ក្នុងប្រទេសវេណេស៊ុយអេឡា ជាប្រធានាធិបតីស្ដីទី ...
ដំណឹង

បាតុកម្ម«អាវកាក់លឿង»​ទី១៨៖ ធនាគារ តូប​​និង​ហាង​ជាច្រើន​​រងអគ្គិភ័យ

ចលនាទី១៨ នៃបាតុកម្មក្រុម«អាវកាក់លឿង»បារាំង បានយករដ្ឋធានីប៉ារីសធ្វើជាទិសដៅ ក្នុងថ្ងៃសៅរ៍ទី១៦ ខែមិនា ឆ្នាំ២០១៩នេះ ដើម្បីសំដែងកំហឹងរបស់បាតុករ ប្រឆាំងនឹងនយោបាយដឹកនាំដោយរដ្ឋាភិបាល របស់ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel ...
ដំណឹង

«ដង្កូវ​ក្បាលញញួរ»​ដ៏សហាវ កំពុង​វាយលុក​​តំបន់មួយ ភាគ​ខាងត្បូង​បារាំង

មើលមួយភ្លែត សត្វ«ដង្កូវ​ក្បាលញញួរ» ដូចបង្ហាញនៅក្នុងរូបថតខាងលើ ហាក់មិនមាន​អ្វី​គួរឲ្យខ្លាចទេ។ តែសត្វដ៏ចង្រៃនេះ កំពុងវាយលុកតំបន់ «Drôme» ស្ថិតនៅ​ភាគ​ខាងត្បូង នៃប្រទេសបារាំង។  ដង្កូវប្រភេទខាងលើ ដែលមានឈ្មោះបច្ចេកទេស «Bipalium kewense» ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...