វប្បធម៌ និងជីវិតសុខភាព

ក្រសួងសុខាភិបាលបង្ហាញ ពី​វិធាន​១០ចំណុច សម្រាប់ធ្វើចត្តាឡីស័ក

តើការធ្វើចត្តាឡីស័ក ត្រូវធ្វើឡើង តាមរបៀបណា? ខាងក្រោមនេះ ជាការពន្យល់របស់ក្រសួងសុខាភិបាលកម្ពុជា ដែលបង្ហាញ ពីវិធាន១០ចំណុច ដើម្បីអ្វីមួយ ដែលក្រុមអ្នកជំនាញផ្នែកសុខភាព លើកឡើងថា ជាការបំបាក់ការរាតត្បាត នៃជំងឺ«Covid-19»។

ទស្សនាវដ្ដីមនោរម្យ.អាំងហ្វូ សូមលើកយក មកបង្ហាញជូន ពីវិធាន១០ចំណុច របស់អាជ្ញាធរសុខាភិបាលកម្ពុជានោះ ដូចតទៅ៖

១) នៅក្នុងផ្ទះដាច់ដោយឡែក គ្រប់ពេល ជារៀងរាល់ថ្ងៃ ក្នុងអំឡុងពេល១៤ថ្ងៃ (ហាមដាច់ខាត ដើរចេញក្រៅផ្ទះ ឬចេញពីទីកន្លែង ធ្វើចត្តាឡីស័ក)។

២) តាមដានរោគសញ្ញានៃជំងឺ ដោយវាស់កម្តៅ ជារៀងរាល់ថ្ងៃ នៅពេលព្រឹក និងពេលល្ងាច។ បើមានកម្តៅ លើសពី៣៧.៥អង្សារ ឬមានរោគសញ្ញាណាមួយ ដូចជាក្អក ឈឺបំពង់ក ពិបាកដកដង្ហើម ត្រូវទាក់ទងទៅកាន់ ទូរស័ព្ទសង្គ្រោះលេខ ១១៥។

៣) នៅដាច់ដោយឡែក ពីសមាជិកគ្រួសារ

  • រស់នៅក្នុងបន្ទប់មួយ ដាច់ដោយឡែក ដែលមានខ្យល់ចេញចូលគ្រប់គ្រាន់ និងប្រើប្រាស់បន្ទប់ទឹក /បង្គន់ផ្សេងពីគ្រួសារ ហើយបរិភោគអាហារ ដាច់ដោយឡែក ពីសមាជិកគ្រួសារ។
  • ពាក់មាស់ជាប់ជានិច្ច និងត្រូវនៅឃ្លាតពីគ្នា យ៉ាងតិច១.៥ម៉ែត្រ

៤) ប្រើប្រាស់សម្ភារៈដោយឡែក ពីសមាជិកគ្រួសារ

  • ហាមប្រើសម្ភារៈរួមគ្នា ជាមួយសមាជិកគ្រួសារ។ លាងសម្អាតសម្ភារៈទាំងនោះ ជាមួយទឹកស្អាត និងសាប៊ូ ឱ្យបានស្អាតល្អ បន្ទាប់ពីប្រើរួច។ បោកគក់សំលៀកបំពាក់ ឱ្យបានស្អាត និងហាលថ្ងៃ ឱ្យបានល្អ

៥) លាងដៃជាមួយសាប៊ូ និងទឹកស្អាត ឱ្យបានញឹកញាប់

  • លាងសម្អាតដៃ ដោយប្រើសាប៊ូ និងទឹកស្អាត ឬប្រើអាល់កុល ឬជែលលាងដៃ (Gel) ឱ្យបានញឹកញាប់ មុន និងក្រោយពេលចម្អិតអាហារ មុននិងក្រោយបរិភោគអាហារ និងក្រោយពេលប្រើបង្គន់

៦) ខ្ទប់មាត់ ច្រមុះ នៅពេលក្អក ឬកណ្តាស់

  • ខ្ទប់មាត់ ច្រមុះខ្លួនឯង ដោយម៉ាស់ ក្រម៉ា កន្សែង ក្រដាសអនាម័យ ឬខ្ទប់នឹងកែងដៃ នៅពេលក្អក ឬកណ្តាស រួចត្រូវចោលក្រដាសនោះ ទៅក្នុងធុងសំរាម ហើយលាងសម្អាតដៃភ្លាមៗ។

៧) បរិភោគម្ហូបអាហារ ដែលចម្អិតបានល្អ

  • ម្ហូបអាហារត្រូវចម្អិត ឱ្យបានល្អ។ បរិភោគអាហារមានជាតិត្រី សាច់ បន្លែ ផ្លែឈើ បន្ថយជាតិខ្លាញ់ ជាតិប្រៃ និងជាតិផ្អែម ដើម្បីជួយពង្រឹង​ប្រព័ន្ធការពារ​សារពាង្គកាយ។

៨) អនាម័យល្អ ក្នុងកន្លែងរស់នៅ និងរក្សាអារម្មណ៍នឹងនរ

  • ធ្វើកិច្ចការផ្សេងៗ ជាធម្មតា ហាត់ប្រាណក្នុងផ្ទះ
  • សម្អាតបន្ទប់រស់នៅផ្ទះខ្លួន បន្ទប់ទឹក ព្រមទាំងសម្ភារៈប្រើប្រាស់ផ្សេងៗ ជារៀងរាល់ថ្ងៃ។

៩) បញ្ចប់ការអនុវត្តចត្តាឡីស័ក

  • អនុញ្ញាតឱ្យបញ្ចប់ការធ្វើចត្តាឡីស័ក ប្រសិនអ្នកបានអនុវត្តត្រឹមត្រូវ តាមវិធានការ​ចត្តាឡីស័ក ដោយនៅផ្ទះ រាល់ពេលគ្រប់កាលកំណត់១៤ថ្ងៃ ហើយគ្មានចេញរោគសញ្ញាជំងឺ និងត្រូវបានបញ្ជាក់ ដោយលទ្ធផលតេស្តកូវីដ១៩ «អវិជ្ជមាន» ដោយមន្ទីរពិសោធន៍ នៅថ្ងៃទី១៣ នៃការធ្វើចត្តាឡីស័ក។

១០) ទំនាក់ទំនងក្នុងករណីចាំបាច់ និងបន្ទាន់

  • បើអ្នកត្រូវការពិគ្រោះយោបល់ ឬជំនួយវេជ្ជសាស្រ្ត សូមទាក់ទងមកទូរស័ព្ទ​សង្គ្រោះ លេខ ១១៥ របស់ក្រសួងសុខាភិបាល ដោយមិនគិតថ្លៃសេវា៕

របៀបធ្វេីចត្តាឡីស័កនៅតាមផ្ទះ​ ឫមណ្ឌលចត្តាឡីស័ក​ ៖

Posted by ក្រសួងសុខាភិបាលនៃព្រះរាជាណាចក្រកម្ពុជា on Wednesday, November 11, 2020


លំអិតបន្ថែមទៀត

កម្ពុជា

Covid-19៖ ហ៊ុន សែន ថាវិស័យ​ហិរញ្ញវត្ថុកម្ពជា មានស្ថានភាព​ល្អប្រសើរ

លោក ហ៊ុន សែន នាយករដ្ឋមន្ត្រីចាស់វស្សា នៅកម្ពុជា បានអះអាងថា ប្រទេសកម្ពុជា មានស្ថានភាព​ល្អប្រសើរ លើវិស័យហិរញ្ញវត្ថុ ក្នុងសម័យកាល នៃការរាតត្បាតជំងឺ «Covid-19»។ ការថ្លែងរបស់បុរសខ្លាំង ...
កម្ពុជា

Covid-19៖ អាជ្ញាធរចិន​រកឃើញ បុរសម្នាក់​ទៀត ឈឺជំងឺ​ចេញពីកម្ពុជា

បុរសម្នាក់​ទៀត ត្រូវបានធ្វើតេស្ដិ៍ រកឃើញមានផ្ទុកមេរោគ «Covid-19» កាលពីថ្ងៃទី២៣ ខែមេសា ឆ្នាំ២០២០ បន្ទាប់ពីបុរសរូបនោះ ចេញពីប្រទេសកម្ពុជា កាលពីថ្ងៃមួយថ្ងៃមុន។ របាយការណ៍ប្រចាំថ្ងៃ របស់គណៈកម្មការសុខភាពប្រជាជន នៃក្រុងខ្វាងចូវ ...
ដំណឹង

Covid-19៖ បារាំងប្រកាសបម្រាមគោចរ ឡើងដល់​៥៤តំបន់

រលកទីពីរ​នៃការរាតត្បាតជំងឺ​«Covid-19» បានតម្រូវ​ឲ្យរដ្ឋាភិបាល​បារាំង ប្រកាសដាក់បម្រាមគោចរ សម្រាប់តំបន់ជាច្រើនទៀត រហូតចំនួនសរុប ឡើងដល់​៥៤តំបន់ នៅលើផ្ទៃប្រទេស​(បារាំងដីគោក)។ ចំណាត់ការខាងលើ ប្រកាសឡើង​ដោយនាយករដ្ឋមន្ត្រី​បារាំង លោក ហ្សង់ កាស្ដិក (Jean ...

Comments are closed.

យល់ស៊ីជម្រៅផ្នែក វប្បធម៌ និងជីវិត

តន្ត្រី

អ៊ីតាលី ឈ្នះពាន​មហោស្រព​ ប្រឡងចម្រៀង «EuroVision 2021»

តន្ត្រី

EuroVision 2021 ៖ ផ្សាយផ្ទាល់​ពីរាត្រី​ផ្ដាច់ព្រ័ត្រនៃ​មហោស្រព

២៦ប្រទេសចុងក្រោយ ពីក្នុងចំណោមប្រទេសចូលរួមទាំងអស់ ៤១ប្រទេស នឹងត្រូវបញ្ចេញសមត្ថភាព តាមរយៈ​អ្នកចម្រៀងជម្រើសផងខ្លួន នៅក្នុងរាត្រីផ្ដាច់ព្រ័ត្រ នៃ​មហោស្រព​ប្រឡង​ចម្រៀង «EuroVision 2021» ដែលជា​ព្រឹត្តិការណ៍​ប្រចាំឆ្នាំ នៅទ្វីបអ៊ឺរ៉ុប ដោយមានការចូលរួម ពីបណ្ដាប្រទេសជាសមាជិក ...
វប្បធម៌ និងជីវិត

ទូរទស្សន៍​«Téléfoot»បារាំងបិទការផ្សាយ បន្ទាប់ពី​បើកទ្វារ​៦ខែ

បន្ទាប់ពី​បើកទ្វារ​៦ខែ រាប់ពីខែសីហា ឆ្នាំ២០២០មក ទូរទស្សន៍បាល់ទាត់បារាំងឈ្មោះ «Téléfoot» បានបិទ​ការផ្សាយ​របស់ខ្លួន ជាស្ថាពរក្នុងយប់ថ្ងៃអាទិត្យទី៧ ខែកុម្ភៈ ឆ្នាំ២០២១នេះ។ ការប្រកាសបិទការផ្សាយ ធ្វើឡើង​នៅចុងកម្មវិធី «Vrai Mag» ...