ម៉ាស់​និង​ស្រោមដៃ ដែលជាឧបករណ៍ពេទ្យ​ដ៏សំខាន់ ក្នុងការព្យាបាល ឬថែរក្សាអ្នកជំងឺ «Covid-19» ត្រូវបានប្រទះឃើញជាច្រើន នៅក្នុងទឹកសមុទ្រ មេឌីទែរ៉ាណេ។ ក្រុមអ្នក​ស្រឡាញ់​ធម្មជាតិ មកពីសមាគម «Opération Mer Propre (យុទ្ធនាការសមុទ្រស្អាត)» បានប្រកាសអាសន្ន ពីការប្រទះឃើញនេះ ថាបើសិនជា គ្មានការទប់ស្កាត់ទេ នោះទឹក សមុទ្រ មិនថាទីនេះ ឬទីណាដទៃទេ នឹងគ្របដណ្ដប់ ដោយសម្ភារៈ ដែលទាក់ទងនឹងជំងឺ «Covid-19»។

លោក ឡូរ៉ង់ ឡំបាដ៍ (Laurent Lombard) ស្ថាបនិករបស់សមាគមខាងលើ បាន​ចុះក្នុង​ទឹកសមុទ្រ រួមនឹងក្រុមការងារដទៃទៀត នៅតំបន់ទឹក រវាងពីឆ្នេរក្រុង កាន (Cannes) និង​ក្រុង អង់ទីប (Antibes) ភាគ​ខាងត្បូង​បារាំង ហើយលោកបាន​បំពាក់​ម៉ាស៊ីតថត​វីដេអូ ចុះទៅជាមួយផង។

រូបភាពដែលត្រូវបានយកមកបង្ហោះ មានលក្ខណៈព្រឺឆ្អឹងខ្នង ជាមួយនឹង«ម៉ាស់​និង​ស្រោមដៃ»​ជាច្រើន ដែលធ្លាក់​ចូល​ទឹក ឬត្រូវបាន​គ្រវាត់​ចោល ទៅក្នុងទឹក តាំងពីច្រើន​ថ្ងៃ​មកហើយ ដែល​ធ្វើឲ្យស្លែដុះ នៅជាប់​ជាមួយផង។ លោក ឡូរ៉ង់ ឡំបាដ៍ បានសរសេរ​​អម​នឹង​វីដេអូ​នេះថា៖

«ក្នុងរដូវក្ដៅនេះ អ្នកចង់ចុះ​ងូតទឹក​សមុទ្រ ជាមួយនឹង “Covid-19” ឬ? គ្រាន់តែជម្រាប​ជូនថា ម៉ាស់ដែលប្រើហើយ​បោះចោល ត្រូវបានបញ្ជាទិញ ប្រមាណជាង​២ពាន់​លានម៉ាស់ (តួលេខតែក្នុងប្រទេសបារាំងមួយ)។ អញ្ចឹងទេ បន្តិចទៀត យើងប្រាកដជាឃើញ ម៉ាស់​អណ្ដែត​ពេញទឹក ជាជាងឃើញខ្ញែសមុទ្រ (ឬជំពុលទឹក) អណ្ដែតហើយ។»

ការប្រទះឃើញឧបករណ៍ទាំងនេះ បានកើតឡើង នៅខណៈពេល ដែលបណ្ដាប្រទេសនានា នៅអ៊ឺរ៉ុបកំពុង​ងើបចេញ ពីបម្រាមដែលបិទប្រទេស ដើម្បីបើកឲ្យពលរដ្ឋ អាចដើរ​ហើរ ចេញ​ក្រៅផ្ទះបាន។ អាជ្ញាធរសុខាភិបាល​ បានផ្ដល់យោបល់ ថានៅពេលដើរចេញក្រៅនោះ គេគួរ​ការពារខ្លួន ដោយពាក់​ម៉ាស់ ឬពាក់ស្រោមដៃ ប្រសើរជាងមិនពាក់។

លោក ឡូរ៉ង់ ឡំបាដ៍ បានថ្លែងបន្ថែម នៅលើកញ្ចក់ទូរទស្សន៍បារាំង «France 3» ទៀតថា៖

«រឿងនេះ នឹងក្លាយជាគ្រោះមហន្តរាយ៍ សម្រាប់ប្រព័ន្ធជីវសាស្ត្រចម្រុះ។ កាលពីមួយ​សប្ដាហ៍​មុន ខ្ញុំបានឃើញ​តែម៉ាស់​មួយទេ នៅក្នុងទឹក តែបន្តបន្ទាប់មក ខ្ញុំបានប្រទះឃើញ កាន់តែ​​ច្រើន​ឡើងៗ។ ហើយនេះ គ្រាន់តែ​ជា​ការចាប់ផ្ដើម ផង​ទៀត។ យើងត្រូវ​គិតដល់ថា នៅពេល​​ដែលមាន​​ខ្យល់ខ្លាំង បកបោកមក វានឹងនាំម៉ាស់ ឬស្រោមដៃ​ទាំងនោះ ដែលគេ​បោះចោល នៅតាមដងផ្លូវ ឲ្យប៉ើងចូល​ទៅក្នុងសមុទ្រ។»

បើតាមអ្នកវិទ្យាសាស្ត្រ បានបញ្ជាក់ថា ម៉ាស់សម្រាប់​ទប់ស្កាត់​មេរោគ មួយសម្រាប់ ត្រូវ​ចំណាយពេល រហូតដល់៤៥០ឆ្នាំ ដើម្បីរលាយបាត់រូប។

នៅចំពោះគ្រោះថ្នាក់ ដែលនឹងអាចឈានមកដល់នេះ លោក «Eric Pauget» តំណាង​រាស្ត្រ​បារាំងមួយរូប មកពីតំបន់ «Alpes-Maritimes» ដែលស្ថិតនៅជាប់សមុទ្រ មេឌីទែរ៉ាណេ បានស្នើឡើង ទៅរដ្ឋសភាជាតិបារាំង កាលពីសប្ដាហ៍មុន នូវច្បាប់មួយ ដើម្បីដាក់​ពិន័យ ៣០០អ៊ឺរ៉ូ ទៅលើនរណាក៏ដោយ ដែលបោះចោលម៉ាស់ ឬស្រោមដៃ នៅលើ​ដងផ្លូវ​សាធារណៈ៕

Petite opération du dimanche dans la baie de Golfe Juan et pour une fois on a vraiment vu du beau avec ce banc de…

Gepostet von Opération Mer Propre am Sonntag, 24. Mai 2020


You may also like

កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

លោកនាយករដ្ឋមន្ត្រី ហ៊ុន សែន បានហៅការសម្រេច របស់អភិបាលខេត្តក្រុងមួយចំនួន ថាជា«ការបង្កើតរដ្ឋ​ក្នុងរដ្ឋ» ជុំវិញសេចក្ដីសម្រេច​របស់ពួកគេ ក្នុងការដាក់កំហិតឲ្យធ្វើចត្តាឡីស័ក សម្រាប់ពលរដ្ឋណាដែលធ្វើដំណើរឆ្លងខេត្ត។ បុរសខ្លាំងនៅកម្ពុជា បានបញ្ជាឲ្យមេដឹកនាំ នៅតាមខេត្តក្រុងទាំងនោះ ត្រូវធ្វើការផ្លាស់ប្ដូរ​សេចក្ដីសម្រេច​នោះ​ជាបន្ទាន់។ ...
កម្ពុជា

Covid-19 ៖ កឹម សុខា ចូលរួម​មរណទុក្ខ​សព​ទាហាន​មួកខៀវ​ខ្មែរ

ប្រធានគណបក្សសង្គ្រោះជាតិ លោក កឹម សុខា បានសំដែងសមានចិត្ត ចូលរួមមរណទុក្ខ ចំពោះសពទាហានខ្មែរ​មួយរូប ដែលបានស្លាប់ ដោយជំងឺ «Covid-19» ក្រោមបេសកកម្ម​សន្តិភាព របស់អង្គការសហប្រជាជាតិ នៅក្នុងប្រទេសម៉ាលី។ ...
ដំណឹង

ចូ បៃដេន កំពុងឈ្នះ ត្រាំ ក្នុងការបោះឆ្នោត​​ប្រធានាធិបតី​អាមេរិក២០២០

ការរាប់សន្លឹកឆ្នោត​បន្ថែមទៀត ក្នុងថ្ងៃពុធទី៤ ខែវិច្ឆិកានេះ បង្ហាញទំនោរថា លោក ចូ បៃដេន (Joe Biden) បេក្ខជន​ពីគណបក្សប្រជាធិបតេយ្យ ទំនងជាឈ្នះលោក ដូណាល់ ត្រាំ ...

Comments are closed.

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...
កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...