ដំណឹងពិភពលោក

ឃាត់ខ្លួន​បុរសម្នាក់ ព្រោះ​កាន់​«សាំង​ពីរធុង»​ចូល​ព្រះវិហារ​នៅ​​ញ៉ូយក

បុរសម្នាក់ ត្រូវបាននគរបាលឃាត់ខ្លួន នៅយប់ថ្ងៃពុធម្សិលម៉ិញ បន្ទាប់ពីបានដើរចូល ទៅក្នុងព្រះវិហារ «Saint-Patrick» នៃទីក្រុងញ៉ូយក (ភាគខាងកើតអាមេរិក) ជាមួយនឹងប្រេង«សាំង​ពីរធុង» និងដែកកេះនៅនឹងដៃ។

ស្នងការរង នៃនគរបាលក្រុងញ៉ូយក លោក «John Miller» បានឲ្យដឹងថា បុរសម្នាក់នេះបាននិយាយថា ខ្លួនបានដើរ«ផ្លូវកាត់» ដោយឆ្លងកាត់​តាមព្រះវិហារ​ខាងលើ បន្ទាប់ពីរថយន្ដរបស់ខ្លួន បានអស់សាំង។ តែចម្លើយរបស់ជននេះ មិនទំនង និងហាក់មានលក្ខណៈ ជាការដោះសារ។

លោក «John Miller» បានថ្លែងដូច្នេះ នៅក្នុងសន្និសីទសារព័ត៌មានមួយ នៅមុននេះបន្តិច លើសួនច្បាររបស់ព្រះវិហារ ដែលមានទីតាំងក្នុងសង្កាត់ ម៉ាណាថាន់ (Manathan) នៃក្រុងញ៉ូយក។ លោកបន្តថា អាជ្ញាធរមិនទាន់ដឹងថា តើចិត្តគំនិតរបស់បុរសនេះ មានស្ថានភាពបែបណា​ ហើយថា តើបំណង់ពិតរបស់បុរសនេះ ចង់ធ្វើអ្វីឲ្យពិតទេ។

អាជ្ញាធរបានបញ្ជាក់ថា នៅពេលដើរចូល ទៅក្នុងព្រះវិហារ បុរសខាងលើត្រូវបានភ្នាក់ងារ​សន្តិសុខម្នាក់ ហៅមកសួរថា ចង់ទៅណា។ ភ្នាក់ងាររូបនោះ បានបញ្ជាក់ថា គេមិនអាចដើរចូលព្រះវិហារ ជាមួយនឹងវត្ថុទាំងនេះ (សាំង​ពីរធុង និងដែកកេះ) បានទេ។

លោកស្នងការរងបានបន្តថា គឺនៅពេលដែលបុរសនោះ បានដើរត្រឡប់ក្រោយវិញ ភ្នាក់ងារសន្តិសុខបានឃើញ ប្រេងសាំងហូរធ្លាក់ទៅលើដី។

បន្ទាប់ពីទទួលបានការរាយការណ៍រួច ភ្នាក់ងារនគរបាល​នៃការិយាល័យ​ប្រឆាំងភេរវកម្ម បានតាមទៅទាន់ខ្លួនជនសង្ស័យ និងធ្វើការឃាត់ខ្លួនជននេះ បន្ទាប់ពីបានសាកសួររួច។

លោក «John Miller» បញ្ជាក់ថា៖

«ជននេះថា ខ្លួនធ្វើការនៅក្នុងព្រះវិហារ ហើយថារថយន្ដខ្លួន អស់សាំង…។ តែនៅពេលយើង ទៅពិនិត្យមើលរថយន្ដនោះភ្លាម ឃើញរថយន្ដ មានសាំងពេញនៅឡើយ។ ដូច្នេះហើយ ទើបយើងចាប់ខ្លួន​ជននេះ។»

ជនសង្ស័យមានអាយុ ៣៧ឆ្នាំ និងធ្លាប់ត្រូវបាននគរបាលស្គាល់ នៅក្នុងបញ្ជីបទល្មើសរួចហើយ។

ព្រះវិហារ «Saint-Patrick» នៃក្រុងញ៉ូយក ត្រូវបានសាងសង់ហើយ ក្នុងឆ្នាំ១៨៧៨ និងត្រូវបានសង់ពង្រីកបន្ថែម នៅក្នុងឆ្នាំបន្តបន្ទាប់មក។ ព្រះវិហារនេះ ត្រូវបានជុសជុលឡើងវិញ និងជុសជុលរួចរាល់ នៅឆ្នាំ២០១៥កន្លងមក។

ជាហេតុការណ៍ ដែលបានកើតឡើង នៅប៉ុន្មានថ្ងៃក្រោយអគ្គិភ័យ បានឆាបឆេះ ផ្នែកដំបូលនៃព្រះវិហារ «Notre-Dame» ដ៏ល្បីនៃរដ្ឋធានីប៉ារីស ប្រទេសបារាំង។ អាជ្ញាធរបារាំង បានសង្ស័យក្នុងជំហាននេះ ថាអគ្គិភ័យបណ្ដាលមក ពីការដ្ឋានជុសជុលព្រះវិហារ ដែលបាន និងកំពុងប្រព្រឹត្តិទៅ តាំងពីច្រើនខែហើយ។



You may also like

ដំណឹង

អង់គ្លេស៖ «កាន់​កាំបិត​ដើរចាក់​មនុស្ស» របួសច្រើននាក់ ចាប់ខ្លួន​ម្នាក់

«កាន់​កាំបិត​ដើរចាក់​មនុស្ស»៖ ហេតុការណ៍ដ៏រន្ធត់ បានកើតឡើង ក្នុងល្ងាចថ្ងៃសៅរ៍នេះ នាឧទ្យាន «Forbury Garden» នៃក្រុង «Reading» ដែលស្ថិតនៅភាគខាងលិច នៃ​រាជធានីឡុងដ៍ ចក្រភពអង់គ្លេស ។ ...
ដំណឹង

ភេរវកម្ម​នៅ​ស្រីលង្កា៖ «ជនរងគ្រោះ»​កើនឡើង​ជិត​៣០០នាក់

តុល្យភាពថ្មីដែលធ្លាក់មកដល់ នៅក្នុងថ្ងៃចន្ទនេះ បានឲ្យដឹងថា «ជនរងគ្រោះ»ដល់ជីវិត បានកើនឡើងដល់ ២៩០នាក់ ខណៈជនរងរបួស មានប្រមាណជា៥០០នាក់។ អាជ្ញាធរស្រីលង្កា បានអះអាងថា បានដោះបង្កៃគ្រាប់បែកមួយ ដែលត្រូវបានរកឃើញ នៅក្បែរព្រលានយន្ដហោះអន្តរជាតិ ...
ដំណឹង

ភេរវកម្ម​នៅ​ស្ត្រាស្បួរ៍៖ ស្លាប់​៣នាក់ របួស​១៣នាក់ បារាំង​តម្លើង​កម្រិត​ការពារ​សន្តិសុខ

មកដល់នាទីនេះ តុល្យភាពចុងក្រោយ និងជាបណ្ដោះអាសន្ន បានឲ្យដឹងថា មនុស្ស​៣នាក់ បានស្លាប់ និង១៣នាក់រងរបួស ក្នុងនោះ ៨នាក់ ស្ថិតក្នុងសភាពធ្ងន់ធ្ងរ នៅក្នុងហេតុការណ៍បាញ់រះមួយ កាលពីយប់ម៉ិញ ពីសំណាក់បុរសម្នាក់ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...